UHezekhiyeli 5:11 - iBhayibhili Elingcwele 1978

¹¹ Ngakhoke ngiyazifunga, kutsho iNkosi uNkulunkulu, ngoba lingcolisile impela indlu yami engcwele ngakho konke okuzondekayo langamanyala enu wonke, ngizakulibhubhisa ngingalihawukeli, ngingaliyekeli.

IBhayibhili Elingcwele LesiNdebele

¹¹ Ngakho ngeqiniso elinjengoba ngikhona, kutsho uThixo Wobukhosi, ngoba ungcolise indlu yami engcwele ngezifanekiso zakho zonke ezingamanyala langezenzo zakho ezenyanyekayo, mina ngokwami ngizasusa umusa wami; angiyikuba lesihawu kuwe loba ngiyekele ukukubhubhisa.

UHezekhiyeli 5:11 ပူးပေါင်းရင်းမြစ်များ

2 AmaKhosi 21:4

Wakha ama‐altare ethempelini, indlu iNkosi eyakhuluma ngayo yathi: EJerusalema ibizo lami lizadunyiselwa khona.

2 AmaKhosi 21:7

Isithombe sikankulunkulukazi uAshera ayesenzile wasimisa ethempelini, indlu iNkosi eyakhuluma ngayo kuDavida lakuSolomoni indodana yakhe yathi: Kulindlu, laseJerusalema engilikhethe kuzo zonke izizwe zakoIsrayeli, ibizo lami lizadunyiselwa khona kuze kube nininini;

2 AmaKhosi 23:12

Ama‐altare ayesophahleni lwendlu kaAhazi engaphezulu ayakhiwe ngamakhosi akoJuda, lama‐altare uManase ayewakhe emagumeni womabili ethempeli, uJosiya wawadiliza wawachoboza, uthuli lwawo waluphosela esifuleni iKidroni.

2 ImiLando 33:4

Wakha ama‐altare ethempelini, indlu iNkosi eyakhuluma ngayo yathi: EJerusalema ibizo lami lizadunyiselwa khona kokuphela.

2 ImiLando 33:7

Isithombe ayesenzile wasimisa endlini kaNkulunkulu, indlu uNkulunkulu akhuluma ngayo kuDavida lakuSolomoni indodana yakhe wathi: Kulindlu, laseJerusalema engilikhethe kuzo zonke izizwe zakoIsrayeli, ibizo lami lizadunyiselwa khona kuze kube nininini;

2 ImiLando 36:14

Zonke inhloko zakoJuda labapristi kanye labantu labo babonile kakhulu, balandela amanyala wonke ezizwe, balingcolisa ithempeli eyayizahlukanisele lona eJerusalema.

UJobe 27:22

Uyamtshaya ungamyekeli aze azame ngamandla wonke ukubaleka.

AmaHubo 107:39

Babuya bancipha, bathotshiswa ngokucindezelwa lokuhlupheka losizi.

AmaHubo 95:11

Ngakhoke ngafunga ekuthukutheleni kwami, ngathi kabayikungena elizweni lapho ebengingabanika khona ukuphumula.

UJeremiya 10:24

Siqondisa, wena Nkosi, kodwa kube ngokufaneleyo, kungabi ngolaka lwakho, funa usenze sibe yinto engesilutho.

UJeremiya 16:18

Ngizaphindisela ngokuphindiweyo ububi babo lezono zabo, ngoba balingcolisile ilizwe lami ngezidumbu zezithombe zabo ezinengekayo, bagcwalisa ilizwe lami ngamanyala abo.

UJeremiya 32:34

Bamisa izinengiso zabo endlini lapho ibizo lami lidunyiselwa khona, ukuba bayingcolise.

UJeremiya 44:4

Kanti ngathuma inceku zami zonke abaprofethi, ngazithuma njalonjalo, ngisithi: Lingayenzi linto enengisayo lengiyizondayo.

Izililo 2:17

INkosi yenzile lokho ebikumisile, igcwalisile ilizwi layo. Njengokumisa kwayo endulo isidilizile ingelasihawu. Yenzile ukuba isitha sithokoze ngawe, yaphakamisa amandla ezitha zakho.

Izililo 2:21

Obhuqwini lwezindlela kulele abatsha labadala; intombi zami lensizwa zami zibulewe; osukwini lokuthukuthela kwakho uzibulele wena, wazibulala ungelasihawu.

UHezekhiyeli 11:18

Lapho befika kulo, bazasusa lapho konke okunengisayo kwalo, lawo wonke amanyala alo.

UHezekhiyeli 11:21

Kodwa labo abanhliziyo zabo zithanda okunengisayo kwabo lamanyala abo, ngizaphindisela izenzo zabo phezu kwabo, kutsho iNkosi uNkulunkulu.

UHezekhiyeli 23:28

INkosi uNkulunkulu ithi: Ngizakukunikela ezandleni zalabo obazondayo, ezandleni zalabo owabatshiya usunengiwe yibo.

UHezekhiyeli 23:38

Futhi benze lokho kimi, bangcolisa indlu yami engcwele, bona lamaSabatha ami.

UHezekhiyeli 23:39

Ngoba ekubulaleni abantwana babo ukuba babe ngumhlatshelo wezithombe zabo, bangena endlini yami engcwele bayingcolise. Yikho lokho abakwenza endlini yami.

UHezekhiyeli 24:14

Mina Nkosi ngikhulumile. Kuzakwenzeka, ngizakukwenza. Kangiyikukuyekela, kangiyikuba lesihawu, kangiyikuphenduka. Ngizakukuthonisisa ngokufanele indlela zakho lezenzo zakho, kutsho iNkosi uNkulunkulu.

UHezekhiyeli 29:15

Bazakuba ngumbuso ophansi kulayo yonke, bangaphindi baphakanyiswe phezu kwezinye izizwe; ngizabenza babe bancinyane kakhulu ukuba bangabusi ezinye izizwe futhi.

UHezekhiyeli 33:11

Tshono kibo uthi: INkosi ithi: Ngiyazifunga mina, kangithokozi ngokufa komubi, kodwa ngokuba omubi atshiye indlela yakhe aphile; tshiyanike, tshiyani indlela zenu ezimbi, ngoba lizafelani, lina bakoIsrayeli na?

UHezekhiyeli 43:8

ngokumisa umbundu womnyango wabo phansi kowami, lensika zeminyango yabo phansi kwezami, sahlukaniswe ngumduli kuphela. Bangcolisile ibizo lami elingcwele ngamanyala abo abawenzileyo, ngakho ngibaqedile ngolaka lwami.

UHezekhiyeli 44:7

okungenisa abezizwe labangasokanga enhliziyweni lasenyameni endlini yami engcwele liyingcolisa, lapho linikela kimi ukudla kwami, amahwahwa legazi. Futhi lisaphulile isivumelwano sami ngamanyala enu wonke.

UHezekhiyeli 5:7

Ngakhoke iNkosi uNkulunkulu ithi: Njengoba lihlamukile ukwedlula izizwe eziliphahlileyo, lingalondolozi imithetho yami, lingagcini lezimiso zami, lingagcini lezimiso zezizwe eziliphahlileyo,

UHezekhiyeli 7:20

Babeziqhenya ngobuhle beziceciso zabo abenza ngazo imifanekiso lezithombe ezinengisayo. Ngakhoke ngizazenza zibe yizinto ezingcolileyo kibo.

UHezekhiyeli 7:4

Kangiyikuliyekela, kangiyikulihawukela, kodwa ngizalitshaya ngenxa yezindlela zenu lapho amanyala enu esephakathi kwenu. Ng’khona lizakwazi ukuba ngiyiNkosi.

UHezekhiyeli 7:9

Kangiyikuliyekela, kangiyikulihawukela, kodwa ngizalitshaya ngenxa yezenzo zenu langamanyala enu asesephakathi kwenu. Ng’khona lizakwazi ukuba ngiyiNkosi etshayayo.

UHezekhiyeli 8:15

Wasesithi kimi: Uyakubona lokhu, wena ndoda na? Ng’khona usuzakubona amanyala amakhulu ukwedlula la.

UHezekhiyeli 8:16

Wangingenisa egumeni elingaphakathi kwethempeli; ngabona ngasemnyango wethempeli leNkosi phakathi komkoto lealtare abantu abangamatshumi amabili lanhlanu befulathele ithempeli leNkosi, bekhangele ngasempumalanga, bekhonza ilanga eliphumayo.

UHezekhiyeli 8:18

Ngizabasukela ekuthukutheleni kwami. Kangiyikubayekela ngibahawukele; lanxa bekhala kakhulu, kangiyikubezwa.

UHezekhiyeli 9:10

Lamike kangiyikubayekela, kangiyikuba lesihawu, kodwa ngizakwehlisela izenzo zabo phezu kwabo.

UHezekhiyeli 9:5

Ngezwa isithi kwabanye: Dabulani phakathi komuzi limlandele, libulale, lingayekeli, lingabi lasihawu,

ULevi 15:31

Ngalindlela lizakulaya abantu bakoIsrayeli ngokungcola kwabo, ukuba bangangcolisi iTabernakeli lami eliphakathi kwabo, bafe.

uAmosi 8:7

INkosi ifungile ngokuzigqaja kukaJakobe, yathi: Impela kangiyikuzikhohlwa izenzo zabo kuze kube nininini.

UZakhariya 11:6

Ngoba kangisayikubahawukela abakhileyo kulelilizwe, kutsho iNkosi. Ngizabanikela abantu ezandleni zabomakhelwane babo, lezamakhosi abo; bazachitha ilizwe, kangiyikophula loyedwa ezandleni zabo.

UMalaki 3:17

Bazakuba ngabami, kutsho iNkosi yamabandla, babe yimpahla yami ngosuku lokwenza kwami, ngizabayekela njengalokhu umuntu eyekela indodana emsebenzelayo.

AbaseRoma 11:12

Kodwa uba isiphambeko sabo sinothisa umhlaba, lokwahluleka kwabo kunothisa abezizwe, ukuphelela kwabo kuzaletha okukhulu kangakanani.

AbaseRoma 11:21

ngoba uba uNkulunkulu engayekelanga ingatsha zemvelo, lawe kayikukuyekela.

AbaseRoma 8:32

Yena ongayigodlanga eyakhe iNdodana, kodwa wayinikelela thina sonke, angehluleka kanjani ukusinika konke kanye layo na?

UDutheronomi 29:20

INkosi kayiyikumthethelela, kodwa intukuthelo yayo lomhawu wayo kuzavutha kuye, zize zimehlele zonke iziqalekiso ezilotshiweyo ogwalweni lolu, iNkosi icitshe ibizo lakhe emhlabeni.

AmaHebheru 6:13

Lapho uNkulunkulu ethembisa uAbrahama, wazifunga yena, ngoba kungekho omkhulu kulaye angamfunga.