UHezekhiyeli 48:21 - iBhayibhili Elingcwele 1978

²¹ Okuseleyo inxa zonke zesigaba esingcwele lenxa zonke zempahla zomuzi kuzakuba ngokwesikhulu. Kusukela ezingalweni ezizinkulungwane ezingamatshumi amabili lanhlanu zesigaba esingcwele ngasempumalanga komngcele, kusiya entshonalanga kusukela ezingalweni ezizinkulungwane ezingamatshumi amabili kusiya emngceleni wasempumalanga, kulinganisene lezigaba zezizwe, kuzakuba ngokwesikhulu. Isigaba esingcwele kanye lendawo engcwele yethempeli phakathi kwaso,

IBhayibhili Elingcwele LesiNdebele

²¹ Okusalayo emaceleni womabili endawo eyisigaba esingcwele lempahla yedolobho kuzakuba ngokwenkosana. Kuzaqhubekela empumalanga kusukela ezingalweni eziyinkulungwane ezingamatshumi amabili lanhlanu (25,000) zesigaba esingcwele kusiya emngceleni wasempumalanga, kuphinde kuye entshonalanga kusukela kuzingalo eziyinkulungwane ezingamatshumi amabili lanhlanu (25,000) kusiya emngceleni wasentshonalanga. Izindawo lezi zombili ezilandela ubude bezigaba zezizwana zizakuba ngezenkosana, njalo isigaba esingcwele esilendawo engcwele yethempeli sizakuba phakathi kwazo.

UHezekhiyeli 48:21 ပူးပေါင်းရင်းမြစ်များ

UHezekhiyeli 37:24

Inceku yami uDavida uzakuba yinkosi yabo, babe lomalusi munye. Bazalandela imithetho yami, bananzelele ukugcina izimiso zami.

UHezekhiyeli 48:10

Nanzi izabelo zezigaba ezingcwele. Abapristi bazakuba lesabelo esiyizingalo ezizinkulungwane ezingamatshumi amabili lanhlanu ngasenyakatho; ububanzi baso ngasentshonalanga bube zingalo ezizinkulungwane ezilitshumi, lobubanzi baso ngasempumalanga bube zingalo ezizinkulungwane ezilitshumi, lobude baso ngaseningizimu bube zingalo ezizinkulungwane ezingamatshumi amabili lanhlanu, indlu engcwele yeNkosi izakuba phakathi kwaso.

UHezekhiyeli 48:20

Isabelo sonke elizakusahlukanisa sizakuba zingalo ezizinkulungwane ezingamatshumi amabili lanhlanu inxa zonke, ngitsho isabelo esingcwele ndawonye lempahla yonke yomuzi.

UHezekhiyeli 48:22

lempahla yamaLevi lempahla yomuzi kuzakuba phakathi kwendawo yesikhulu. Isigaba sesikhulu sizakuba phakathi kwelizwe lakoJuda lakoBenjamini.

UHezekhiyeli 48:8

Kuxhuma endaweni kaJuda, kusukela empumalanga kusiya entshonalanga kuzakuba yisigaba elizakusahlukanisela iNkosi, ububanzi baso bube zingalo eziyizinkulungwane ezingamatshumi amabili lanhlanu, ubude baso buzalingana lobesinye sezigaba zezizwe, kusukela empumalanga kusiya entshonalanga indlu engcwele izakuba phakathi kwaso.

UHosiya 1:11

AbakoJuda labakoIsrayeli bazabuthana ndawonye, bazikhethele umkhokheli abe munye, bagcwale baze beqe imingcele yelizwe, ngoba luzakuba lukhulu usuku lwaseJezereli.