UHezekhiyeli 48:15 - iBhayibhili Elingcwele 1978

¹⁵ Indawo eseleyo, ububanzi bayo buzingalo ezizinkulungwane ezinhlanu, lobude bayo buzingalo ezizinkulungwane ezingamatshumi amabili lanhlanu, izasetshenziswa ngumuzi, ibe yindawo yokwakha, leganga. Phakathi kwayo kuzakuba khona umuzi.

IBhayibhili Elingcwele LesiNdebele

¹⁵ Indawo eseleyo, ingalo eziyinkulungwane ezinhlanu (5,000) ububanzi lengalo eziyinkulungwane ezingamatshumi amabili lanhlanu (25,000) ubude, izasetshenziswa nguzulu wedolobho, ngeyezindlu lamadlelo. Idolobho lizakuba phakathi kwayo

UHezekhiyeli 48:15 ပူးပေါင်းရင်းမြစ်များ

UHezekhiyeli 22:26

Abapristi balo bawaphule umlayo wami, bangcolisa izinto zami ezingcwele; kabenzanga umahluko phakathi kwezinto ezingcwele lezingangcwele; futhi kabawufundisanga umahluko phakathi kwezinto ezingcolileyo lezingangcolanga, badelile amaSabatha ami; ngangcoliswa phakathi kwabo.

UHezekhiyeli 42:20

Walinganisa indawo zozine. Lalilomduli olizingelezeleyo, uzingalo ezingamakhulu amahlanu ubude, lezingalo ezingamakhulu amahlanu ububanzi, ukwahlukanisa okungcwele lokungangcwele.

UHezekhiyeli 44:23

Bazafundisa abantu bami umahluko phakathi kokungcwele lokungangcwele, babatshengise ukwahlukanisa phakathi kokungcolileyo lokuhlambulukileyo.

UHezekhiyeli 45:6

Lizanika umuzi indawo phansi kwelizwe lendlu engcwele, ubude bayo bube zingalo ezizinkulungwane ezingamatshumi amabili lanhlanu, lobubanzi bayo bube zingalo ezizinkulungwane ezinhlanu, izakuba ngeyakhe wonke uIsrayeli.

1 uTimothi 3:15

uba ngibambeka, wazi ukuthi abantu bafanele ukuziphatha kanjani endlini kaNkulunkulu, elibandla likaNkulunkulu ophilayo, insika lesisekelo seqiniso.