UHezekhiyeli 47:22 - iBhayibhili Elingcwele 1978

²² Lilabe libe ngelenu lelabezizwe abahlala phakathi kwenu, bezala abantwana phakathi kwenu. Bazakuba njengamadodana azalelwe koIsrayeli. Kanye lani bazakwabelwa ilizwe phakathi kwezizwe zakoIsrayeli.

IBhayibhili Elingcwele LesiNdebele

²² Kumele lilabe njengelifa lenu kanye labezizweni asebehlezi phakathi kwenu njalo abalabantwana. Kumele libathathe njengabantu bakini ko-Israyeli; kanye lani bazakwabelwa ilifa phakathi kwezizwana zako-Israyeli.

UHezekhiyeli 47:22 ပူးပေါင်းရင်းမြစ်များ

U-Isaya 14:1

INkosi izakumhawukela uJakobe, ibuye imkhethe futhi uIsrayeli, ibabeke elizweni lakibo; labezizwe bazahlangana labo, bahlale labo.

UHezekhiyeli 45:1

Ekwahlukaniseni kwenu ilizwe ngenkatho ukuba zonke izizwe zinikwe isabelo, lizakwahlukanisela iNkosi ingxenye yelizwe ibe yindawo engcwele, ubude bayo bube zingalo ezizinkulungwane ezingamatshumi amabili lanhlanu, lobubanzi bayo bube zingalo ezizinkulungwane ezingamatshumi amabili. Yonke izakuba ngcwele.

UHezekhiyeli 47:21

Ngokunjaloke lizalahlukanisa ilizwe ezizweni zakoIsrayeli.

UHezekhiyeli 47:23

Lakusiphi isizwe owezizwe ahlala kiso lizakumabela lapho ilizwe lakhe, kutsho iNkosi uNkulunkulu.

UHezekhiyeli 48:29

Yiloke ilizwe elizakulaba libe ngelenu phakathi kwezizwe zakoIsrayeli, yizo izigaba zabo, kutsho iNkosi uNkulunkulu.

ULevi 19:34

Owezizweni ohlala lani uzakuba njengowokuzalwa elizweni phakathi kwenu, limthande njengalokhu lizithanda lina; ngoba lani lalingabantu bezizweni elizweni laseGibithe. NgiyiNkosi uNkulunkulu wenu.

Imisebenzi 11:18

Bathi sebekuzwile lokhu, bathula, bamdumisa uNkulunkulu besithi: Kanti uNkulunkulu unikile abezizwe labo ukuphendukela ekuphileni.

Imisebenzi 15:9

futhi kehlukanisanga phakathi kwethu labo, ehlambulula inhliziyo zabo ngokukholwa.

AbaseRoma 10:12

Ngakho kakukho ukwahlukana phakathi komJuda lomGriki, ngoba iNkosi yona yiNkosi yabo bonke, inothele bonke abakhuleka kuyo.

Abase-Efesu 3:6

ukuthi abezizwe bayizindlalifa kanye lathi, lokuthi bangumzimba munye kanye lathi, bangabahlanganyeli besithembiso kuKristu Jesu ngevangeli.

UDutheronomi 10:19

Ngakhoke bathandeni abezizweni, ngoba lalingabezizweni eGibithe.

AbaseKholose 3:11

Lapho kakukho umGriki lomJuda, osokileyo longasokanga, owezizwe lomSikethiya, isigqili lokhululekileyo; kodwa uKristu uyikho konke, ukibo bonke.