UHezekhiyeli 47:19 - iBhayibhili Elingcwele 1978

¹⁹ Ngaseningizimu uzasuka eTamari uze ufike ngasemanzini aseMeribathi‐Kadeshi, usuke lapho uye ngasemfuleni waseGibithe uyefika oLwandle olukhulu. Lo uzakuba ngumngcele waseningizimu.

IBhayibhili Elingcwele LesiNdebele

¹⁹ Eningizimu uzahamba usuka eThamari uze uyefika emanzini aseMeribha Khadeshi, ube usulandela iSihotsha saseGibhithe usiyafika eLwandle Olukhulu. Lo uzakuba ngumngcele waseningizimu.

UHezekhiyeli 47:19 ပူးပေါင်းရင်းမြစ်များ

1 AmaKhosi 8:65

Ngalesosikhathi uSolomoni labo bonke abakoIsrayeli ababelixuku elikhulu, ababevela ekuyeni ngaseHamathi kusiya esifuleni saseGibithe benza umkhosi phambi kweNkosi uNkulunkulu insuku eziyisikhombisa.

1 AmaKhosi 9:18

leBalathi leTamari enkangala,

2 ImiLando 20:2

UJehoshafati wabikelwa ukuthi impi enkulu izemhlasela ivela eEdoma phetsheya kolwandle, isiseHazazoni‐Tamari, okutsho iEngedi.

AmaHubo 81:7

Wakhuleka usekuhluphekeni, ngakukhulula; ngakuphendula ekusithekeni kokuduma; ngakuhlola ngasemanzini aseMeriba.

U-Isaya 27:12

Kuzakuthi ngalolosuku iNkosi ibhule amabele, kusukela emfuleni iYufrathi kuze kube semfuleni waseGibithe; lizakubuthwa ngamunye ngamunye, lina bakoIsrayeli.

UHezekhiyeli 47:10

Abagoli benhlanzi bazakuma phansi kolwandle, kusukela eEngedi kuze kube seEnegilayimi kuzakuba yindawo yokugola inhlanzi. Inhlanzi zalo zizakuba ngezenhlobo ezinengi njengenhlanzi zoLwandle olukhulu.

UHezekhiyeli 47:15

Nanku umngcele welizwe; ngasenyakatho kusukela oLwandle olukhulu kuyedlula eHethiloni kuze kube sekungeneni eHamathi, kudlulele eZedadi,

UHezekhiyeli 48:28

Kuxhuma endaweni kaGadi kusiya eningizimu, umngcele uzasuka eTamari usiya emanzini aseMeribathi‐Kadeshi, usuke lapho uhambe ngasemfuleni waseGibithe uye ngasoLwandle olukhulu.

AmaNani 20:1

Lonke ibandla labakoIsrayeli lafika enkangala yaseZini ngenyanga yokuqala; bahlala eKadeshi. UMiriyamu wafela lapho, wambelwa khona.

AmaNani 20:13

La ngamanzi aseMeriba, lapho abantu bakoIsrayeli baphikisana khona leNkosi, yazibonakalisa kubo ukuthi ingcwele.

AmaNani 34:3

Isigaba saseningizimu sizakusuka enkangala yaseZini, ngasemkhawulweni welaseEdoma, lomngcele wenu waseningizimu uzasuka ekucineni koLwandle lweTshwayi ngasempumalanga.

AmaNani 34:5

uzakuphenduka eAzimoni uye esifuleni saseGibithe, uphelele olwandle.

UDutheronomi 32:51

Ngoba waphambana lami phakathi kwabantu bakoIsrayeli ngasemanzini aseMeriba‐Kadeshi enkangala yaseZini; ngoba ungangihloniphanga njengongcwele phakathi kwabakoIsrayeli.

UDutheronomi 33:8

Mayelana loLevi wathi: Mnike uLevi inkatho amaThumimi longcwele wakho inkatho amaUrimi, owamlinga eMasa, waphikisana laye ngasemanzini aseMeriba;

UJoshuwa 12:3

leAraba kuze kufike olwandle lwaseKinerethi, kusiya empumalanga lasekuyeni eBeti‐Jeshimothi kuze kube solwandle lwaseAraba, uLwandle lweTshwayi, kusiya eningizimu emawatheni ePisiga;