UHezekhiyeli 47:13 - iBhayibhili Elingcwele 1978

¹³ INkosi uNkulunkulu ithi: Nansi imingcele elizakwahlukanisa ngayo izizwe zakoIsrayeli ezilitshumi lambili ilizwe libe yilifa lazo. UJosefa uzakuba lezigaba ezimbili.

IBhayibhili Elingcwele LesiNdebele

¹³ Nanku okutshiwo nguThixo Wobukhosi: “Le yimingcele ozakwehlukanisa ngayo ilizwe lokuba yilifa phakathi kwezizwana ezilitshumi lambili zako-Israyeli, kulezigaba ezimbili zikaJosefa.

UHezekhiyeli 47:13 ပူးပေါင်းရင်းမြစ်များ

UGenesisi 48:5

Khathesi amadodana akho amabili, owawazalela elizweni laseGibithe ngingakafiki kuwe eGibithe, angawami; uEfrayimi loManase njengoRubeni loSimeyoni bazakuba ngabami.

UGenesisi 49:26

izibusiso zamabele lezempoko, lezibusiso ezivela ezintabeni, lezinto ezinhle ezivela entabeni ezimiyo kuze kube nininini; zizakuba phezu kwekhanda likaJosefa, laphezu kwenkanda yalowo oyisikhulu phakathi kwabafowabo.

1 ImiLando 5:1

Nanka amadodana kaRubeni izibulo likaIsrayeli — wayelizibulo, kodwa njengoba wayelele lomunye wabafazi bakayise, ubuzibulo bakhe banikwa amadodana kaJosefa indodana kaIsrayeli; futhi wayengalotshwanga njengezibulo;

UJeremiya 3:18

Ngalezonsuku indlu yakoJuda izahlangana lendlu yakoIsrayeli, ziphume kanyekanye elizweni lasenyakatho, zize elizweni engalinika okhokho benu ukuba libe ngelabo.

UJeremiya 31:1

Ngalesosikhathi, kutsho iNkosi, ngizakuba nguNkulunkulu wemizi yonke yakoIsrayeli; bazakuba ngabantu bami.

UHezekhiyeli 48:1

Nanka amabizo ezizwe. Kusukela ngasemngceleni ongasenyakatho, kusukela olwandle ngendlela yeHethiloni ngasekungeneni kweHamathi, kuze kufike eHazariEnoni, elingasemngceleni wasenyakatho kweDamaseko maqondana leHamathi, ngitsho kusukela empumalanga kusiya entshonalanga, uDani uzakuba lesigaba esisodwa.

UHezekhiyeli 48:29

Yiloke ilizwe elizakulaba libe ngelenu phakathi kwezizwe zakoIsrayeli, yizo izigaba zabo, kutsho iNkosi uNkulunkulu.

AmaNani 34:1

INkosi yathi kuMose:

UJoshuwa 16:4

Lapho inzalo kaJosefa, abakoManase labakoEfrayimi, yanikwa ilizwe layo.

UJoshuwa 17:1

Kwasekusabelwa abakoManase, ngoba uManase wayelizibulo likaJosefa. UMakiri izibulo likaManase uyise kaGileyadi wanikwa iGileyadi leBashani, ngoba wayengumuntu wempi.