UHezekhiyeli 47:1 - iBhayibhili Elingcwele 1978

¹ Wasengibuyisela ngasemnyango wethempeli, ngabona amanzi egobhoza ngaphansi kwedundulu lomnyango wethempeli eqonda empumalanga, ngoba ithempeli lalikhangele impumalanga; amanzi ayegeleza ngakwesokunene ngeningizimu kwealtare.

IBhayibhili Elingcwele LesiNdebele

¹ Umuntu lowo wangibuyisela entubeni yethempeli, ngasengibona amanzi ephuma ngaphansi kwasekungeneni kwethempeli esiya empumalanga (ngoba ithempeli lalikhangele empumalanga.) Amanzi ayegelezela phansi evela ngaphansi kwecele langaseningizimu lethempeli, eningizimu kwe-alithari.

UHezekhiyeli 47:1 ပူးပေါင်းရင်းမြစ်များ

AmaHubo 46:4

Kukhona umfula omanzi awo athokozisa umuzi kaNkulunkulu, indawo engcwele yoPhezukonke.

AmaHubo 46:5

UNkulunkulu uphakathi kwawo, kawuyikunyikinywa; uNkulunkulu uzakuwusiza ngovivi lokusa.

AmaHubo 87:7

Abahlabelayo labasinayo bathi: Wena Ziyone, ungumthombo wezibusiso zethu zonke.

U-Isaya 2:3

labantu abanengi bazakuza bathi: Wozani sikhwele entabeni yeNkosi; siye endlini kaNkulunkulu kaJakobe, ukuba asifundise indlela zakhe, ukuze sihambe endleleni zakhe. Ngoba kuzakuphuma umlayo eZiyone, lelizwi leNkosi eJerusalema.

U-Isaya 30:25

Laphezu kwezintaba ezinde lamaqaqa amade kuzakuba lezifula zamanzi agelezayo osukwini lokubulawa okukhulu, mhla kusiwa izinqaba.

U-Isaya 55:1

INkosi ithi: We lina lonke elomileyo, wozani kukha amanzi, laye ongelamali keze, athenge ukudla, adle. Wozani lithenge iwayini lochago okungabizi mali.

UJeremiya 2:13

Ngoba abantu bami benzile izinto ezimbi ezimbili; bangihlamukele, mina mthombo wamanzi okuphila, bazigebhela imithombo etshayo, engabambi manzi.

UHezekhiyeli 40:6

Wasesiya esangweni elikhangele impumalanga, wakhwela ngezinyathelo, walinganisa umbundu wesango, walingana lomhlanga munye ukutshona kwawo.

UHezekhiyeli 41:2

Ububanzi bomnyango babuzingalo ezilitshumi, lobubanzi bemiduli eseceleni kwesango babuzingalo ezinhlanu ngapha langapha. Waselinganisa ubude bethempeli, baba zingalo ezingamatshumi amane, lobubanzi balo baba zingalo ezingamatshumi amabili.

UHezekhiyeli 46:24

Wasesithi kimi: Le yimikulu lapho abakhonzayo ethempelini bazaphekela imihlatshelo yabantu khona.

UHezekhiyeli 47:12

Enkunjini zombili zomfula kuzakhula zonke inhlobo zezihlahla ezidliwayo. Amahlamvu azo kawayikubuna, lezithelo zazo kaziyikuphutha, zizathela izithelo ezintsha inyanga zonke, ngoba amanzi azo avela endlini engcwele. Izithelo zazo zizakuba ngezokudliwa, lamahlamvu azo abe ngawokwelapha.

UHezekhiyeli 47:2

Wasengikhupha ngendlela yesango langasenyakatho, wangibhodisa ngaphandle kwesango elingaphandle elikhangele impumalanga. Amanzi ayegeleza ngaseningizimu.

UJoweli 3:18

Kuzakuthi ngalolosuku intaba zigobhoze iwayini elitsha, lamaqaqa ageleze uchago, layo yonke imifula yakoJuda igeleze amanzi, kuzabhoboka umthombo endlini yeNkosi, uthelele isihotsha saseShithimi.

UZakhariya 13:1

Ngalolosuku umthombo uzavulelwa indlu kaDavida labakhileyo eJerusalema ukuba bahlanjululwe ezonweni lasek ungcoleni.

UZakhariya 14:4

Ngalolosuku inyawo zayo zizakuma entabeni ethiwa yiOliveti emaqondana leJerusalema ngasempumalanga; intaba iOliveti izadabuka phakathi kuvele isigodi esikhulu kusukela empumalanga kusiya entshonalanga, ingxenye yentaba izatshedela enyakatho, lengxenye itshedele eningizimu.

UZakhariya 14:8

Ngalolosuku amanzi agobhozayo azaphuma eJerusalema, ingxenye yawo igelezele olwandle lwasempumalanga, lengxenye yawo igelezele olwandle lwasentshonalanga, igeleza ehlobo lasebusika.

Isambulo 22:1

Wasengitshengisa umfula wamanzi okuphila acwengekileyo kakhulu, evela esihlalweni sobukhosi sikaNkulunkulu leseWundlu,

Isambulo 22:17

UMoya lomlobokazi bathi: Woza! Lozwayo lokhu katsho athi: Woza! Lowomileyo keze. Othandayo kathathe amanzi okuphila ngesihle.