UHezekhiyeli 46:16 - iBhayibhili Elingcwele 1978

¹⁶ INkosi uNkulunkulu ithi: Uba isikhulu sinika enye indodana yaso isiphiwo empahleni yaso, sizakuba ngokwamadodana aso, ngoba kuyimpahla yabo.

IBhayibhili Elingcwele LesiNdebele

¹⁶ Nanku okutshiwo nguThixo Wobukhosi: Nxa inkosana inika enye yamadodana ayo isipho elifeni layo, sizakuba ngesezizukulwane zayo futhi; sizakuba yimpahla yazo ngokudla ilifa.

UHezekhiyeli 46:16 ပူးပေါင်းရင်းမြစ်များ

2 ImiLando 21:3

Uyise wabanika izipho ezinengi zesiliva legolide lempahla eligugu kanye lemizi ebiyelweyo yakoJuda; kodwa umbuso wawunika uJoramu ngoba wayelizibulo.

AmaHubo 37:18

INkosi iyalondoloza abaqotho, lelizwe labo lizakuma kuze kube nininini;

UHezekhiyeli 45:7

Indawo esemaceleni womabili endawo engcwele lawendawo yomuzi izakuba ngeyesikhulu, lendawo eseduze lendawo engcwele leseduze lomuzi, esuka entshonalanga eqonda entshonalanga, lesuka empumalanga eqonda empumalanga, ubukhulu bayo bulingana lesinye sezigaba phakathi kwentshonalanga lempumalanga yemingcele yelizwe.

UMatewu 25:34

Kung’khonake iNkosi izakuthi kibo abangakwesokunene sayo: Wozani lina elibusisiweyo nguBaba, lidle ilifa lombuso eliwulungiselweyo kusukela ekudatshulweni komhlaba.

ULukha 10:42

Kodwa yinye into edingekayo; uMariya ukhethile isabelo esihle angayikwamukwa sona.

AbaseGalathiya 4:7

Ngakhoke kawuseyiso isigqili kodwa usuyindodana; uba uyindodana, uyindlalifa ngaye uNkulunkulu.