UHezekhiyeli 46:12 - iBhayibhili Elingcwele 1978

¹² Nxa isikhulu sinika umnikelo wesihle eNkosini, kungaba ngumnikelo wokutshiswa loba umnikelo wokuthula, sizavulelwa isango elikhangele empumalanga; sizanikela umnikelo waso wokutshiswa loba umnikelo wokuthula njengokwenza kwaso ngosuku lweSabatha. Siphumeke, nxa sesiphumile lizakuvalwa isango.

IBhayibhili Elingcwele LesiNdebele

¹² Lapho inkosana inika umnikelo ngokuzithandela kuThixo loba kungumnikelo wokutshiswa kumbe iminikelo yobuzalwane, kumele ivulelwe isango elikhangele empumalanga. Izanikela umnikelo wayo wokutshiswa kumbe umnikelo wayo wobuzalwane njengekwenzayo ngosuku lweSabatha. Emva kwalokho izaphuma, njalo emva kokuba isiphumile, isango lizavalwa.

UHezekhiyeli 46:12 ပူးပေါင်းရင်းမြစ်များ

1 AmaKhosi 3:4

Waya eGibeyoni ukunikela umhlatshelo khona, ngoba leyo yayiyindawo yokukhonzela enkulu. Wayenikela iminikelo yokutshiswa eyinkulungwane phezu kwealtare lakhona.

1 ImiLando 29:21

Ngosuku olulandelayo banikela imihlatshelo eNkosini leminikelo yokutshiswa, inkunzi eziyinkulungwane lezinqama eziyinkulungwane lamawundlu ayinkulungwane, kanye leminikelo yabo yokuthululwa, lemihlatshelo eminengi yokunikelela uIsrayeli wonke.

2 ImiLando 29:31

UHezekiya wasesithi ebantwini: Selizahlukanisele iNkosi; sondelani lilethe imihlatshelo yenu leminikelo yokubonga ethempelini. Ibandla laseliletha imihlatshelo leminikelo yokubonga; bonke ababelenhliziyo ezinhle baletha iminikelo yokutshiswa.

2 ImiLando 5:6

Inkosi uSolomoni lalo lonke ibandla lakoIsrayeli elalibuthene babephambi komtshokotsho benikela imihlatshelo yezimvu lezinkabi ezingelakubalwa ngobunengi bazo.

U-Ezra 1:4

Bonke abaseleyo, lakuziphi izindawo lapho abahlala khona, kabasizwe ngabantu bendawo yakibo ngesiliva legolide, langempahla, langenkomo, kanye leminikelo yesihle yethempeli eJerusalema.

U-Ezra 3:5

langaphezu kwaleyo banikela iminikelo yokutshiswa yensuku zonke, leminikelo yasekuthwaseni kwenyanga, layemikhosi yonke emisiweyo yeNkosi, leminikelo yabo bonke abanikela ngesihle eNkosini.

U-Ezra 6:17

Ekwahlukaniselweni kwayo uNkulunkulu lindlu banikela inkunzi ezilikhulu, lenqama ezingamakhulu amabili, lamawundlu angamakhulu amane; banikelela uIsrayeli wonke umnikelo wesono intondolo ezilitshumi lambili ezilingana lezizwe zakoIsrayeli.

UHezekhiyeli 44:1

Waseng buyisela ngasesangweni elingaphandle lendlu engcwele, elikhangele empumalanga, lalivaliwe.

UHezekhiyeli 44:3

Yisikhulu sodwa esingahlala kilo sidle isinkwa phambi kweNkosi. Sizangena ngendlela yendlu esekungeneni kwesango, siphume ngayo futhi.

UHezekhiyeli 45:17

Kuzakuba ngumsebenzi wesikhulu ukunika iminikelo yokutshiswa leminikelo yempuphu leminikelo yokuthululwa emikhosini, ngesikhathi sokuthwasa kwenyanga, langamaSabatha, lakuyo yonke imikhosi emisiweyo yakoIsrayeli. Sizanikela umnikelo wesono lomnikelo wempuphu lomnikelo wokutshiswa lomnikelo wokuthula ukubenzela ukubuyisana labakoIsrayeli.

UHezekhiyeli 46:8

Lapho isikhulu singena, sizangena endlini esekungeneni kwesango, siphume ngayona leyondlela.

ULevi 1:3

Uba umnikelo wakhe ungumnikelo wokutshiswa owenkomo, uzakunikela ngenkunzi engelasici, ayinikele ngasemnyango wethente lokuhlangana, ukuba amukeleke phambi kweNkosi.

ULevi 23:38

kanye lamaSabatha eNkosi, leziphiwo zenu, leminikelo yenu yonke yokugcwalisa izithembiso, leminikelo yenu yonke yesihle, elinikela ngayo eNkosini.

ULevi 7:16

Uba umhlatshelo womnikelo wakhe ungumnikelo wokugcwalisa isithembiso loba umnikelo wesihle, uzakudliwa ngosuku anikela ngalo ngomhlatshelo wakhe, okuseleyo kuwo kudliwe kusisa;

AmaNani 29:39

Lokho lizakunikela ngakho eNkosini emikhosini yenu emisiweyo, kanye leminikelo yokugcwalisa izithembiso zenu, leminikelo yenu yesihle, leminikelo yenu yokutshiswa, leminikelo yenu yempuphu, leminikelo yenu yokuthululwa, leminikelo yenu yokuthula.

AbaseRoma 12:1

Ngakhoke, bazalwane, ngiyalincenga ukuba, ngesihawu sikaNkulunkulu, linikele imizimba yenu ibe ngumnikelo ophilileyo, ongcwele, owamukelekayo kuNkulunkulu, kube yikukhonza kwenu okuqotho.

Abase-Efesu 5:2

lihambe ngothando, njengalokhu uKristu wasithanda, wazinikela ngenxa yethu, abe ngumnikelo lomhlatshelo olephunga elimnandi kuNkulunkulu.