UHezekhiyeli 45:19 - iBhayibhili Elingcwele 1978

¹⁹ Umpristi uzathatha elinye igazi lomnikelo wesono, alicombe emgubazini wethempeli lasezingonsini zealtare lasezinsikeni zamasango eguma langaphakathi.

IBhayibhili Elingcwele LesiNdebele

¹⁹ Umphristi kumele athathe elinye legazi lomnikelo wesono alifake emigubazini yethempeli, ezingosini ezine zelitshe langaphezulu le-alithari lasezinsikeni zesango leguma langaphakathi.

UHezekhiyeli 45:19 ပူးပေါင်းရင်းမြစ်များ

UHezekhiyeli 43:14

ingalo ezimbili kusukela esidindini phansi kusiya ngaphezu kwelitshe lokuqala, ububanzi buyingalo; kusukela ngaphezu kwelitshe elincinyane kusiya ngaphezu kwelitshe elikhulu kube zingalo ezine, ububanzi buyingalo.

UHezekhiyeli 43:17

Umphetho walo uzalingana inxa zonke, ubude bube zingalo ezilitshumi lane, lobubanzi bube zingalo ezilitshumi lane, ube lomqolo emaceleni awo, ububanzi balo bube yingxenye yengalo, ngaphansi kube yingalo inxa zonke. Izinyathelo zealtare zizakhangela empumalanga.

UHezekhiyeli 43:19

uzanika abapristi abangamaLevi abosendo lukaZadoki, abasondela ukukhonza kimi inkunzi yomnikelo wesono, kutsho iNkosi uNkulunkulu.

UHezekhiyeli 43:20

Uthathe elinye legazi layo, ulifake empondweni zozine zealtare, lasezingonsini zozine zompetho walo, lasemqolweni olizingelezeleyo. Ngokunjaloke uzalihlambulula ialtare, ulenzele ukubuyisana.

UHezekhiyeli 46:1

INkosi uNkulunkulu ithi: Isango leguma elingaphakathi elikhangele impumalanga, lizavalwa insuku eziyisithupha okusetshenzwa ngazo. Kodwa ngosuku lweSabatha lizavulwa lasekuthwaseni kwenyanga.

UHezekhiyeli 46:2

Isikhulu sizangena endlini esekungeneni kwesango sivela ngaphandle, sime ensikeni yesango. Abapristi banikele umnikelo waso wokutshiswa leminikelo yaso yokuthula, sona sizakhonza sisedundulwini lesango. Besesiphumake, kodwa isango kaliyikuvalwa kuze kube kusihlwa.

ULevi 16:16

Ngalokho uzakwenzela indawo engcwele indlela yokubuyisana, ngenxa yokungcola kwabantu bakoIsrayeli, langenxa yeziphambeko zabo, lezono zabo zonke. Futhi uzakulenzela njalo ithente lokuhlangana, elihlala labo liphakathi kokungcola kwabo.