UHezekhiyeli 45:17 - iBhayibhili Elingcwele 1978

¹⁷ Kuzakuba ngumsebenzi wesikhulu ukunika iminikelo yokutshiswa leminikelo yempuphu leminikelo yokuthululwa emikhosini, ngesikhathi sokuthwasa kwenyanga, langamaSabatha, lakuyo yonke imikhosi emisiweyo yakoIsrayeli. Sizanikela umnikelo wesono lomnikelo wempuphu lomnikelo wokutshiswa lomnikelo wokuthula ukubenzela ukubuyisana labakoIsrayeli.

IBhayibhili Elingcwele LesiNdebele

¹⁷ Kuzakuba ngumsebenzi wenkosana ukunika iminikelo yokutshiswa, iminikelo yamabele kanye leminikelo yokunathwayo emikhosini, ekuThwaseni kweziNyanga langamaSabatha, kuyo yonke imikhosi yako-Israyeli. Izanikela iminikelo yesono, iminikelo yamabele leminikelo yobuzalwane ukwenzela indlu ka-Israyeli inhlawulelo.

UHezekhiyeli 45:17 ပူးပေါင်းရင်းမြစ်များ

2 USamuyeli 6:19

Wababela abantu bonke bakoIsrayeli, abesilisa labesifazana, kwaba yilowo lalowo isinkwa, leqatha lenyama, lesinkwa sezithelo zevini ezomisiweyo. Basebehambake abantu bonke, baya emakhaya abo.

2 ImiLando 30:24

Ngoba uHezekiya inkosi wanika ibandla inkunzi eziyinkulungwane lezimvu eziyizinkulungwane eziyisikhombisa zibe ngezomnikelo, lezikhulu zalinika ibandla inkunzi eziyinkulungwane lezimvu ezizinkulungwane ezilitshumi; abapristi abanengi bazihlambulula.

2 ImiLando 31:3

Inkosi yanika izipho kweyayo impahla ukuba zibe ngezeminikelo yokutshiswa ekuseni lantambama, leyokutshiswa ngamaSabatha lasekuthwaseni kwenyanga, leyemikhosi emisiweyo, njengokulotshiweyo emlayweni weNkosi uNkulunkulu.

2 ImiLando 5:6

Inkosi uSolomoni lalo lonke ibandla lakoIsrayeli elalibuthene babephambi komtshokotsho benikela imihlatshelo yezimvu lezinkabi ezingelakubalwa ngobunengi bazo.

U-Ezra 1:5

Kwasekusuka inhloko zezindlu zakoJuda lakoBenjamini, labapristi lamaLevi, labo bonke uNkulunkulu ayevuse inhliziyo zabo ukuba baye ukwakha ithempeli eJerusalema.

AmaHubo 22:29

Zonke izipatsha zomhlaba zizakhuleka kuyo, bonke abasebeseduze lokufa bazakhothama kuyo.

AmaHubo 68:18

Wena wakhwela phezulu entabeni, ulandelwa ngabathunjiweyo; wamukela iziphiwo ebantwini, yebo, lakwabalenkani; iNkosi uNkulunkulu izahlala khona.

U-Isaya 66:23

Inyanga ngenyanga ekuthwaseni kwenyanga, ngeviki ngeviki ngeSabatha, bonke abantu bazakuza, badumise phambi kwami, itsho iNkosi.

UHezekhiyeli 43:27

Nxa seziphelile lezonsuku, kusukela osukwini lwesificaminwembili abapristi bazanikela phezu kwealtare iminikelo yenu yokutshiswa leminikelo yokuthula; ngizakulamukela, kutsho iNkosi.

UHezekhiyeli 45:15

imvu eyodwa emhlambini wezimvu ezingamakhulu amabili, emizini yakoIsrayeli. Nanku umnikelo weminikelo yempuphu, leminikelo yokutshiswa, leminikelo yokuthula yokubenzela ukubuyisana, kutsho iNkosi uNkulunkulu.

UHezekhiyeli 46:1

INkosi uNkulunkulu ithi: Isango leguma elingaphakathi elikhangele impumalanga, lizavalwa insuku eziyisithupha okusetshenzwa ngazo. Kodwa ngosuku lweSabatha lizavulwa lasekuthwaseni kwenyanga.

ULevi 4:27

Uba umuntukazana esona, engoni ngabomu, esenza lokho iNkosi elaye ngakho ukuthi umuntu angakwenzi, abe lecala,

AmaNani 29:29

Ngosuku lwesithupha linikele ngenkunzi ezificaminwembili, lenqama ezimbili, lamawundlu amaduna alitshumi lane alomnyaka munye, angelasici,

UJohane 1:16

Ngoba ekugcwaleni kwakhe samukele sonke umusa phezu komusa.

Abase-Efesu 5:2

lihambe ngothando, njengalokhu uKristu wasithanda, wazinikela ngenxa yethu, abe ngumnikelo lomhlatshelo olephunga elimnandi kuNkulunkulu.

AbaseKholose 3:17

Konke elikwenzayo, loba kungelizwi loba kungezenzo, kwenzeni konke ebizweni leNkosi uJesu, libonge uNkulunkulu uYise ngaye.

AmaHebheru 13:10

Silalo ialtare thina, abangelalungelo lokudla kulo abapristi abakhonza ethenteni.

AmaHebheru 13:15

Ngakhoke asinikele njalonjalo kuNkulunkulu ngoJesu umhlatshelo wokubonga, okutsho isithelo sokubonga semilomo evuma ibizo lakhe;

1 UPhethro 2:24

Yena wathwala izono zethu emzimbeni wakhe esiphambanweni, ukuze kuthi sesifile esonweni siphile ekulungeni. Lisilisiwe ngamanxeba akhe.

1 UPhethro 3:18

Ngoba uKristu laye wafela izono kwaba kanye, olungileyo ngenxa yabangalunganga, ukuze asise kuNkulunkulu. Wabulawa emzimbeni kodwa wavuswa emoyeni,