UHezekhiyeli 45:1 - iBhayibhili Elingcwele 1978

¹ Ekwahlukaniseni kwenu ilizwe ngenkatho ukuba zonke izizwe zinikwe isabelo, lizakwahlukanisela iNkosi ingxenye yelizwe ibe yindawo engcwele, ubude bayo bube zingalo ezizinkulungwane ezingamatshumi amabili lanhlanu, lobubanzi bayo bube zingalo ezizinkulungwane ezingamatshumi amabili. Yonke izakuba ngcwele.

IBhayibhili Elingcwele LesiNdebele

¹ “ ‘Lapho usaba ilizwe njengelifa kuzamela wethule kuThixo ingxenye yelizwe njengesifunda esingcwele, izingalo eziyinkulungwane ezingamatshumi amabili lanhlanu (25,000) ubude lengalo eziyinkulungwane ezingamatshumi amabili (20,000) ububanzi; umango wonke uzakuba ngcwele.

UHezekhiyeli 45:1 ပူးပေါင်းရင်းမြစ်များ

Izaga 3:9

Dumisa iNkosi ngemfuyo yakho, langezithelo zakho zokuqala zonke;

UHezekhiyeli 42:16

Ngomhlanga wokulinganisa walinganisa indawo engasempumalanga, yaba zingalo ezingamakhulu amahlanu.

UHezekhiyeli 48:29

Yiloke ilizwe elizakulaba libe ngelenu phakathi kwezizwe zakoIsrayeli, yizo izigaba zabo, kutsho iNkosi uNkulunkulu.

ULevi 25:23

Kakuvunyelwa ukuba ilizwe lithengiswe kuze kube nininini, ngoba ngelami; lina lingabemzini nje labezizweni kimi.

AmaNani 34:13

UMose waselaya abakoIsrayeli wathi: Leli yilizwe elizakwabelana lona ngenkatho, iNkosi elaye ngalo ukuba linikwe izizwe ezificamunwemunye lengxenye yesizwe.

UJoshuwa 13:6

Bonke abakhileyo ezintabeni kusukela eLebanoni kusiya eMisirefothi‐Mayimi, wonke amaSidoni, ngizabaxotsha mina impela phambi kwabakoIsrayeli. Wena babele kuphela abakoIsrayeli ilizwe libe ngelabo njengoba ngikulayile.

UJoshuwa 13:7

Ngakhoke yabela izizwe ezificamunwemunye kanye lengxenye yesizwe sakoManase lelilizwe libe ngelazo.

UJoshuwa 14:1

La ngamazwe abawaphiwayo abakoIsrayeli elizweni laseKanani; uEleyazare umpristi loJoshuwa indodana kaNuni lezinhloko zezindlu zezizwe zabakoIsrayeli babanika wona.

UJoshuwa 14:2

Amazwe abo bawanikwa ngenkatho njengokulaywa kukaMose yiNkosi ngezizwe ezificamunwemunye lengxenye.

UJoshuwa 14:3

Ngoba uMose wayesezinikile izizwe ezimbili lengxenye ngaphetsheya kweJordani; kodwa abakoLevi kabanikanga ilizwe phakathi kwazo.