UHezekhiyeli 44:7 - iBhayibhili Elingcwele 1978

⁷ okungenisa abezizwe labangasokanga enhliziyweni lasenyameni endlini yami engcwele liyingcolisa, lapho linikela kimi ukudla kwami, amahwahwa legazi. Futhi lisaphulile isivumelwano sami ngamanyala enu wonke.

IBhayibhili Elingcwele LesiNdebele

⁷ Phezu kwazo zonke ezinye izenzo zakho ezinengayo ungenise abezizweni abangasokanga enhliziyweni lasenyameni endlini yami engcwele, ungcolisa ithempeli lami lapho unginika ukudla, amafutha legazi, njalo wephula isivumelwano sami.

UHezekhiyeli 44:7 ပူးပေါင်းရင်းမြစ်များ

UGenesisi 17:14

Owesilisa ongasokwanga uzakukhutshwa ebantwini bakibo, ngoba weqile isivumelwano sami.

U-Eksodasi 12:43

INkosi yathi kuboMose loAroni: Nanku umthetho wePhasika. Owezizwe kangalidli;

U-Eksodasi 12:48

Uba kukhona owemzini ohlala lani othanda ukugcina iPhasika leNkosi, kabasokwe bonke abesilisa bakibo, ukuze asondele aligcine, abe njengowokuzalwa elizweni; kodwa ongasokwanga angalidli.

U-Isaya 24:5

Umhlaba wonakalisiwe ngabahlala kiwo; ngoba abantu beqile imilayo, bephula izimiso, bephula isivumelwano esingapheliyo.

UJeremiya 11:10

Sebebuyele ebubini babokhokho babo abala ukuzwa ilizwi lami; balandela abanye onkulunkulu ukuba babakhonze; indlu yakoIsrayeli leyakoJuda zisaphulile isivumelwano sami engasenza lokhokho babo.

UJeremiya 31:32

esingenjengesivumelwano engasenza lokhokho babo mhla ngibabamba ngesandla sami ukubakhupha elizweni laseGibithe, ngitsho isivumelwano sami abasaphulayo, lanxa ngangiyiNkosi yabo, kutsho iNkosi.

UJeremiya 4:4

Zisokeleni eNkosini, ukusoka kwenu kube ngokwenhliziyo, lina bantu bakoJuda labaseJerusalema, funa ulaka lwami luphembeke njengomlilo, luthungele, kungabi khona ongalucitsha, ngenxa yezenzo zenu ezimbi.

UJeremiya 9:25

Khangela, insuku ziyeza, kutsho iNkosi, lapho ngizatshaya bonke abasokileyo kodwa bengasokanga enhliziyweni;

UJeremiya 9:26

ngitsho iGibithe loJuda loEdoma loAmoni loMowabi, labo bonke abahlala enkangala abagela inwele zabo emaceleni; ngoba zonke lezizizwe kazisokanga, layo yonke indlu kaIsrayeli kayisokanga enhliziyweni.

UHezekhiyeli 22:26

Abapristi balo bawaphule umlayo wami, bangcolisa izinto zami ezingcwele; kabenzanga umahluko phakathi kwezinto ezingcwele lezingangcwele; futhi kabawufundisanga umahluko phakathi kwezinto ezingcolileyo lezingangcolanga, badelile amaSabatha ami; ngangcoliswa phakathi kwabo.

UHezekhiyeli 44:15

Kodwa abapristi abangamaLevi, amadodana kaZadoki, abalondoloza indlu yami engcwele ekuduheni kwabakoIsrayeli, bazakusondela kimi ukukhonza, beme phambi kwami ukunginika amahwahwa legazi, kutsho iNkosi uNkulunkulu.

UHezekhiyeli 44:9

Ngalokho iNkosi uNkulunkulu ithi: Kakulamuntu wezizwe ongasokanga enhliziyweni lenyameni kubo bonke abezizwe abaphakathi kwabakoIsrayeli ozangena endlini yami engcwele.

UHezekhiyeli 7:20

Babeziqhenya ngobuhle beziceciso zabo abenza ngazo imifanekiso lezithombe ezinengisayo. Ngakhoke ngizazenza zibe yizinto ezingcolileyo kibo.

ULevi 17:11

Ngoba ukuphila komzimba kusegazini; ngilinike lona ealtareni ukwenzela lina indlela yokubuyisana; ngoba kuligazi eliyikuphila elenza indlela yokubuyisana.

ULevi 21:17

Tshono kuAroni uthi: Kakho owenzalo yakho ezizukulwaneni olesici ongasondela ukunikela ngokudla kukaNkulunkulu wakhe.

ULevi 21:21

Umuntu owenzalo kaAroni umpristi olesici angasondeli ukunikela iminikelo eyenzelwe iNkosi ngomlilo; ngoba elesici, angasondeli ukunikela ngokudla kukaNkulunkulu wakhe.

ULevi 21:6

Bazakuba ngcwele kuNkulunkulu wabo, bangahlambazi ibizo likaNkulunkulu wabo. Ngoba yibo abanikela eNkosini iminikelo eyenziwe ngomlilo, ukudla kukaNkulunkulu wabo. Ngakho bazakuba ngcwele.

ULevi 21:8

Mahlukaniseleni iNkosi, ngoba unikela ngokudla kukaNkulunkulu wenu. Uzakuba ngcwele kini, ngoba mina Nkosi engilenza libe ngcwele ngingcwele.

ULevi 22:25

Linganikeli ngezifuyo ezinjalo ezivela kowezizweni zibe yikudla kukaNkulunkulu wenu. Zilesici, ngakho kaliyikwamukeleka ngazo.

ULevi 26:15

uba lilahla izimiso zami, lidelele izahlulelo zami, ukuze lingenzi imilayo yami yonke, leqe isivumelwano sami,

ULevi 26:41

Lami ngizahamba ngokuphambene labo, ngibase elizweni lezitha zabo; ng’khona inhliziyo zabo ezingcolileyo zizakuzithoba, bavume ukutshaywa ngenxa yobubi babo.

UMalaki 1:7

Ngithi: Ngokunikela ukudla okungcolileyo phezu kwealtare lami. Beselisithi: Sikungcolise kanjani na? Ngithi: Ngokucabanga ukuba itafula yeNkosi ingadeleleka.

UMalaki 2:4

Ngalokho lizakwazi ukuba ngithumele lumlayo kini, ukuba isivumelwano sami loLevi sime, kutsho iNkosi yamabandla.

UMalaki 2:8

Kodwa lina bapristi, liphambukile endleleni, lakhubekisa abanengi ngokufundisa kwenu; lasona isivumelwano sikaLevi, kutsho iNkosi yamabandla.

Imisebenzi 21:28

bamemeza bathi: Madoda akoIsrayeli, sizani! Nguye lumuntu ofundisa bonke endaweni zonke okuphambene lesizwe sakoIsrayeli, lomlayo, lalindawo; futhi ungenisile amaGriki ethempelini, wayingcolisa lindawo engcwele.

Imisebenzi 7:51

Lina abanhliziyo ezilukhuni, abangasokanga enhliziyweni lasendlebeni, limelana njalo loMoya oNgcwele; njengabokhokho benu linjalo lani.

UDutheronomi 10:16

Ukusoka kwenu kakube ngokwenhliziyo, lingabe lisaba lenhliziyo ezilukhuni.

UDutheronomi 30:6

INkosi uNkulunkulu wenu izakuhlambulula inhliziyo zenu lenhliziyo zenzalo yenu, ukuba liyithande iNkosi uNkulunkulu wenu ngenhliziyo yenu yonke langomphefumulo wenu wonke ukuze liphile.

UDutheronomi 31:16

INkosi yathi kuMose: Usuzakubhubha njengokhokho bakho; lababantu lapho sebefikile elizweni abaya kulo, bahlala labezizwe, bazakhonza onkulunkulu bazo, bangitshiye, basaphule isivumelwano sami engisenze labo.

UDutheronomi 31:20

Ngoba lapho sengibangenisile elizweni eligcwele uchago lenyosi engafunga ukubanika lona okhokho babo, sebedlile basutha, bazimuka, bazakuphendukela kwabanye onkulunkulu, babakhonze, bangidelele mina, baphule isivumelwano sami.

AmaHebheru 8:9

esingenjengesivumelwano engasenza labokhokho babo mhla ngibabamba ngesandla ukubakhupha elizweni laseGibithe, ngoba kabahlalanga esivumelwaneni sami, lami kangibananzanga, itsho iNkosi.