UHezekhiyeli 44:5 - iBhayibhili Elingcwele 1978

⁵ INkosi yathi kimi: Ndoda, qaphelisa kuhle ubone ngamehlo akho uzwe ngendlebe zakho konke engizakukutshela khona mayelana lemithetho yethempeli leNkosi lemilayo yalo yonke. Uqaphelise kuhle labo abangavunyelwa ukungena ethempelini lalabo abazatshiywa phandle kwendlu engcwele.

IBhayibhili Elingcwele LesiNdebele

⁵ UThixo wasesithi kimi, “Ndodana yomuntu, khangela ngokunanzelela, ulalelisise njalo uqaphele konke engikutshela khona mayelana lemithetho yonke eqondane lethempeli likaThixo. Qaphela intuba lethempeli layo yonke iminyango yokuphuma yendlu engcwele.

UHezekhiyeli 44:5 ပူးပေါင်းရင်းမြစ်များ

1 ImiLando 22:19

Vusani ingqondo zenu lenhliziyo zenu ukudinga iNkosi uNkulunkulu wenu. Qalisani ukwakha indlu yeNkosi uNkulunkulu, ukuze umtshokotsho wesivumelwano seNkosi lezitsha zikaNkulunkulu ezingcwele zingeniswe endlini eyakhelwe ibizo layo.

2 ImiLando 11:16

Labo ababezimisele ukuyidinga iNkosi, uNkulunkulu kaIsrayeli, bawalandela eJerusalema amaLevi bevela kuzo zonke izizwe zakoIsrayeli ukuyahlabela iNkosi, uNkulunkulu wabokhokho babo.

AmaHubo 119:4

Wena usilayile ukuba sigcine kakhulu imithetho yakho.

AmaHubo 24:3

Ngubani olelungelo lokukhwela entabeni yeNkosi na? Ngubani ongangena ethempelini layo elingcwele na?

U-Eksodasi 9:21

kodwa yileyo laleyo engananzanga ilizwi leNkosi yayekela izisebenzi zayo lenkomo zayo egangeni.

Izaga 24:32

Ngakukhangela, nganakana ngakho; ekunakaneni kwami ngafunda lesisifundo

UHezekhiyeli 40:4

Lowomuntu wathi kimi: Ndoda, khangela ngamehlo akho, uzwe ngendlebe zakho, ubeke ingqondo yakho kulokho konke engizakukutshengisa khona, ngoba ulethelwe ukuba ngikutshengise khona, utshumayele koIsrayeli konke lokho ozakukubona.

UHezekhiyeli 42:9

Ngaphansi kwalezizindlu kwakukhona umnyango ovelela ngasempumalanga lapho umuntu engena evelela egumeni elingaphandle,

UHezekhiyeli 46:19

Wasengikhupha ngentuba eyayingasesangweni elingasenyakatho eqonda ngasezindlini zendawo engcwele eyahlukaniselwa abapristi. Lapho ekhomba indawo esekucineni ngasentshonalanga kwazo.

UHezekhiyeli 47:6

Wasesithi kimi: Ndoda, ukubonile lokhu na? Wasengibuyisela emuva enginqumisa ukhumbi lomfula.

UDanyeli 10:12

Wasesithi kimi: Ungesabi, Daniyeli, ngoba kusukela osukwini lokuqala owazama ngalo ukusebenzisa ingqondo yakho ukuba uqedisise, wazithoba phambi kukaNkulunkulu wakho, amazwi akho ezwakele, ngizile ngenxa yamazwi akho.

UMatewu 28:20

libafundise ukugcina konke engililaye ngakho; khangelani, mina ngilani insuku zonke kuze kube sekupheleni kwesikhathi.

Imisebenzi 8:36

Kwathi besahamba endleleni, bafika emanzini; induna yathi: Khangela, nanka amanzi; kwalani ukuba ngibhaphathizwe na?

UDutheronomi 12:32

Gcinani kuhle konke engililaya khona, lingengezeleli lutho kukho, futhi lingaphunguli lutho kukho.

UDutheronomi 32:46

wathi kubo: Bekani enhliziyweni zenu wonke amazwi engiwakhuluma kini lamuhla, ukuba libalaye abantwana benu ngawo, bawagcine kuhle wonke amazwi alumlayo.