UHezekhiyeli 43:6 - iBhayibhili Elingcwele 1978

⁶ Lapho lowomuntu emi phansi kwami, ngezwa omunye ekhuluma lami ethempelini;

IBhayibhili Elingcwele LesiNdebele

⁶ Kwathi umuntu lowo emi phansi kwami, ngezwa omunye engikhulumisa engaphakathi kwethempeli.

UHezekhiyeli 43:6 ပူးပေါင်းရင်းမြစ်များ

U-Eksodasi 25:22

Ngizahlangana lawe khona, ngikhulume lawe ngiphezu kwesihlalo somusa, phakathi kwamakherubi amabili aphezu komtshokotsho wobufakazi, ngikutshele konke ozakubalaya khona abakoIsrayeli.

U-Eksodasi 29:42

Lo uzakuba ngumnikelo wokutshiswa wensuku zonke ezizukulwaneni zenu zonke, ngasemnyango wethente lokuhlangana phambi kweNkosi, lapho ngizahlangana khona lani, ngikhulume lawe.

U-Isaya 66:6

Zwanini umsindo phakathi komuzi; umsindo ophuma ethempelini ngumsindo wokuphindisela kweNkosi ezitheni zayo.

UHezekhiyeli 1:26

Ngaphezu komkhathi owawuphezu kwamakhanda azo kwakukhona okunjengelitshe elithiwa yisafire, kunjengesihlalo sobukhosi; ngaphezu kwakho konke kukhona okuhlezi esihlalweni sobukhosi okufanana lomuntu.

UHezekhiyeli 40:3

Lapho angiletha khona, kwakukhona umuntu olesimo esifana lethusi, ephethe intambo ephothiweyo lomhlanga wokulinganisa, emi esangweni.

ULevi 1:1

INkosi isethenteni lokuhlangana yambiza uMose, yakhuluma kuye yathi:

Isambulo 16:1

Ngasengisizwa ilizwi elikhulu livela ethempelini lisithi kuzo izithunywa eziyisikhombisa: Hambani, lithululele emhlabeni okusemiganwini eyisikhombisa okululaka lukaNkulunkulu.