UHezekhiyeli 43:27 - iBhayibhili Elingcwele 1978

²⁷ Nxa seziphelile lezonsuku, kusukela osukwini lwesificaminwembili abapristi bazanikela phezu kwealtare iminikelo yenu yokutshiswa leminikelo yokuthula; ngizakulamukela, kutsho iNkosi.

IBhayibhili Elingcwele LesiNdebele

²⁷ Ekupheleni kwalezizinsuku, kusukela ngosuku lwesificaminwembili kusiya phambili, abaphristi kumele bethule iminikelo yakho yokutshiswa kanye leminikelo yobuzalwane e-alithareni. Lapho-ke ngizalamukela, kutsho uThixo Wobukhosi.”

UHezekhiyeli 43:27 ပူးပေါင်းရင်းမြစ်များ

UJobe 42:8

Ngakhoke thatha inkunzi eziyisikhombisa lenqama eziyisikhombisa, uye encekwini yami uJobe, linikele ngazo zibe ngumnikelo wokutshiswa; inceku yami uJobe izalikhulekela, ngoba ngizakuzwa umkhuleko wakhe ngingenzi kini njengobuthutha benu; ngoba kalikhulumanga ngami okuqondileyo njengenceku yami uJobe.

UHezekhiyeli 43:26

Insuku eziyisikhombisa bazakwenzela ialtare ukubuyisana, balihlambulule, balenze libe ngcwele.

UHezekhiyeli 45:17

Kuzakuba ngumsebenzi wesikhulu ukunika iminikelo yokutshiswa leminikelo yempuphu leminikelo yokuthululwa emikhosini, ngesikhathi sokuthwasa kwenyanga, langamaSabatha, lakuyo yonke imikhosi emisiweyo yakoIsrayeli. Sizanikela umnikelo wesono lomnikelo wempuphu lomnikelo wokutshiswa lomnikelo wokuthula ukubenzela ukubuyisana labakoIsrayeli.

UHosiya 8:13

Lanxa benikela inyama yemihlatshelo, babuye bayidle, mina Nkosi kangiyikuyamukela. Ngizakukhumbula ububi babo, ngibatshaye ngenxa yezono zabo, babuyele eGibithe.

ULevi 17:5

Ngalokho abantu bakoIsrayeli bafanele ukuletha eNkosini imihlatshelo abayihlaba egangeni, bayilethe kumpristi ngasemnyango wethente lokuhlangana, banikele ngayo ibe yiminikelo yokuthula eNkosini.

ULevi 3:1

Uba umnikelo womuntu ungumhlatshelo womnikelo wokuthula, nxa enikela ngenkomo, enduna ingabe ensikazi, kawunikele phambi kweNkosi ungelasici.

ULevi 9:1

Ngosuku lwesificaminwembili uMose wabiza uAroni lamadodana akhe labalisa bakoIsrayeli.

ULevi 9:4

lithathe lenkabi lenqama zibe yiminikelo yokuthula, zihlatshwe phambi kweNkosi, lomnikelo wempuphu exubene lamafutha; ngoba lamhla iNkosi izabonakala kini.

AbaseRoma 12:1

Ngakhoke, bazalwane, ngiyalincenga ukuba, ngesihawu sikaNkulunkulu, linikele imizimba yenu ibe ngumnikelo ophilileyo, ongcwele, owamukelekayo kuNkulunkulu, kube yikukhonza kwenu okuqotho.

AbaseRoma 15:16

wokuba ngibe yisikhonzi sikaKristu Jesu kwabezizwe, ngikhonze ngevangeli likaNkulunkulu njengompristi, ukuze ukunikela kwami abezizwe kwamukeleke, kwenziwe kube ngcwele nguMoya oNgcwele.

Abase-Efesu 1:6

ukuze adunyiswe ngomusa wakhe omangalisayo asiphe wona ngesihle ngaye oThandiweyo.

AbaseFiliphi 2:17

Yebo, loba nginikelwa emhlatshelweni ongumnikelo wokukholwa kwenu, ngiyathokoza kanye lani lonke.

AmaHebheru 13:15

Ngakhoke asinikele njalonjalo kuNkulunkulu ngoJesu umhlatshelo wokubonga, okutsho isithelo sokubonga semilomo evuma ibizo lakhe;

1 UPhethro 2:5

njengamatshe aphilayo lakhiwe indlu yokomoya, libe yibupristi obungcwele, linikele imihlatshelo yokomoya eyamukelekayo kuNkulunkulu ngoJesu Kristu.