UHezekhiyeli 43:26 - iBhayibhili Elingcwele 1978

²⁶ Insuku eziyisikhombisa bazakwenzela ialtare ukubuyisana, balihlambulule, balenze libe ngcwele.

IBhayibhili Elingcwele LesiNdebele

²⁶ Okwensuku eziyisikhombisa bazakwenzela i-alithari inhlawulelo, balihlambulule, kanjalo balenze libengcwele.

UHezekhiyeli 43:26 ပူးပေါင်းရင်းမြစ်များ

U-Eksodasi 29:24

ukubeke konke ezandleni zikaAroni lasezandleni zamadodana akhe, ukuzunguze ukuba kube ngumnikelo wokuzunguzwa phambi kweNkosi.

U-Eksodasi 32:29

UMose wasesithi: Lamuhla lizahlukanisele iNkosi lina, kwaba yilowo lalowo wenu wanikela indodana yakhe lomfowabo, ukuba iNkosi ilibusise lamuhla.

UHezekhiyeli 43:20

Uthathe elinye legazi layo, ulifake empondweni zozine zealtare, lasezingonsini zozine zompetho walo, lasemqolweni olizingelezeleyo. Ngokunjaloke uzalihlambulula ialtare, ulenzele ukubuyisana.

UHezekhiyeli 43:22

Ngosuku lwesibili uzanikela intondolo engelasici ibe ngumnikelo wesono; lihlambuluke ialtare njengoba lihlanjululwe ngenkunzi.

UHezekhiyeli 43:25

Insuku eziyisikhombisa insuku zonke uzanika imbuzi ibe ngumnikelo wesono, unikele lenkunzi lenqama ezivela emhlambini zingelasici.

UHezekhiyeli 43:27

Nxa seziphelile lezonsuku, kusukela osukwini lwesificaminwembili abapristi bazanikela phezu kwealtare iminikelo yenu yokutshiswa leminikelo yokuthula; ngizakulamukela, kutsho iNkosi.

UHezekhiyeli 45:18

INkosi uNkulunkulu ithi: Ngenyanga yokuqala, ngosuku lokuqala lwenyanga, uzathatha inkabi encinyane engelasici, uhlambulule indlu engcwele.

ULevi 8:33

Lingaphumi ngomnyango wethente lokuhlangana insuku eziyisikhombisa, zize ziphele insuku zokugcotshwa kwenu, ngoba ukugcotshwa kwenu kuzathatha insuku eziyisikhombisa.

ULevi 8:34

Konke okwenziweyo lamhla iNkosi ilayile ukuba kwenziwe, ukuze lenzelwe indlela yokubuyisana.