UHezekhiyeli 43:11 - iBhayibhili Elingcwele 1978

¹¹ Uba belenhloni ngakho konke abakwenzileyo, ubatshengise ithempeli, ukuma kwezinto zalo, intuba zalo zokuphuma lezokungena, lesimo salo sonke, ubatshele imithetho yalo yonke lemilayo yalo yonke. Ukubhale konke phambi kwabo ukuze bayigcine bayenze yonke imilayo yalo lemithetho yalo.

IBhayibhili Elingcwele LesiNdebele

¹¹ njalo nxa belenhloni ngakho konke abakwenzayo, bazise ngesimo sethempeli, ukumiswa kwalo, izindawo zalo zokuphuma lezokungena, isimo salo sonke lezimiso zalo zonke kanye lemithetho yakhona. Bhala lokhu phansi phambi kwabo ukuze bathembeke kuso isifanekiso salo njalo balandele zonke izimiso zalo.

UHezekhiyeli 43:11 ပူးပေါင်းရင်းမြစ်များ

UHezekhiyeli 11:20

ukuba bahambe ngezimiso zami, bagcine imithetho yami bayilalele; bazakuba ngabantu bami, lami ngibe nguNkulunkulu wabo.

UHezekhiyeli 12:3

ngoba bangabantu abahlamukayo. Ngakhoke, wena ndoda, lungisa umthwalo womuntu othunjiweyo, usuke emini uhambe phambi kwabo njengomuntu othunjiweyo, usuke endaweni yakho uye kwenye indawo phakathi kwabo. Mhlawumbe bazakuqedisisa lanxa bengabantu abahlamukayo.

UHezekhiyeli 36:27

Ngizafaka umoya wami phakathi kwenu, ngilenze ukuba lihambe ngezimiso zami, lokuba linanzelele ukugcina imithetho yami.

UHezekhiyeli 43:10

Wenake, ndoda, tshela abakoIsrayeli ngalelithempeli, ngokukhangeleka kwalo langesimo salo, ukuba babe lenhloni ngobubi babo.

UMatewu 28:20

libafundise ukugcina konke engililaye ngakho; khangelani, mina ngilani insuku zonke kuze kube sekupheleni kwesikhathi.

UJohane 13:17

Uba likwazi lokhu libusisiwe uba likwenza.

1 AbaseKhorinte 11:2

Ngiyalibonga ngoba lingikhumbula ezintweni zonke, libambelele ezifundisweni engalinika zona.

AmaHebheru 8:5

Bakhonza endaweni engcwele engumfanekiso lesithunzi sokwasezulwini, njengoba uMose esezakwenza ithente walaywa ngokuthi: Qaphelisa ukuthi ukwenza konke ngesifanekiso owaboniswa sona entabeni.