UHezekhiyeli 42:20 - iBhayibhili Elingcwele 1978

²⁰ Walinganisa indawo zozine. Lalilomduli olizingelezeleyo, uzingalo ezingamakhulu amahlanu ubude, lezingalo ezingamakhulu amahlanu ububanzi, ukwahlukanisa okungcwele lokungangcwele.

IBhayibhili Elingcwele LesiNdebele

²⁰ Ngakho walinganisa indawo yamacele wonke amane. Yayilomduli owawuyizingelezele, izingalo ezingamakhulu amahlanu ubude lezingalo ezingamakhulu amahlanu ububanzi, ukwehlukanisa okungcwele kokwabantu bonke.

UHezekhiyeli 42:20 ပူးပေါင်းရင်းမြစ်များ

Ingoma 2:9

Isithandwa sami sinjengempala lanjengegogo. Nanso simi ngemva komduli wethu, silunguza emawindini, sikhangele ngawo.

U-Isaya 25:1

Wena Nkosi unguNkulunkulu wami; ngizakukudumisa, ngidumise ibizo lakho; ngoba wenzile izinto ezimangalisayo, lamacebo akho amiswa endulo, athembekile, aqotho.

U-Isaya 26:1

Ngalolosuku lingoma izahlatshelelwa elizweni lakoJuda ethi: Silomuzi oqinileyo; iNkosi isimisele ukukhulula kube yimiduli lezinqaba.

U-Isaya 60:18

Isihluku kasisayikuba khona elizweni lakho, lokuchitheka lokubhubhisa phakathi kwelizwe lakho; uzakutha imiduli yakho uthi yikuKhululwa, lamasango akho uthi yiNdumiso.

UHezekhiyeli 22:26

Abapristi balo bawaphule umlayo wami, bangcolisa izinto zami ezingcwele; kabenzanga umahluko phakathi kwezinto ezingcwele lezingangcwele; futhi kabawufundisanga umahluko phakathi kwezinto ezingcolileyo lezingangcolanga, badelile amaSabatha ami; ngangcoliswa phakathi kwabo.

UHezekhiyeli 40:5

Kwakukhona umduli ngaphandle ozingelezele indawo yethempeli, ubude bomhlanga wokulinganisa owawuphethwe ngulowomuntu babuzingalo eziyisithupha, ubude bengalo inye buyingalo lesandla. Waselinganisa ubuqatha bomduli, balingana lomhlanga munye, lobude balingana lomhlanga munye.

UHezekhiyeli 42:19

Wasephenduka elinganisa indawo engasentshonalanga, yaba zingalo ezingamakhulu amahlanu.

UHezekhiyeli 43:12

Nanku umlayo wethempeli, indawo yonke esengqongeni yentaba izakuba ngcwele kakhulu. Yiwo lowo umlayo wethempeli.

UHezekhiyeli 44:23

Bazafundisa abantu bami umahluko phakathi kokungcwele lokungangcwele, babatshengise ukwahlukanisa phakathi kokungcolileyo lokuhlambulukileyo.

UHezekhiyeli 45:2

Kulokhu indawo eyizingalo ezingamakhulu amahlanu ubude, lamakhulu amahlanu ububanzi, izakuba yindawo yendlu engcwele, ibe legceke eliyibhodayo elizingalo ezingamatshumi amahlanu.

UHezekhiyeli 48:15

Indawo eseleyo, ububanzi bayo buzingalo ezizinkulungwane ezinhlanu, lobude bayo buzingalo ezizinkulungwane ezingamatshumi amabili lanhlanu, izasetshenziswa ngumuzi, ibe yindawo yokwakha, leganga. Phakathi kwayo kuzakuba khona umuzi.

UHezekhiyeli 48:20

Isabelo sonke elizakusahlukanisa sizakuba zingalo ezizinkulungwane ezingamatshumi amabili lanhlanu inxa zonke, ngitsho isabelo esingcwele ndawonye lempahla yonke yomuzi.

ULevi 10:10

Lizakwehlukanisa okungcwele lokungangcwele, lokuhlambulukileyo lokungahlambulukanga;

UMikha 7:11

Kuzakufika usuku lokwakhiwa kwemiduli yakho; ngalolosuku imingcele yakho izadediselwa khatshana.

UZakhariya 2:5

Ngoba mina ngizakuba ngumduli womlilo olizingelezeleyo, lolivikeleyo, kutsho iNkosi, ngibe yinkazimulo phakathi kwalo.

ULukha 16:26

Langaphandle kwakho konke lokhu kubekiwe phakathi kwethu lani igebe elikhulu ukuze kuthi abalapha abafuna ukusuka beze ngakini bangekwenze, labangapho bangewelele ngakithi.

2 AbaseKhorinte 6:17

Ngakhoke phumani phakathi kwabo, lahlukane labo, kutsho iNkosi; lingathinti okungcolileyo; ng’khonake ngizakulamukela.