UHezekhiyeli 40:46 - iBhayibhili Elingcwele 1978

⁴⁶ lendlu ekhangele inyakatho ngeyabapristi abaphethe ialtare. Ngitsho amadodana kaZadoki okuyiwona wodwa phakathi kwamadodana kaLevi angasondela eNkosini ukuyikhonza.

IBhayibhili Elingcwele LesiNdebele

⁴⁶ njalo indlu ekhangele enyakatho ngeyabaphristi abaphethe i-alithari. Laba bangamadodana kaZadokhi abayibona baLevi kuphela abangasondela phansi kukaThixo ukuba bamkhonze.”

UHezekhiyeli 40:46 ပူးပေါင်းရင်းမြစ်များ

1 AmaKhosi 2:35

Inkosi yasibeka uBenaya indodana kaJehoyada ukuba yinduna yempi esikhundleni sikaJowabi, yabeka uZadoki umpristi esikhundleni sikaAbiyatha.

UHezekhiyeli 40:17

Wasengisa egumeni elingaphandle, kwakukhona lapho izindlwana lendawo egandelweyo kuzingelezele iguma, izindlwana ezingamatshumi amathathu zingaphambi kwendawo egandelweyo.

UHezekhiyeli 40:38

Kwakukhona indlu eyayilomnyango ongasendlini esekungeneni kwesango, lapho okwakuzageziselwa khona umnikelo wokutshiswa.

UHezekhiyeli 42:13

Wasesithi kimi: Izindlu ezingasenyakatho leziqondene lazo ngaseningizimu ziyizindlu ezingcwele, lapho abapristi abeza eNkosini bazadlela khona iminikelo engcwele kakhulu; babeke khona iminikelo engcwele kakhulu, umnikelo wamabele, lomnikelo wesono, lomnikelo wecala, ngoba indawo ingcwele.

UHezekhiyeli 43:19

uzanika abapristi abangamaLevi abosendo lukaZadoki, abasondela ukukhonza kimi inkunzi yomnikelo wesono, kutsho iNkosi uNkulunkulu.

UHezekhiyeli 44:15

Kodwa abapristi abangamaLevi, amadodana kaZadoki, abalondoloza indlu yami engcwele ekuduheni kwabakoIsrayeli, bazakusondela kimi ukukhonza, beme phambi kwami ukunginika amahwahwa legazi, kutsho iNkosi uNkulunkulu.

UHezekhiyeli 45:4

Sibe yingxenye engcwele yelizwe, sizakuba ngesabapristi abakhonzayo endlini engcwele, abasondela ukukhonza iNkosi, sizakuba yindawo yezindlu zabo lendawo engcwele yendlu engcwele.

UHezekhiyeli 48:11

Lesi sizakuba ngesabapristi abahlukaniselwa iNkosi, amadodana kaZadoki, abangikhonzayo abangaduhanga lapho abakoIsrayeli beduha njengokwenza kwamaLevi.

ULevi 10:3

UMose wasesithi kuAroni: Yikho lokhu iNkosi eyakutsho isithi: Ngizakuzibonakalisa ukuthi ngingcwele ngalabo abaseduze lami, futhi ngizakuba lodumo phambi kwabantu bonke. UAroni wathula.

ULevi 6:2

Uba umuntu esona, esenza isiphambeko eNkosini ngokukhohlisa umakhelwana wakhe mayelana lalokho okunikezwa kuye ukuba akulondoloze, loba mayelana lesibambiso, loba ephanga umakhelwane wakhe loba emcindezela,

ULevi 6:6

Kalethe eNkosini umnikelo wakhe wecala, athathe emhlambini inqama engelasici, elentengo elingana lentengo yomnikelo wecala, ayise kumpristi,

AmaNani 16:40

kube yisikhumbuzo ebantwini bakoIsrayeli sokuthi lowo ongesuye umpristi, ongesuye owenzalo kaAroni, angasondeli ukutshisa impepha phambi kweNkosi, funa afe njengoKora lexuku lakhe, njengokutsho kweNkosi kuEleyazare ngoMose.

AmaNani 16:5

Wathi kuKora leqembu lakhe: Ekuseni iNkosi izatshengisa ukuthi ngubani ongowayo lokuthi ngubani ongcwele, imvumele ukuba asondele kuyo; lowo ezakumkhetha nguye ongasondela kuyo.

AmaNani 18:5

Lizakwenza imisebenzi yendlu engcwele lemisebenzi yealtare, ukuba ulaka lukaNkulunkulu lungabe lusaba khona phezu kwabakoIsrayeli.

Abase-Efesu 2:13

Kodwa khathesi kuKristu Jesu lina elalikhatshana selilethwe eduze ngegazi likaKristu.