UHezekhiyeli 40:17 - iBhayibhili Elingcwele 1978

¹⁷ Wasengisa egumeni elingaphandle, kwakukhona lapho izindlwana lendawo egandelweyo kuzingelezele iguma, izindlwana ezingamatshumi amathathu zingaphambi kwendawo egandelweyo.

IBhayibhili Elingcwele LesiNdebele

¹⁷ Emva kwalokho wangisa egumeni elingaphandle. Lapho ngabona izindlu lendawo yokuhamba egandelweyo izingeleze iguma lonke; kwakulezindlu ezingamatshumi amathathu ezazisekele indawo egandelweyo.

UHezekhiyeli 40:17 ပူးပေါင်းရင်းမြစ်များ

1 AmaKhosi 6:5

Futhi wayenzela isakhiwo emdulini esibhoda lomduli wendlu, umduli wethempeli lowendlu engaphakathi. Wayenzela lezindlwana emaceleni wonke.

2 AmaKhosi 23:11

Entubeni yethempeli wasusa amabhiza amakhosi akoJuda ayewahlukanisele ilanga, wona ayeseduze lendlu kaNathani‐Meleki umthenwa eyayingaphandle, wazitshisa ngomlilo inqola zelanga.

1 ImiLando 23:28

Umsebenzi wawo wawuyikusiza amadodana kaAroni enkonzweni yethempeli, ukugcina amaguma lezindlu, lokuhlambulula zonke izinto ezingcwele, lokwenza eminye imisebenzi yethempeli,

1 ImiLando 9:26

Abagcini bamasango abakhulu bobane babengamaLevi, belamandla agcweleyo, bekhangela izindlu lempahla endlini kaNkulunkulu.

2 ImiLando 31:11

UHezekiya wasebalaya ukuba balungise izindlu ethempelini; bazilungisa.

U-Eksodasi 27:9

Uzakwenza iguma leTabernakeli, libe sohlangothini olungaseningizimu lamakhetheni elembu elihle lentambo ephothiweyo, ubude bawo bube zingalo ezilikhulu ohlangothini lunye;

UHezekhiyeli 10:5

Umdumo wempiko zamakherubi wezwakala lasegumeni elingaphandle, njengelizwi likaNkulunkulu uSomandla nxa ekhuluma.

UHezekhiyeli 40:18

Indawo egandelweyo yayingasemasangweni, ilingana lobude bamasango, yayiyindawo engaphansi.

UHezekhiyeli 40:38

Kwakukhona indlu eyayilomnyango ongasendlini esekungeneni kwesango, lapho okwakuzageziselwa khona umnikelo wokutshiswa.

UHezekhiyeli 40:44

Wasengingenisa egumeni elingaphakathi, kwakukhona egumeni elingaphakathi izindlu ezimbili, enye ingasesangweni elingasenyakatho, ikhangele iningizimu, lenye ingasesangweni elingaseningizimu, ikhangele inyakatho.

UHezekhiyeli 40:45

Wasesithi kimi: Lindlu ekhangele iningizimu ngeyabapristi abaphethe ithempeli,

UHezekhiyeli 40:46

lendlu ekhangele inyakatho ngeyabapristi abaphethe ialtare. Ngitsho amadodana kaZadoki okuyiwona wodwa phakathi kwamadodana kaLevi angasondela eNkosini ukuyikhonza.

UHezekhiyeli 41:10

Indawo edundubeleyo engaphandle kwezindlu eziseceleni ezizingelezele ithempeli ububanzi bayo babuzingalo ezingamatshumi amabili.

UHezekhiyeli 41:6

Izindlu eziseceleni zazelekene zintathu, enye phezu kwenye, zingamatshumi amathathu mzila munye. Kwakulezisekelo emdulini wethempeli ezisekele izindlu eziseceleni ukuze zingaqiniswa ngumduli wethempeli.

UHezekhiyeli 42:1

Wasengikhuphela egumeni elingaphandle, ngasenyakatho, wangisa ezindlini ezaziqondene legceke lethempeli maqondana lendlu engasenyakatho.

UHezekhiyeli 42:10

lapho kwakuqalisa khona umduli weguma. Lasendaweni engaseningizimu, ukudlula igceke eliseleyo kanye lendlu, kwakukhona ezinye izindlu,

UHezekhiyeli 42:3

Endaweni eseleyo eyizingalo ezingamatshumi amabili eyayihlangene lendlu engaphakathi ledundulwini eligandelweyo elegceke elingaphandle, kwakukhona imikhandlo emithathu eyelekeneyo efananayo.

UHezekhiyeli 42:4

Ngaphambi kwezindlu kwakukhona indlela, ububanzi bayo buzingalo ezilitshumi, lobude bayo buzingalo ezilikhulu eyayiqonda egumeni elingaphakathi; iminyango yazo yayikhangele ngasenyakatho.

UHezekhiyeli 44:1

Waseng buyisela ngasesangweni elingaphandle lendlu engcwele, elikhangele empumalanga, lalivaliwe.

UHezekhiyeli 45:5

Esinye isigaba ubude baso buzingalo ezizinkulungwane ezingamatshumi amabili lanhlanu, lobubanzi baso bube zingalo ezizinkulungwane ezilitshumi, sizakuba ngesamaLevi akhonzayo ethempelini, sibe ngesemizi yawo ahlala kiyo.

UHezekhiyeli 46:21

Wasengikhuphela egumeni elingaphandle, wangisa engonsini ezine zeguma; lakuleyo laleyo ingonsi yeguma kwakukhona elinye iguma.

Isambulo 11:2

Kodwa ungalinganisi iguma elingaphandle kwethempeli, ulitshiye ngaphandle; ngoba linikiwe izizwe, zona zizakunyathela phansi umuzi ongcwele inyanga ezingamatshumi amane lambili.