UHezekhiyeli 39:23 - iBhayibhili Elingcwele 1978

²³ Lezizwe zizakwazi ukuba abakoIsrayeli bathunjwa ngenxa yesono sabo, ngoba bangikhohlisa kakhulu ngaze ngafihla ubuso bami kibo, ngabanikela ezandleni zezitha zabo, babulawa empini.

IBhayibhili Elingcwele LesiNdebele

²³ Lezizwe zizakwazi ukuthi abantu bako-Israyeli bathunjwa ngenxa yesono sabo, ngoba ngabanikela ezitheni zabo, njalo bonke babulawa ngenkemba.

UHezekhiyeli 39:23 ပူးပေါင်းရင်းမြစ်များ

U-Ezra 9:7

Kusukela ensukwini zabokhokho kuze kube lamhla besiphakathi kwesono esikhulu, langenxa yobubi bethu thina lamakhosi ethu labapristi bethu sinikelwe ezandleni zamakhosi ezizwe lasekubhujisweni lasekuthunjweni lasekuphangweni lasehlazweni elibi njengalamhlanje.

AmaHubo 10:1

Nkosi, umeleni khatshana na? Ucatshelani ezikhathini zokuhlupheka kwethu na?

AmaHubo 106:41

Yabanikela ezandleni zezizwe ukuze ababazondayo bababuse.

AmaHubo 30:7

Ngomusa wakho, Nkosi, wangiqinisa njengentaba; wabufihla ubuso bakho, ngaba lokwesaba.

U-Isaya 1:15

Lapho liselulela izandla zenu kimi, ngizalifihlela amehlo ami; lanxa lisenza imikhuleko eminengi, kangiyikuyilalela; izandla zenu zigcwele igazi.

U-Isaya 42:24

Ngubani owanikela uJakobe kumphangi na? loIsrayeli kwabaphangayo na? Kwakungesiyo iNkosi esone kuyo yini, esingavumanga ukuhamba endleleni zayo, lesingalalelanga umlayo wayo na?

U-Isaya 59:2

Kodwa ububi benu bulahlukanisile loNkulunkulu, lezono zenu zibusithile ubuso bakhe ukuze angezwa.

U-Isaya 64:7

Kakho okhuleka ebizweni lakho, lozamayo ukubambelela kuwe; ngoba usifihlele ubuso bakho, wasinikela ebubini bethu.

U-Isaya 8:17

Ngizalindela iNkosi efihlela indlu kaJakobe ubuso bayo, ngithembe kiyo.

UJeremiya 33:5

AmaKaladiya azafika ukulwa, azigcwalise ngezidumbu zabantu engizababulala ekuthukutheleni kwami lasekufuthekeni kwami; ngoba lumuzi ngiwufihlele ubuso bami ngenxa yobubi babo bonke.

UJeremiya 44:22

INkosi yayingaselakukuthwala okubi kwemisebenzi yenu lezinengiso elazenzayo; ngakhoke ilizwe lenu lachitheka, laba yinkangala, laba yinto yokuthukwa, kakusekho okuhlala khona njengoba kunjalo lamhla.

Izililo 1:8

IJerusalema lonile kakhulu, ngakho seliyisinengiso. Bonke ababelihlonipha sebelidelela, ngoba sebebonile ubuze balo. Yebo, selibubula, likhangele eceleni.

UHezekhiyeli 20:27

Ngalokho, ndoda, khuluma labakoIsrayeli, uthi kibo: INkosi uNkulunkulu ithi: Lakulokho futhi okhokho benu bangihlambaza ngokungikhohlisa.

UHezekhiyeli 36:36

Izizwe ezisele zilizingelezele zizakwazi ukuba mina Nkosi ngizakhile indawo ezingamanxiwa, ngahlanyela kutsha ilizwe ebeseliyinkangala. Mina Nkosi ngikhulumile, ngizakukwenza.

UHezekhiyeli 39:29

Kangisayikubafihlela ubuso bami nxa sengithela umoya wami phezu kukaIsrayeli, kutsho iNkosi uNkulunkulu.

UHezekhiyeli 7:22

Ngizafihla ubuso bami kibo ukuze bangcolise indawo yami eligugu. Abaphangi bazangena bayingcolise.

ULevi 26:25

Ngizakwehlisela impi phezu kwenu ezakuphindisela isivumelwano. Uba libuthana emizini yenu, ngizakuthuma umkhuhlane phakathi kwenu, linikelwe ezandleni zezitha.

UDutheronomi 32:20

Yathi: Ngizakubafihlela ubuso bami, ngibone ukuthi ukuphela kwabo kuzakuba yini; ngoba bayisizukulwana esingaqondanga, bangabantwana abangathembekanga.

UDutheronomi 32:30

Uba umuntu emunye angaxotsha kanjani abayinkulungwane, lababili bangabadudula kanjani abazinkulungwane ezilitshumi, uba iDwala labo lingabathengisanga, leNkosi ingabanikelanga na?

Abahluleli 2:14

Ngakho ulaka lweNkosi lwavutha kuIsrayeli, yabanikela kubaphangi ababaphangayo; yabanikela emandleni ezitha zabo ezazibahanqa, behluleka ukumelana lazo.

Abahluleli 3:8

Ngakho ulaka lweNkosi lwavutha kuIsrayeli, yabanikela esandleni sikaKushani‐Rishathayimi inkosi yaseAramu eliphakathi kwemifula emibili; abakoIsrayeli bayisebenzela inkosi uKushani‐Rishathayimi iminyaka eficaminwembili.