UHezekhiyeli 39:10 - iBhayibhili Elingcwele 1978

¹⁰ ukuba bangathezi inkuni egangeni, loba bazigamule eguswini, ngoba bazabasa imililo yabo ngezikhali; bazakwamuka labo ababamukayo, baphange labo ababaphangayo, kutsho iNkosi uNkulunkulu.

IBhayibhili Elingcwele LesiNdebele

¹⁰ Akuyikusweleka ukuba batheze inkuni egangeni loba bazigamule emahlathini, ngoba bazabasa izikhali. Njalo bazaphanga labo ababaphangayo bathathele lalabo ababathathelayo, kutsho uThixo Wobukhosi.

UHezekhiyeli 39:10 ပူးပေါင်းရင်းမြစ်များ

U-Eksodasi 12:36

INkosi yabenzela umusa kumaGibithe, abanika lokho abakucelayo. Ngalokho bawaphundla amaGibithe.

U-Eksodasi 3:22

kodwa ilowo lalowowesifazana uzakucela kumakhelwana wakhe, lakuye ohlala endlini yakhe, izinto eziligugu zesiliva, lezinto eziligugu zegolide, lemvunulo; lizakuzinika amadodana enu lamadodakazi enu; lizakuwaphanga amaGibithe.

U-Isaya 14:2

Abantu bezizwe bazakubaphelekezela, babase endaweni zabo, abakoIsrayeli bazakubathumba elizweni leNkosi babe yizigqili zabo. Bazakuthumba abathumbi babo, babuse abacindezeli babo.

U-Isaya 33:1

Maye kini, bachithi, elingachithwanga lina! Lina bakhohlisi, elingakhohliswanga muntu! Kodwa lapho seliqedile ukuchitha, lizakuchithwa lina, lalapho seliqedile ukukhohlisa, lizakhohliswa lina.

UHezekhiyeli 39:11

Ngalolosuku ngizanika uGogi indawo yokungcwabela koIsrayeli isihotsha seseAbarimi, esingasempumalanga kolwandle. Bazangcwatshelwa lapho uGogi lawo wonke amaxuku akhe, ligcwale lonke iAbarimi, balibize ngokuthi yisiHotsha samaxuku kaGogi.

UMikha 5:8

Abaseleyo bakaJakobe phakathi kwezizwe, bephakathi kwabantu abanengi bazakuba njengesilwane esiphakathi kwenyamazana zeganga, lanjengesilwane esiphakathi komhlambi wezimvu, esithi lapho sidabula phakathi kwawo sibambe, sinyathele sidabule iziqa, kungabi khona osizayo.

UHabhakhukhi 2:8

Ngoba uziphangile izizwe ezinengi, wachitha igazi labantu, wenza ububi emhlabeni, emizini yonke lakubo bonke abahlala kiyo, bonke abaseleyo emhlabeni bazakukuphanga.

UHabhakhukhi 3:8

Nkosi, ulaka lwakho lwaluvuthela imifula na? Wawuthukuthelele imifula yini, lentukuthelo yakho yayivuthela olwandle lapho ugade amabhiza akho, ukhwele phezu kwenqola yakho yokunqoba na?

UZakhariya 14:14

LoJuda uzakulwa leJerusalema, kubuthwe inotho yazo zonke izizwe ezizingelezeleyo, igolide, lesiliva, lezambatho ezinengi kakhulu.

UMatewu 7:2

Ngoba ngokwahlulela elahlulela ngakho lizakwahlulelwa ngakho lani, langesilinganiso elilinganisa ngaso lizakulinganiselwa ngaso lani.

Isambulo 13:10

Uba ekhona okumele athunjwe, uzakuthunjwa; lobulalayo ngomkhonto uzakubulawa ngomkhonto. Nanti ithuba lokubekezela lokusebenzisa ukukholwa kwabangcwele.

Isambulo 18:6

Phindiselani kulo njengokwenza kwalo, liphinde kabili okwemisebenzi yalo; liphinde kabili amandla enkezo exutshwe yilo.