UHezekhiyeli 38:22 - iBhayibhili Elingcwele 1978

²² Ngizamjezisa ngesifo langokuchitheka kwegazi, ngehlisele phezu kwakhe lamaxuku akhe labo bonke abantu abalaye izulu lesiqhotho lomlilo lesolufa.

IBhayibhili Elingcwele LesiNdebele

²² Ngizamahlulela ngesifo langokuchithwa kwegazi; ngizathululela phansi izihlambi zezulu, isiqhotho lesolufa etshisayo phezu kwakhe laphezu kwamabutho akhe kanye laphezu kwezizwe ezinengi ezilaye.

UHezekhiyeli 38:22 ပူးပေါင်းရင်းမြစ်များ

UGenesisi 19:24

INkosi yasinisa phezu kweSodoma leGomora isolufa lomlilo, kuvela eNkosini ezulwini.

AmaHubo 11:6

Phezu kwababi uzakwehlisela amalahle omlilo lesolufa; lomoya otshisayo uzakuba yisabelo sabo.

U-Isaya 28:17

Ngizakwenza okufaneleyo kube yintambo yokwakha, lokulunga kube yintambo yokulinganisa; isiqhotho sizakhukhula isiphephelo senu samanga, lamanzi akhukhule indawo yenu yokucatsha.

U-Isaya 29:6

iNkosi yamabandla izakukuhambela ngokuduma langokuzamazama komhlaba langomsindo omkhulu, ifike ngesivunguzane lesiphepha, langelangabi lomlilo oqothulayo.

U-Isaya 34:3

Ababuleweyo bazo kabayikungcwatshwa, zizanuka izidumbu zabo, legazi labo ligeleze ezintabeni.

U-Isaya 66:16

Ngoba iNkosi izakwahlulela ngomlilo langomkhonto wayo bonke abantu, banengi ezakubabulala.

UJeremiya 25:31

Umsindo uzafinyelela emikhawulweni yomhlaba, ngoba iNkosi iyamelana lezizwe, iyabagweba bonke abantu, ababi izakubanikela ekubulaweni, kutsho iNkosi.

UHezekhiyeli 13:11

Tshela labo abawucombayo ngekalaga ukuthi uzakuwa. Kuzakuba khona impophoma zezulu, kukhithike isiqhotho esikhulu, kuvuke isiphepha somoya;

UHezekhiyeli 28:23

Ngoba ngizathumela isifo kilo, kuchitheke legazi endleleni zalo; abantu bazakufela phakathi kwalo, bebulawa yimpi elihanqileyo inxa zonke. Ng’khona bazakwazi ukuba ngiyiNkosi.

UHezekhiyeli 39:6

Ngizathumela umlilo kuMagogi lakulabo abahlala ngokulondolozeka emazweni angasolwandle. Bazakwazi ukuba ngiyiNkosi.

UHezekhiyeli 5:17

Ngizalithumela indlala lezilo zeganga, zibulale abantwana benu; isifo legazi kudabule phakathi kwenu; ngililethele impi. Mina Nkosi ngikhulumile.

UJoweli 3:2

ngizabutha zonke izizwe, ngizilethe esihotsheni sikaJehoshafati, ngizithonisise khona ngenxa yabantu bami lesizwe sami uIsrayeli, ngoba zabachithachitha phakathi kwezizwe, zabelana ilizwe lami,

UMatewu 7:27

Lana izulu, kwafika impophoma, kwavunguza imimoya, yayitshaya leyondlu, yawa, kwaba kukhulu ukuwa kwayo.

UJoshuwa 10:11

Kwathi besabalekela uIsrayeli besehla emqansweni waseBetiHoroni, iNkosi yabehlisela isiqhotho esikhulu esivela phezulu kwaze kwaba seAzeka, bafa. Babebanengi ababulawa yisiqhotho ukwedlula ababulawa nguIsrayeli.

Isambulo 14:10

laye uzakunatha iwayini lolaka lukaNkulunkulu elilungisiweyo enkezweni yolaka lwakhe, lingaxutshaniswanga; uzakuhlutshwa ngomlilo langesolufa phambi kwezithunywa ezingcwele laphambi kweWundlu.

Isambulo 16:21

Isiqhotho esikhulu sawela phezu kwabantu sivela ezulwini, amatshe aso enzima kakhulu; abantu bamthuka uNkulunkulu ngenxa yesifo sesiqhotho, ngoba uhlupho lwaso lwalulukhulu.

Isambulo 20:9

Zaphumela emhlabeni wonke, zeza zazingelezela umuzi wabangcwele lomuzi othandekayo. Kodwa umlilo ovela ezulwini, waziqothula zonke;

Isambulo 8:7

Isithunywa sokuqala salukhalisa uphondo; kwasekusiba khona isiqhotho lomlilo kuhlanganiswe legazi, kwaphoselwa emhlabeni; kwathi ingxenye yesithathu yomhlaba yatsha lengxenye yesithathu yezihlahla, labo bonke utshani obuluhlaza batshiswa.