UHezekhiyeli 37:24 - iBhayibhili Elingcwele 1978

²⁴ Inceku yami uDavida uzakuba yinkosi yabo, babe lomalusi munye. Bazalandela imithetho yami, bananzelele ukugcina izimiso zami.

IBhayibhili Elingcwele LesiNdebele

²⁴ Inceku yami uDavida uzakuba yinkosi yabo, njalo bonke bazakuba lomelusi munye. Bazalandela imithetho yami njalo bananzelele ukugcina izimiso zami.

UHezekhiyeli 37:24 ပူးပေါင်းရင်းမြစ်များ

AmaHubo 80:1

Zwana, Malusi kaIsrayeli, wena okhokhela uJosefa njengomhlambi. Wena ohlezi esihlalweni sakho sobukhosi ngaphezu kwamakherubi, bonakala ngokukhanya

Izaga 9:6

yekelani ubuthutha liphile, lihambe ngendlela yokuqedisisa.

UmTshumayeli 12:11

Amazwi abahlakaniphileyo anjengencijo lanjengezipikili ezibethelwe zatshona; ayalikhokhela ibandla ngoba avela kumalusi munye.

U-Isaya 32:1

Khangela, kuzakuba khona inkosi ebusa ngokulunga, lezikhulu ezibusa ngokufaneleyo.

U-Isaya 40:11

Izakwelusa umhlambi wayo njengomalusi, ibuthe amawundlu ngezingalo zayo, iwagone esifubeni sayo, ihole kuhle amadlezane.

UJeremiya 23:5

Khangela, insuku ziyeza, kutsho iNkosi, lapho ngizamhlumisela uDavida uGatsha olulungileyo; luzakubusa njengenkosi, lube lokuhlakanipha, lwenze ukulunga lobuqotho elizweni.

UJeremiya 30:21

Isikhulu sabo sizakuba ngomunye wabo, lombusi wabo uzavela phakathi kwabo; ngizamsondeza, asondele kimi, ngoba ngubani ongaba lesibindi sokusondela kimi na? kutsho iNkosi.

UJeremiya 30:9

kodwa bazasebenzela mina Nkosi, uNkulunkulu wabo, loDavida inkosi yabo engizakubavusela yena.

UJeremiya 31:33

Yilesi isivumelwano engizakusenza lendlu kaIsrayeli emva kwalezonsuku, kutsho iNkosi. Ngizafaka umlayo wami emibilinini yabo, ngiwulobe enhliziyweni zabo, ngibe nguNkulunkulu wabo, labo babe ngabantu bami.

UJeremiya 32:39

Ngizabanika inhliziyonye lendlelanye, ukuba bangesabe zonke insuku, kube kuhle kubo lakubantwana babo emva kwabo.

UJeremiya 33:22

Njengoba inkanyezi zingabaleki, letshebetshebe lolwandle lingalinganiseki, ngokunjalo ngizakwandisa inzalo kaDavida inceku yami labapristi abangamaLevi abangikhonzayo.

UHezekhiyeli 20:40

Ngoba entabeni engcwele, entabeni ende yakoIsrayeli, kutsho iNkosi uNkulunkulu, lapho bonke abakoIsrayeli, bonke ngoluthi lwabo, bazangikhonza elizweni; ngizabamukela khona, ngibize khona iminikelo yenu, leziphiwo zenu ezinhle, lakho konke okungcwele kwenu.

UHezekhiyeli 21:27

Ukuchitheka, ukuchitheka, ngizaletha ukuchitheka emzini okungazanga kube khona ngaphambili, kuze kufike umuntu onguye okhethiweyo ukuba awuthonisise.

UHezekhiyeli 36:27

Ngizafaka umoya wami phakathi kwenu, ngilenze ukuba lihambe ngezimiso zami, lokuba linanzelele ukugcina imithetho yami.

UHezekhiyeli 37:22

ngizabenza babe yisizwe sinye elizweni phezu kwezintaba zakoIsrayeli, babuswe yinkosinye, bangabe besaba yizizwe ezimbili lemibuso emibili eyehlukeneyo.

UHezekhiyeli 37:25

Bazahlala elizweni elalihlala okhokho benu engalinika inceku yami uJakobe; bona kanye labantwana babo labantwana babantwana babo bahlale khona kokuphela. UDavida inceku yami uzakuba yisikhulu sabo kokuphela.

UHezekhiyeli 45:7

Indawo esemaceleni womabili endawo engcwele lawendawo yomuzi izakuba ngeyesikhulu, lendawo eseduze lendawo engcwele leseduze lomuzi, esuka entshonalanga eqonda entshonalanga, lesuka empumalanga eqonda empumalanga, ubukhulu bayo bulingana lesinye sezigaba phakathi kwentshonalanga lempumalanga yemingcele yelizwe.

UHosiya 3:5

Emva kwalokho abakoIsrayeli bazabuya bayidinge iNkosi uNkulunkulu wabo, loDavida inkosi yabo. Bazabuya eNkosini besesaba, beze lasekulungeni kwayo ensukwini ezizayo.

UMikha 5:2

Kodwa wena, Betlehema Efratha, omncinyane ukuba ube phakathi kwezizwe zakoJuda, kuzavela kuwe othile ozakuba ngumbusi wakoIsrayeli, okudabuka kwakhe kusukela endulo.

UMikha 5:4

Uzakuma aluse umhlambi wakhe ngamandla eNkosi, ngobukhosi bebizo leNkosi uNkulunkulu wakhe. Bazavikeleka, ngoba khathesi esemkhulu kuze kube semikhawulweni yomhlaba;

UZakhariya 13:7

Vuka, mkhonto, uvukele umalusi wami, uvukele umuntu ongumngane wami, kutsho iNkosi yamabandla. Tshaya umalusi ukuba izimvu zichitheke; ngizaphendulela isandla sami kwezincinyane.

ULukha 1:32

Yena uzakuba mkhulu, uzakubizwa ngokuthi yiNdodana yoPhezukonke; iNkosi uNkulunkulu izakumnika isihlalo sobukhosi sikayise uDavida;

UJohane 10:11

Mina ngingumalusi olungileyo. Umalusi olungileyo udela ukuphila kwakhe ngenxa yezimvu.

1 AbaseKhorinte 11:2

Ngiyalibonga ngoba lingikhumbula ezintweni zonke, libambelele ezifundisweni engalinika zona.

Abase-Efesu 2:10

Ngoba singumsebenzi wakhe, kuKristu Jesu sadalelwa imisebenzi emihle uNkulunkulu ayilungiselela ngaphambili ukuba sihambe ngayo.

UDutheronomi 30:6

INkosi uNkulunkulu wenu izakuhlambulula inhliziyo zenu lenhliziyo zenzalo yenu, ukuba liyithande iNkosi uNkulunkulu wenu ngenhliziyo yenu yonke langomphefumulo wenu wonke ukuze liphile.

UDutheronomi 6:1

Yiyo le imithetho lezimiso lezahlulelo iNkosi uNkulunkulu wakho eyangilaya ukukufundisa zona, ukuba uzenze elizweni oya kulo ukuba ulithumbe,

AmaHebheru 13:20

Kungathi uNkulunkulu wokuthula owamkhuphula kwabafileyo uJesu, iNkosi yethu, umalusi omkhulu wezimvu ngegazi lakhe lesivumelwano esimiyo njalo,

1 UPhethro 5:4

Kuzakuthi, lapho esabonakaliswa uMalusi omkhulu, lamukeliswe umqhele wobukhosi ongabuniyo.

1 UJohane 2:6

lowo othi uhlala kuye, ufanele yena ahambe njengalokhu ahamba uKristu.