UHezekhiyeli 37:23 - iBhayibhili Elingcwele 1978

²³ Kabasayikuzingcolisa futhi ngezithombe zabo langezinto zabo ezenyanyekayo, langeziphambeko zabo. Kodwa ngizabakhupha kukho konke ukuhlamuka abona ngakho, ngibahlambulule babe ngabantu bami, mina ngibe nguNkulunkulu wabo.

IBhayibhili Elingcwele LesiNdebele

²³ Kabasayikuzingcolisa ngezithombe zabo langezifanekiso zabo ezenyanyekayo loba ngezinye zeziphambeko zabo, ngoba ngizabasindisa kukho konke ukuhlehlela kwabo emuva esonweni, njalo ngizabahlambulula. Bazakuba ngabantu bami, mina ngizakuba nguNkulunkulu wabo.

UHezekhiyeli 37:23 ပူးပေါင်းရင်းမြစ်များ

AmaHubo 68:20

UNkulunkulu wethu unguNkulunkulu wokukhulula; uNkulunkulu iNkosi ungasisiza ekufeni.

AmaHubo 68:35

UNkulunkulu uyesabeka endaweni yakhe engcwele; UNkulunkulu kaIsrayeli, nguye onika abantu bakhe amandla. Kabongwe uNkulunkulu.

U-Isaya 2:18

Izithombe zizaphela zithi nya.

UJeremiya 31:1

Ngalesosikhathi, kutsho iNkosi, ngizakuba nguNkulunkulu wemizi yonke yakoIsrayeli; bazakuba ngabantu bami.

UJeremiya 31:33

Yilesi isivumelwano engizakusenza lendlu kaIsrayeli emva kwalezonsuku, kutsho iNkosi. Ngizafaka umlayo wami emibilinini yabo, ngiwulobe enhliziyweni zabo, ngibe nguNkulunkulu wabo, labo babe ngabantu bami.

UHezekhiyeli 11:18

Lapho befika kulo, bazasusa lapho konke okunengisayo kwalo, lawo wonke amanyala alo.

UHezekhiyeli 11:20

ukuba bahambe ngezimiso zami, bagcine imithetho yami bayilalele; bazakuba ngabantu bami, lami ngibe nguNkulunkulu wabo.

UHezekhiyeli 14:11

ukuba uIsrayeli angabe esahlukana lami futhi, angabuyi azingcolise ngeziphambeko zabo zonke, kodwa babe ngabantu bami, lami ngibe nguNkulunkulu wabo, kutsho iNkosi uNkulunkulu.

UHezekhiyeli 20:43

Laphoke lizakhumbula indlela zenu lezenzo zenu zonke elazingcolisa ngazo; lizazizonda ngenxa yazo zonke izinto ezimbi elazenzayo.

UHezekhiyeli 36:31

Lizakhumbula izindlela zenu ezimbi, lezenzo zenu ezingalunganga; lizazizonda ngenxa yezono zenu langenxa yamanyala enu.

UHezekhiyeli 37:27

Indawo yami yokuhlala izakuba kibo, ngibe nguNkulunkulu wabo, babe ngabantu bami.

UHezekhiyeli 39:22

AbakoIsrayeli bazakwazi ukuba ngiyiNkosi uNkulunkulu wabo kusukela kulolosuku.

UHosiya 1:10

Kanti ubunengi babantu bakoIsrayeli buzakuba ngangetshebetshebe lolwandle elingeke lilinganiswe loba libalwe. Endaweni yokuba kuthiwe kibo: Kalisibo abantu bami; kuzakuthiwa kibo: Lingamadodana kaNkulunkulu ophilayo.

UHosiya 14:8

UEfrayimi uselendaba lezithombe na? Mina ngiyamphendula ngimcinge. Mina nginjengephane elihlala liluhlaza, izithelo zakhe zivela kimi.

UMikha 7:14

Yelusa abantu bakho ngentonga yakho, umhlambi ongowakho impela ohlala wodwa ehlathini lasezihotsheni; kawalukele eBashani laseGileyadi njengasendulo.

UZakhariya 13:9

Ngizakuyifaka emlilweni lingxenye yesithathu, ngibancibilikise njengomuntu encibilikisa isiliva, ngibahlole njengokuhlolwa kwegolide. Bazabiza ibizo lami, ngibaphendule; ngithi: Bangabantu bami; labo bathi: INkosi inguNkulunkulu wethu.

UZakhariya 14:21

Zonke imbiza eJerusalema lakoJuda zizakwahlukaniselwa iNkosi yamabandla, ukuba bonke abanikela umhlatshelo bazithathe, bapheke ngazo inyama yomhlatshelo. Kakusayikuba khona umthengi endlini yeNkosi yamabandla ngalolosuku.

UThithu 2:14

Yena wazinikela ngenxa yethu ukuze asihlenge ebubini bonke, lokuzihlambululela abantu abangabakhe abatshisekela izenzo ezinhle.

1 UJohane 1:7

kodwa uba sihamba ekukhanyeni njengalokhu yena esekukhanyeni, silokuhlanganyela omunye lomunye, legazi likaJesu iNdodana yakhe liyasihlambulula ezonweni zonke.

1 UJohane 1:9

Uba sivuma izono zethu, uthembekile yena, ulungile futhi, ngakho uzakusithethelela izono zethu, asihlambulule kukho konke ukungalungi.

Isambulo 21:7

Onqobayo uzakudla ilifa lalezizinto; ngizakuba nguNkulunkulu wakhe, yena abe yindodana yami.