UHezekhiyeli 37:12 - iBhayibhili Elingcwele 1978

¹² Ngakhoke tshumayela uthi kibo: INkosi uNkulunkulu ithi: Ngizavula amaliba enu, ngilivuse emalibeni enu, lina bantu bami, ngilibuyise elizweni lakoIsrayeli.

IBhayibhili Elingcwele LesiNdebele

¹² Ngakho phrofetha uthi kubo: ‘Nanku okutshiwo nguThixo Wobukhosi: Awu bantu bami, ngizavula amangcwaba enu ngilivuse kuwo; ngizalibuyisela elizweni lako-Israyeli.

UHezekhiyeli 37:12 ပူးပေါင်းရင်းမြစ်များ

U-Isaya 11:11

Kuzakuthi ngalolosuku iNkosi yelule isandla sayo ngokwesibili ukubutha abaseleyo ebantwini bayo, ibabuthe eAsiriya laseGibithe lasePatrosi laseEtiyopiya laseElamu, laseShinari laseHamathi, lasemazweni angasolwandle.

U-Isaya 26:19

Kodwa abafileyo bakho bazakuphila, izidumbu zabo zizavuka futhi. Vukani, lihlabele ngokuthokoza, lina elilele othulini. Ngoba amazolo akho angamazolo akhanyayo, umhlaba uzakubakhupha abafileyo.

U-Isaya 66:14

Lizakubona lokhu, lenhliziyo yenu ithokoze; lemizimba yenu ikhule iqine; kuzakwaziwa ukuthi isandla seNkosi sesisencekwini zayo, izithukuthelele izitha zayo.

UHezekhiyeli 28:25

INkosi uNkulunkulu ithi: Nxa sengibutha uIsrayeli ebantwini abachithachithwe kibo, ngizabonakalisa ubungcwele bami kibo phambi kwezizwe; bazahlala elizweni labo engalinika inceku yami uJakobe.

UHezekhiyeli 36:24

Ngoba ngizalithatha ezizweni, ngilibuthe emazweni wonke, ngililethe elizweni lenu.

UHezekhiyeli 37:13

Lizakwazi ukuba ngiyiNkosi nxa ngivula amaliba enu, ngilivusa emalibeni enu, bantu bami.

UHezekhiyeli 37:21

uthi kibo: INkosi uNkulunkulu ithi: Ngizathatha abantu bakoIsrayeli ezizweni abaya kizo, ngibabuyise bevela endaweni zonke, ngibalethe elizweni labo;

UHezekhiyeli 37:25

Bazahlala elizweni elalihlala okhokho benu engalinika inceku yami uJakobe; bona kanye labantwana babo labantwana babantwana babo bahlale khona kokuphela. UDavida inceku yami uzakuba yisikhulu sabo kokuphela.

UHezekhiyeli 37:4

Yasisithi kimi futhi: Tshumayela kulamathambo, uthi kiwo: Lina mathambo omileyo, zwanini ilizwi leNkosi.

UDanyeli 12:2

Labanengi abaleleyo othulini lomhlaba bazavuka, abanye bavukele ukuphila okungapheliyo, labanye bavukele ihlazo lokuhlekwa okungapheliyo.

UHosiya 13:14

Ngizabahlawulela emandleni endawo yabafileyo yini? ngibahlenge ekufeni na? Kufa, zingaphi izifo zakho na? Ndawo yabafileyo, kungaphi ukuchitheka kwakho? Isihawu kasisekho kimi.

UHosiya 6:2

Ngemva kwensuku ezimbili izakusivuselela, isivuse ngosuku lwesithathu, ukuba siphile phambi kwayo.

UJoweli 3:5

Ngoba lithethe isiliva sami legolide lami, lathwalela inotho yami eligugu emathempelini enu.

UZefaniya 3:20

Ngalesosikhathi ngizakuliletha ekhaya esikhathini sokulibutha kwami. Ngizakulenza ukuba libe lodumo, libongwe phakathi kwabantu bonke bomhlaba lapho sengibuyisa inhlanhla yenu futhi, kutsho iNkosi.

UDutheronomi 32:39

Bonani ukuthi mina nginguye, kakho omunye unkulunkulu ngaphandle kwami; ngiyabulala, ngisilise; ngiyalimaza, ngelaphe; kakho ongakhulula esandleni sami.

1 AbaseThesalonika 4:16

ngoba iNkosi uqobo izakwehla ivela ezulwini ngomdumo, ngokumemeza kwesithunywa, langokukhala kophondo lukaNkulunkulu; labafileyo kuKristu bazakuvuka kuqala;

Isambulo 20:13

Lolwandle lwabakhupha abafileyo ababekulo, ukuFa lendawo yabafileyo kwakhupha abafileyo ababekukho; bonke bahlulelwa ngalokho ababekwenzile.

1 USamuyeli 2:6

INkosi yiyo ebulalayo lephilisayo, leyehlisela abantu endaweni yabafileyo ibuye ibabuyise futhi.