UHezekhiyeli 36:27 - iBhayibhili Elingcwele 1978

²⁷ Ngizafaka umoya wami phakathi kwenu, ngilenze ukuba lihambe ngezimiso zami, lokuba linanzelele ukugcina imithetho yami.

IBhayibhili Elingcwele LesiNdebele

²⁷ Njalo ngizafaka uMoya wami phakathi kwakho ngikwenze ulandele izimiso zami njalo unanzelele ukugcina imithetho yami.

UHezekhiyeli 36:27 ပူးပေါင်းရင်းမြစ်များ

AmaHebheru 13:21

angaliphelelisa kukho konke okuhle, ukuze lenze intando yakhe, esebenza kini lokho okumthokozisayo ngoJesu Kristu; kakube kuye ubukhosi kuze kube nininini. Ameni.

1 AbaseKhorinte 3:16

Kalazi yini ukuthi lina lilithempeli likaNkulunkulu, lokuthi uMoya kaNkulunkulu uhlala kini na?

UHezekhiyeli 39:29

Kangisayikubafihlela ubuso bami nxa sengithela umoya wami phezu kukaIsrayeli, kutsho iNkosi uNkulunkulu.

UJeremiya 31:33

Yilesi isivumelwano engizakusenza lendlu kaIsrayeli emva kwalezonsuku, kutsho iNkosi. Ngizafaka umlayo wami emibilinini yabo, ngiwulobe enhliziyweni zabo, ngibe nguNkulunkulu wabo, labo babe ngabantu bami.

Izaga 1:23

Lalelani ukukhuza kwami; sengizakulitshela imicabango yami, ngikhulume amazwi ami ahlakaniphileyo kini.

1 UJohane 3:24

Abagcina imilayo yakhe bahlala kuye, laye uqobo uhlala kibo. Siyazi ukuthi uhlala lathi ngaye uMoya asinike yena.

UHezekhiyeli 37:14

Ngizafaka umoya wami kini, liphile; ngizalibeka kwelenu ilizwe; ng’khona lizakwazi ukuba mina Nkosi ngikhulumile, lokuba ngikwenzile, kutsho iNkosi.

2 UJohane 1:6

Yilolu uthando ukuba sihambe ngemilayo yakhe; yilo umlayo ukuba lihambe ngothando, njengoba lawuzwa kusukela ekuqaleni.

UHezekhiyeli 37:24

Inceku yami uDavida uzakuba yinkosi yabo, babe lomalusi munye. Bazalandela imithetho yami, bananzelele ukugcina izimiso zami.

AbaseGalathiya 5:16

Ngithi: Hambani ngoMoya lingakholisi inkanuko zomzimba.

UZakhariya 12:10

Ngizathela phezu kwendlu kaDavida laphezu kwabakhileyo eJerusalema umoya wesihawu lowobubele, ukuze kuthi nxa bembona abamgwazileyo, bamlilele, njengokulilelwa komntwana ozelwe yedwa, bamkhalele kakhulu njengokukhalelwa kolizibulo.

U-Isaya 59:21

Minake, lokhu kuyisivumelwano sami labo, itsho iNkosi, sokuthi umoya wami engikunike wona, lamazwi ami engiwafake emlonyeni wakho kawayikusuka emlonyeni wakho, lasemlonyeni wabantwana bakho, lasemlonyeni wabantwana babantwana bakho, kusukela kulesisikhathi kuze kube nininini.

1 UPhethro 1:22

Ngokulalela iqiniso selihlambulule imiphefumulo yenu ukuthanda abazalwane ngobuqotho; ngakhoke thandanani ngokupheleleyo ngenhliziyo yonke.

AbaseRoma 8:9

Kodwa lina kaliphili ngokwabantu; likuMoya, uba phela uMoya kaNkulunkulu ehlala kini; uba umuntu engelaye uMoya kaKristu, lowo kasuye owakhe.

ULukha 11:13

Ngakhoke uba lina elingababi likwazi ukubapha abantwana benu iziphiwo ezinhle, kakhulu kangakanani uYihlo osezulwini uzakubapha abacela kuye uMoya oNgcwele.

1 UPhethro 1:2

abakhethiweyo ngokwazi ngaphambili kukaNkulunkulu uBaba, bahlukaniselwa nguMoya ukulalela uJesu Kristu lokufafazwa ngegazi lakhe; ngithi: Kakwandiswe kini umusa lokuthula.

2 AbaseThesalonika 2:13

Kodwa thina simele ukubonga uNkulunkulu njalo ngani, bazalwane abathandekayo beNkosi, ngoba uNkulunkulu walikhetha kusukela ekuqaleni, walikhethela ukuba lisiliswe ngobungcwele obuvela kuMoya langokukholwa iqiniso;

AbaseKholose 2:6

Ngakhoke njengalokho limamukele uKristu Jesu iNkosi, hlalani kuye,

AbaseGalathiya 5:5

Ngoba thina ngaye uMoya silindele ngokukholwa ithemba lokulunga.

UHezekhiyeli 11:20

ukuba bahambe ngezimiso zami, bagcine imithetho yami bayilalele; bazakuba ngabantu bami, lami ngibe nguNkulunkulu wabo.

UHezekhiyeli 43:11

Uba belenhloni ngakho konke abakwenzileyo, ubatshengise ithempeli, ukuma kwezinto zalo, intuba zalo zokuphuma lezokungena, lesimo salo sonke, ubatshele imithetho yalo yonke lemilayo yalo yonke. Ukubhale konke phambi kwabo ukuze bayigcine bayenze yonke imilayo yalo lemithetho yalo.

UDutheronomi 30:8

Lizabuya lilalele ilizwi leNkosi, ligcine yonke imilayo yayo engililaya yona lamuhla.

AmaHubo 105:45

ukuba bagcine izimiso zayo, bahambe ngemilayo yayo. Dumisani iNkosi!

UJeremiya 32:40

Ngizakwenza labo isivumelwano esingelakuphela, ukuze ngingayekeli ukubenzela okuhle, ngifake ukungesaba enhliziyweni zabo ukuze bangangitshiyi.