UHezekhiyeli 36:23 - iBhayibhili Elingcwele 1978

²³ Ngizabonakalisa ubungcwele bebizo lami elikhulu elingcoliswe phakathi kwezizwe, elilingcolisileyo lina phakathi kwazo; lezizwe zizakwazi ukuba ngiyiNkosi, kutsho iNkosi uNkulunkulu, nxa sengibonakalisa ubungcwele bebizo lami ngani phambi kwazo.

IBhayibhili Elingcwele LesiNdebele

²³ Ngizabonakalisa ubungcwele bebizo elikhulu, eselingcolisiwe phakathi kwezizwe, ibizo osulingcolisile phakathi kwazo. Lapho-ke izizwe zizakwazi ukuthi mina nginguThixo, kutsho uThixo Wobukhosi, lapho sengizibonakalisa ngingcwele ngawe phambi kwamehlo azo.

UHezekhiyeli 36:23 ပူးပေါင်းရင်းမြစ်များ

AmaHubo 46:10

Thulani, lazi ukuba mina nginguNkulunkulu, ngiphakanyiswa phakathi kwezizwe, ngiphakanyiswa emhlabeni.

U-Isaya 37:20

Ngakhoke, Nkosi Nkulunkulu wethu, akusikhulule esandleni sakhe, ukuze yonke imibuso yomhlaba yazi ukuba wena wedwa uyiNkosi.

U-Isaya 5:16

Kodwa iNkosi yamabandla iphakanyisiwe ngokwenza okufaneleyo, uNkulunkulu oNgcwele ubonakalisa ubungcwele bakhe ngokulunga.

U-Isaya 52:5

Phoke, ngisasalelwe yini lapha eBabiloni, lokhu abantu bami bathunjiwe ngeze na? Ababusi babo bayaklolodelwa, lebizo lami lihlanjazwa usuku lonke.

UHezekhiyeli 20:41

Ngizalamukela njengephunga elimnandi nxa ngilikhupha ezizweni, ngiliqoqa emazweni lapho belichithachithelwe khona; ngizabonakalisa ubungcwele bami phakathi kwenu phambi kwezizwe.

UHezekhiyeli 20:42

Lizakwazi ukuba ngiyiNkosi lapho sengilibuyise elizweni lakoIsrayeli, ilizwe engafunga ukulinika okhokho benu.

UHezekhiyeli 28:22

uthi: INkosi uNkulunkulu ithi: Ngimelene lawe, wena Sidoni, ngizabonakalisa udumo lwami phakathi kwakho. Bazakwazi ukuba ngiyiNkosi lapho sengilithonisisa, ngibonakalise ubungcwele bami kilo.

UHezekhiyeli 28:25

INkosi uNkulunkulu ithi: Nxa sengibutha uIsrayeli ebantwini abachithachithwe kibo, ngizabonakalisa ubungcwele bami kibo phambi kwezizwe; bazahlala elizweni labo engalinika inceku yami uJakobe.

UHezekhiyeli 38:16

Uzahlasela abantu bami bakoIsrayeli njengeyezi lisibekela umhlaba. Ensukwini zokucina ngizakukuqhubeza lelizwe lami ukuze izizwe zingazi, nxa ngibonakalisa ngawe ubungcwele bami phambi kwazo, wena Gogi.

UHezekhiyeli 39:21

Ngizakumisa inkazimulo yami phakathi kwezizwe; izizwe zonke zizabona ukuthonisisa engikwenzileyo, lesandla sami engisehlisele phezu kwabo.

UHezekhiyeli 39:25

Ngalokhoke iNkosi uNkulunkulu ithi: Sengizabuyisa abantu bakaJakobe, ngibe lesihawu kuye wonke uIsrayeli, ngibe lomona langebizo lami elingcwele.

UHezekhiyeli 39:27

lapho sengibakhuphile ebantwini, ngabaqoqa emazweni ezitha zabo, ngabonakalisa ubungcwele bami ngabo phambi kwezizwe.

UHezekhiyeli 39:28

Bazakwazi ukuba ngiyiNkosi uNkulunkulu wabo ngoba ngabaxotshela phakathi kwezizwe, ngabuye ngabaqoqela elizweni labo. Kangisayikutshiya loyedwa wabo phakathi kwezizwe.

UHezekhiyeli 39:7

Ngizakwenza ukuba ibizo lami laziwe phakathi kwabantu bami uIsrayeli, kangisayikuyekela ibizo lami elingcwele lingcoliswe futhi; lezizwe zizakwazi ukuba ngiyiNkosi, oNgcwele kaIsrayeli.

UDanyeli 2:47

Inkosi yathi kuDaniyeli: Isibili uNkulunkulu wakho unguNkulunkulu wabonkulunkulu, leNkosi yamakhosi, lomambuli wezimfihlakalo, ngoba uyambule limfihlakalo.

1 UPhethro 2:9

Kodwa lina liluhlanga olukhethiweyo, ubupristi bobukhosi, lesizwe esingcwele, abantu abamisiweyo babe ngabakaNkulunkulu, ukuze litshumayele izenzo ezimangalisayo zalowo owalikhupha emnyameni, walisa ekukhanyeni kwakhe okumangalisayo.

1 UPhethro 3:15

kodwa enhliziyweni zenu mdumiseni uKristu oyiNkosi. Lihlale lizilungisele ukuphendula bonke abalibuza isizatho sokuthemba kwenu, likwenze ngobumnene langokuhlakanipha;