UHezekhiyeli 36:19 - iBhayibhili Elingcwele 1978

¹⁹ Ngabachithachitha phakathi kwezizwe, bahlakazekela emazweni wonke; ngabathonisisa ngokufanele ukuziphatha kwabo lezenzo zabo.

IBhayibhili Elingcwele LesiNdebele

¹⁹ Ngabachithela phakathi kwezizwe, njalo bahlakazekela emazweni; ngabahlulela ngokufanele ukuziphatha kwabo kanye lezenzo zabo.

UHezekhiyeli 36:19 ပူးပေါင်းရင်းမြစ်များ

UHezekhiyeli 18:30

Ngakhoke ngizalithonisisa, lina bakoIsrayeli, lonke ngokufanele indlela zenu, kutsho iNkosi uNkulunkulu. Phendukani, libuye eziphambekweni zenu zonke, lingachitheki ngenxa yobubi.

UHezekhiyeli 22:15

Ngizakukuchithachitha phakathi kwezizwe, ngikuhlakazele emazweni, ngiqede ukungcola kwakho konke kuwe.

UHezekhiyeli 22:31

Ngalokho ngehlisele ukuthukuthela kwami phezu kwabo, ngabaqeda ngomlilo wolaka lwami, ngaphindisela indlela yabo kibo, kutsho iNkosi uNkulunkulu.

UHezekhiyeli 24:14

Mina Nkosi ngikhulumile. Kuzakwenzeka, ngizakukwenza. Kangiyikukuyekela, kangiyikuba lesihawu, kangiyikuphenduka. Ngizakukuthonisisa ngokufanele indlela zakho lezenzo zakho, kutsho iNkosi uNkulunkulu.

UHezekhiyeli 39:23

Lezizwe zizakwazi ukuba abakoIsrayeli bathunjwa ngenxa yesono sabo, ngoba bangikhohlisa kakhulu ngaze ngafihla ubuso bami kibo, ngabanikela ezandleni zezitha zabo, babulawa empini.

UHezekhiyeli 39:24

Ngabaphatha ngokufanele ukungcola kwabo leziphambeko zabo, ngabafihlela ubuso bami.

UHezekhiyeli 5:12

Ingxenye yesithathu yenu izabulawa yisifo, iqedwe yindlala phakathi kwenu; ingxenye yesithathu izabulawa yimikhonto endaweni zonke zenu; lengxenye yesithathu ngiyichithachithele emimoyeni yonke, ngiyilandele ngiphethe umkhonto.

UHezekhiyeli 7:3

Ukuphela sekufikile kini, ngizakwehlisela ukuthukuthela kwami phezu kwenu, ngilithonisise ngezenzo zenu, ngehlisele phezu kwenu amanyala enu.

UHezekhiyeli 7:8

Ngizakwehlisela ulaka lwami phezu kwenu, ngiqedele ukuthukuthela kwami kini, ngilithonisise ngokufanele indlela zenu, ngilitshaye ngenxa yawo wonke amanyala enu.

ULevi 26:38

Lizakubhubhela ezizweni, lelizwe lezitha zenu lizakulidla.

uAmosi 9:9

Ngoba ngizakulaya ukuba uIsrayeli ahlungulwe phakathi kwazo zonke izizwe njengokuhlungulwa kwamabele ngokhomane, kodwa kakuyikuwela phansi lolulodwa uhlamvu.

UMikha 2:10

Sukani lihambe, ngoba lapha kakusiyo indawo yokuphumula, ngenxa yokungcola okuletha ukuchitheka okukhulu.

AbaseRoma 2:6

ozakunika lowo lalowo ngokwemisebenzi yakhe.

UDutheronomi 28:64

INkosi izakulihlakazela phakathi kwabantu bonke, kusukela komunye umkhawulo womhlaba kuze kube komunye, likhonze lapho abanye onkulunkulu abenziwe ngesigodo langelitshe, elingabaziyo lina labokhokho benu.