UHezekhiyeli 36:18 - iBhayibhili Elingcwele 1978

¹⁸ Ngakho ngasengehlisela phezu kwabo ulaka lwami ngenxa yegazi abalichitha elizweni, langenxa yezithombe abalingcolisa ngazo.

IBhayibhili Elingcwele LesiNdebele

¹⁸ Ngakho ngehlisela ulaka lwami phezu kwabo ngoba babechithe igazi elizweni njalo ngoba babelingcolisile ngezithombe zabo.

UHezekhiyeli 36:18 ပူးပေါင်းရင်းမြစ်များ

2 ImiLando 34:21

Hambani liyesibuzela eNkosini uNkulunkulu mina lalabo abaseleyo koIsrayeli lakoJuda mayelana lamazwi alolugwalo olufunyenweyo; ngoba lukhulu ulaka lweNkosi olusehleleyo, ngoba obaba kabaligcinanga ilizwi layo ukuba benze njengokulotshiweyo kulolugwalo.

2 ImiLando 34:25

Ngoba bangidelile, batshisela abanye onkulunkulu impepha, ukuze bangithukuthelise ngezithombe zabo abazenzayo; ngakho ulaka lwami luzakwehlela phezu kwalindawo, lungadedi.

2 ImiLando 34:26

Kodwa inkosi yakoJuda elithumileyo ukubuza kimi liyitshele ukuthi iNkosi uNkulunkulu kaIsrayeli ithi: Mayelana lamazwi owazwileyo,

U-Isaya 42:25

Yehlisela phezu kwakhe ukuvutha kolaka lwayo lamandla empi; yamfaka phakathi komlilo, kodwa kaqedisisanga; yamtshisa, kodwa kalalelanga.

UJeremiya 16:18

Ngizaphindisela ngokuphindiweyo ububi babo lezono zabo, ngoba balingcolisile ilizwe lami ngezidumbu zezithombe zabo ezinengekayo, bagcwalisa ilizwe lami ngamanyala abo.

UJeremiya 44:6

Ngakho ulaka lwami lokuthukuthela kwami kwavutha emizini yonke yakoJuda lasezindleleni zeJerusalema; zaphenduka zaba yinkangala, zachitheka njengalamhla nje.

UJeremiya 7:20

Ngakhoke iNkosi uNkulunkulu ithi: Ukuthukuthela kwami lolaka lwami kuzakwehlela kulindawo, phezu kwabantu lenyamazana, laphezu kwezihlahla zeganga lezithelo zomhlabathi. Kuzakutsha, kungacimeki.

Izililo 2:4

Isinemba ngemitshoko yayo njengesitha, yathiya isandla sayo esilamandla; njengesitha ibulele bonke abathandeka emehlweni ethu; lasethenteni laseZiyone yehlisela ulaka lwayo njengomlilo.

Izililo 4:11

INkosi yaphelelisa ukuthukuthela kwayo, yehlisa ulaka lwayo olutshisayo, yaphemba umlilo eZiyone owaqothula izisekelo zalo.

UHezekhiyeli 14:19

Uba ngithumela isifo kulelolizwe, ngehlisele ukuthukuthela kwami kulo ngokuchitha igazi, ukuba ngiqede kulo abantu lezinyamazana,

UHezekhiyeli 21:31

ngehlisele ukuthukuthela kwami phezu kwakho, ngikuthungele ngomlilo wolaka lwami, ngikunikele ezandleni zabantu abalolunya, abakwaziyo ukubulala.

UHezekhiyeli 22:20

Njengoba abantu bebuthelela isiliva lethusi lensimbi lomnuso esithandweni somlilo ukuba kufuthwe ngomlilo ukuze kuncibilike, ngokunjaloke ngizalibuthelela ekuthukutheleni kwami lasolakeni lwami, ngilifake phakathi, ngilincibilikise.

UHezekhiyeli 22:22

Njengesiliva sincibilikiswa esithandweni somlilo, ngokunjalo lizancibilikiswa phakathi kwawo. Lizakwazi ukuba mina Nkosi ngehlisele ulaka lwami phezu kwenu.

UHezekhiyeli 23:37

Ngoba bafebile, lezandla zabo zigcwele igazi. Bafebile lezithombe zabo, banikela kuzo lamadodana abangizalele wona abe yikudla kwazo.

UHezekhiyeli 33:25

Ngalokhoke tshono kibo uthi: INkosi uNkulunkulu ithi: Lidla inyama elegazi, liphakamisele amehlo enu ezithombeni zenu, lichithe igazi; lizahlala kilo ilizwe na?

UHezekhiyeli 39:23

Lezizwe zizakwazi ukuba abakoIsrayeli bathunjwa ngenxa yesono sabo, ngoba bangikhohlisa kakhulu ngaze ngafihla ubuso bami kibo, ngabanikela ezandleni zezitha zabo, babulawa empini.

UHezekhiyeli 7:8

Ngizakwehlisela ulaka lwami phezu kwenu, ngiqedele ukuthukuthela kwami kini, ngilithonisise ngokufanele indlela zenu, ngilitshaye ngenxa yawo wonke amanyala enu.

UNahume 1:6

Ngubani ongema phambi kwentukuthelo yayo na? Ngubani ongema ekuvutheni kolaka lwayo na? Ulaka lwayo luthululeka njengomlilo, lamadwala aqekezeke phambi kwayo.

Isambulo 14:10

laye uzakunatha iwayini lolaka lukaNkulunkulu elilungisiweyo enkezweni yolaka lwakhe, lingaxutshaniswanga; uzakuhlutshwa ngomlilo langesolufa phambi kwezithunywa ezingcwele laphambi kweWundlu.