UHezekhiyeli 34:8 - iBhayibhili Elingcwele 1978

⁸ INkosi uNkulunkulu ithi: Ngiyazifunga mina, ngoba izimvu zami seziyimpango, seziyikudla kwazo zonke izilo zeganga, ngoba kungelamalusi, langoba abelusi bami bengazidinganga izimvu zami, kodwa bezondlile bona, bengazelusanga izimvu zami,

IBhayibhili Elingcwele LesiNdebele

⁸ Ngeqiniso elinjengoba ngikhona, kutsho uThixo Wobukhosi, ngoba umhlambi wami uswela umelusi ngakho usuphangiwe njalo usube yikudla kwezinyamazana zonke zeganga, njalo ngenxa yokuthi abelusi bami kabawudinganga umhlambi kodwa bazikhathalela bona ngokwabo kulomhlambi wami,

UHezekhiyeli 34:8 ပူးပေါင်းရင်းမြစ်များ

UHezekhiyeli 34:10

INkosi uNkulunkulu ithi: Ngimelene labelusi, ngizafuna izimvu zami kibo, ngibayekelise ukwelusa izimvu zami, bangaphindi ukuzondla bona. Ngizakhupha izimvu zami emilonyeni yabo ukuze zingabi yikudla kwabo.

UHezekhiyeli 34:18

Kakwanelanga yini ukuba lidle edlelweni elihle, lize linyathele ngenyawo ledlelo lenu eliseleyo, lokuba linathe amanzi ahlambulukileyo lize lingcolise lamanye ngenyawo zenu na?

UHezekhiyeli 34:31

Lina, bantu bami, liyizimvu zami, izimvu engizelusayo, mina nginguNkulunkulu wenu, kutsho iNkosi uNkulunkulu.

UHezekhiyeli 34:7

Ngalokhoke, lina belusi, zwanini ilizwi leNkosi.

UHezekhiyeli 34:9

ngakho, lina belusi, zwanini ilizwi leNkosi.

UHezekhiyeli 36:4

Ngalokho, lina zintaba zakoIsrayeli, zwanini ilizwi leNkosi uNkulunkulu ezintabeni lasemaqaqeni, lasezindongeni lasezihotsheni, lasemizini echithekileyo langamanxiwa asephenduke impango lenhlekisa yezizwe ezizingelezeleyo.

UZakhariya 10:2

Ngoba izithombe ezithiwa amaterafi zikhuluma ize, labalumbi babona okungamanga, labaphuphi balandisa amaphupho ayinkohliso, ukududuza kwabo kuyize. Ngakhoke abantu bayahambahamba njengezimvu, bahlupheke ngoba bengelamalusi.

Imisebenzi 20:29

Ngiyazi ukuthi emva kokuhamba kwami kuzakungena impisi eziphangayo phakathi kwenu zingawuhawukeli umhlambi,

Imisebenzi 20:33

Kangihawukelanga isiliva legolide lezambatho zamuntu;

1 AbaseKhorinte 9:15

Kodwa mina kangiwasebenzisanga lawomalungelo; futhi kangilobi ukuba kwenziwe ngokunjalo kimi; ngoba kungaba ngcono kimi ukuba ngife kulokuba umuntu akwenze ize lokhu engizincoma ngakho.

2 UPhethro 2:13

bamukele umvuzo ngokungalungi kwabo. Bathi kuyikuthokoza ukuminza emini, bengcolile, bebabi, beminza ekuthokozeni kwabo, bezitika lani.

UJuda 1:12

Laba balihlazo emadilini enu othando nxa besidla lani bengesabi, bezinanzelela bona bodwa. Bangamayezi angelamanzi, aphetshulwa ngumoya; bayizihlahla ezingatheliyo zebusika, ezife kabili, sezisitshulwe;