UHezekhiyeli 34:27 - iBhayibhili Elingcwele 1978

²⁷ Izihlahla zeganga zizathela izithelo zazo, lomhlaba uveze inala, zilondolozeke elizweni lazo. Zizakwazi ukuba ngiyiNkosi nxa sengaphule ijogwe lazo, ngazikhulula kulabo abazithumbileyo.

IBhayibhili Elingcwele LesiNdebele

²⁷ Izihlahla zeganga zizathela izithelo zazo njalo lomhlabathi uzathela izilimo zawo; abantu bazahlaliseka elizweni labo. Bazakwazi ukuthi mina nginguThixo, lapho sengisephula imigoqo yejogwe labo njalo ngibahlenga ezandleni zalabo ababenza izigqili.

UHezekhiyeli 34:27 ပူးပေါင်းရင်းမြစ်များ

UJeremiya 30:8

Kuzakuthi ngalolosuku, kutsho iNkosi yamabandla, ngilaphule ijogwe entanyeni zabo, ngiqamule izibopho zabo, kabasayikusebenzela abezizwe,

ULevi 26:13

NgiyiNkosi uNkulunkulu wenu owalikhupha elizweni laseGibithe ukuba lingabi yizigqili zabo; ngephule izikeyi zejogwe lenu, ngenza ukuba lihambe liqondile.

ULevi 26:4

ngizakulinisela izulu ngesikhathi salo, lelizwe lizathela izithelo, lezihlahla zeganga zithele izithelo zazo.

AmaHubo 85:12

Yebo, iNkosi izakuveza okuhle, lelizwe lakithi lizakuthela izithelo zalo.

UJeremiya 2:20

Wephula ijogwe lakho endulo, waziqamula izibopho zakho, wathi wena: Kangizukukukhonza. Kodwa phezu kwazo zonke intaba, langaphansi kwezihlahla zonke eziluhlaza, walala njengesifebe.

U-Isaya 4:2

Ngalolosuku isihlahla seNkosi sizakuba sihle, sibe lodumo, lezithelo zelizwe zizakuba ligugu lodumo lwabaseleyo koIsrayeli.

UHezekhiyeli 47:12

Enkunjini zombili zomfula kuzakhula zonke inhlobo zezihlahla ezidliwayo. Amahlamvu azo kawayikubuna, lezithelo zazo kaziyikuphutha, zizathela izithelo ezintsha inyanga zonke, ngoba amanzi azo avela endlini engcwele. Izithelo zazo zizakuba ngezokudliwa, lamahlamvu azo abe ngawokwelapha.

UHezekhiyeli 39:28

Bazakwazi ukuba ngiyiNkosi uNkulunkulu wabo ngoba ngabaxotshela phakathi kwezizwe, ngabuye ngabaqoqela elizweni labo. Kangisayikutshiya loyedwa wabo phakathi kwezizwe.

UHezekhiyeli 34:10

INkosi uNkulunkulu ithi: Ngimelene labelusi, ngizafuna izimvu zami kibo, ngibayekelise ukwelusa izimvu zami, bangaphindi ukuzondla bona. Ngizakhupha izimvu zami emilonyeni yabo ukuze zingabi yikudla kwabo.

UHezekhiyeli 33:29

Ng’khona bazakwazi ukuba ngiyiNkosi lapho sengilichithile ilizwe laba yinkangala ngenxa yamanyala abo wonke abawenzileyo.

UJeremiya 27:7

Zonke izizwe zizamsebenzela yena lendodana yakhe, lomzukulu wakhe, kuze kufike isikhathi sokuchithwa kwelizwe lakhe; kuzakuthi izizwe ezinengi lamakhosi amakhulu bamenze isigqili.

UJeremiya 25:14

Ngoba izizwe ezinengi lamakhosi amakhulu zizakubenza babe yizigqili; ngizaphindisela kibo njengokufanele izenzo zabo lemisebenzi yabo.

U-Isaya 61:3

nginike labo abalilayo eZiyone imiqhele endaweni yomlotha, lamafutha enjabulo endaweni yengubo yokulila, indumiso endaweni yomoya odanileyo; ukuze babizwe ngokuthi yizihlahla zobuqotho, ezihlanyelwe yiNkosi, ukuba izuze udumo.

U-Isaya 10:27

Kuzakuthi ngalolosuku umthwalo ususwe emahlombe enu, lejogwe laphulwe entanyeni yenu.

U-Isaya 9:4

Ngoba ijogwe labo elinzima abaletshata emahlombe, lentonga yomhluphi wabo, ukuqedile njengasosukwini lokuchitheka kukaMidiyani.

AmaHubo 67:6

Umhlaba uthelile izithelo zawo; uNkulunkulu, uNkulunkulu wethu usibusisile.

UHezekhiyeli 28:25

INkosi uNkulunkulu ithi: Nxa sengibutha uIsrayeli ebantwini abachithachithwe kibo, ngizabonakalisa ubungcwele bami kibo phambi kwezizwe; bazahlala elizweni labo engalinika inceku yami uJakobe.

UHezekhiyeli 30:18

ETahafanesi ukukhanya kuzakuba mnyama, lapho ngiqeda khona ukubusa kweGibithe, lamandla aziphakamisileyo azaphela, lamayezi afike phezu kwalo, kuthunjwe lamadodakazi alo.

UHezekhiyeli 34:25

Ngizakwenza lazo isivumelwano sokuthula, ngixotshe izilo zeganga elizweni, ukuze zilondolozeke enkangala, zilale ehlathini.

UHezekhiyeli 34:29

Ngizazinika amasimu avundileyo ukuze zingabe zisaqedwa yindlala elizweni, zingabe zisaba lihlazo lezizwe.

UHezekhiyeli 36:29

Ngizalikhulula kukho konke okulingcolisayo. Ngizabiza amabele, ngiwenze abe manengi, ngingalehliseli indlala.

UHezekhiyeli 36:30

Ngizakwenza izithelo zezihlahla lezithelo zeganga zibe zinengi, ukuba lingaphindi futhi lithwale ihlazo lendlala phakathi kwezizwe.

UHezekhiyeli 38:8

Emva kwensuku ezinengi uzakubuthwa; eminyakeni ezayo uzahlasela ilizwe elathathwa empini, elilabantu ababuthwa ezizweni ezinengi, babekwa ezintabeni zakoIsrayeli ebeziyinkangala isikhathi eside. AbakoIsrayeli abakhutshwa ezizweni bazahlala khona bangethuki, bonke ngoluthi lwabo.

UHezekhiyeli 38:11

uthi: Ngizahlasela ilizwe elilemizi engabiyelwanga, ngibulale abantu abahlala ngokuthula bengethuki lutho, bonke behlala emizini engelamiduli, lengelamasango lemigoqo,

UHosiya 11:11

Azavela eGibithe ngokuphangisa njengenyoni, lanjengamajuba evela elizweni laseAsiriya; ngizababuyisela emizini yabo, kutsho iNkosi.

ULevi 26:6

Ngizakulinika ukuthula elizweni, lilale lingethuswa muntu, ngisuse inyamazana ezimbi elizweni, lempi kayiyikuhlasela elizweni lakini.

UJobe 5:23

Ngoba uzakuba lesivumelwano lamatshe asegangeni, lezilo zasegangeni zihlalisane kuhle lawe.

Izaga 3:24

Nxa uhlala phansi, kawuyikwesaba, lapho ulala, uzakuba lobuthongo obumnandi.

U-Isaya 35:9

Kakuyikuba khona lapho isilwane, lezilo kaziyikuzula kiyo, loba lesisodwa nje. Kodwa abakhululwe yiNkosi bazahamba ngayo,

UJeremiya 23:4

Ngizakuzimisela abelusi abazakuzilondoloza; kazisayikwesaba, zitshaywe luvalo; futhi kakusayikulahleka leyodwa yazo, kutsho iNkosi.

UHezekhiyeli 36:8

Kodwa, lina zintaba zakoIsrayeli, lizahluma ingatsha zenu, livezele abantu bami uIsrayeli izithelo, ngoba sebezakubuya ekhaya.

UHezekhiyeli 39:26

Bazakhohlwa ihlazo labo lokungikhohlisa kwabo konke, nxa sebehlale elizweni labo kungasekho lobethusayo,

UHosiya 2:20

Ngizazimisela wena ngeqiniso; uzangazi mina Nkosi.

UZakhariya 8:12

Ngoba kuzahlanyelwa ngokuthula, ivini lizathela izithelo zalo lomhlabathi wandise inala yawo, lephezulu lehlise amazolo alo; ngizabanika abaseleyo balababantu zonke lezizinto.