UHezekhiyeli 34:26 - iBhayibhili Elingcwele 1978

²⁶ Ngizazenza zibe yisibusiso zona lezindawo ezihanqe intaba yami, ngithumele izulu ngesikhathi salo, izulu elihle.

IBhayibhili Elingcwele LesiNdebele

²⁶ Ngizazibusisa kanye lezindawo ezihanqe intaba yami. Ngizakwehlisa imikhizo ngesikhathi sayo; kuzakuba lemikhizo yesibusiso.

UHezekhiyeli 34:26 ပူးပေါင်းရင်းမြစ်များ

UGenesisi 12:2

Ngizakukwenza ube yisizwe esikhulu, ngikubusise, ngenze ibizo lakho libe likhulu, lisetshenziswe ekubusiseni.

UGenesisi 9:16

Umchilowamakhosikazi uzakuba semayezini, lapho ngiwubona ngizakhumbula isivumelwano esingapheliyo esiphakathi kukaNkulunkulu lazo zonke inyamazana eziphilayo zenhlobo zonke ezisemhlabeni.

AmaHubo 133:3

Kufana lamazolo aseHermoni, awela entabeni zaseZiyone. Ngoba iNkosi yalaya khona isibusiso esiyikuphila okungapheliyo.

AmaHubo 2:6

Ngibekile inkosi yami eZiyone, entabeni yami engcwele.

AmaHubo 68:16

wena ntaba elengqonga ezinengi, uyikhangelelani ngomona intaba uNkulunkulu athanda ukuhlala kuyo na? Yebo, iNkosi izakuhlala kuyo kuze kube nininini.

AmaHubo 68:9

Walinisa izulu elikhulu, Nkulunkulu, walivuselela ilizwe lakho selichitheka;

AmaHubo 84:7

Bayakhula emandleni, baze babonakale phambi kukaNkulunkulu eZiyone.

U-Isaya 19:24

Ngalolosuku uIsrayeli uzakuba ngowesithathu kanye leGibithe leAsiriya, babe yisibusiso phakathi komhlaba.

U-Isaya 32:15

umoya uze uthelwe phezu kwethu uvela phezulu. Inkangala izakuba yindawo evundileyo, lendawo evundileyo ibe lihlathi.

U-Isaya 32:20

Lina lonke lizakuthokoza, lihlanyele kuhle ngoba amanzi azaba manengi, likhulule inkabi lobabhemi kuzihambele.

U-Isaya 44:3

Ngoba ngizathela amanzi phezu komhlaba owomileyo, lezikhukhula emhlabathini owomileyo; ngithele umoya wami phezu kwenzalo yakho, lesibusiso sami phezu kwabantwana bakho.

U-Isaya 56:7

laba ngizabaletha entabeni yami engcwele, ngibathokozise endlini yami yokukhulekela; iminikelo yabo yokutshiswa lemihlatshelo yabo izakuvunywa ealtareni lami, ngoba indlu yami izakubizwa ngokuthi yindlu yokukhulekela yezizwe zonke.

UHezekhiyeli 20:40

Ngoba entabeni engcwele, entabeni ende yakoIsrayeli, kutsho iNkosi uNkulunkulu, lapho bonke abakoIsrayeli, bonke ngoluthi lwabo, bazangikhonza elizweni; ngizabamukela khona, ngibize khona iminikelo yenu, leziphiwo zenu ezinhle, lakho konke okungcwele kwenu.

UHezekhiyeli 34:14

Ngizazidlisa edlelweni elihle, ledlelo lazo lizakuba sezingqongeni zentaba zakoIsrayeli. Zizalala phansi elizweni eliledlelo elihle, zidle emadlelweni amahle ezintabeni zakoIsrayeli.

UHezekhiyeli 34:29

Ngizazinika amasimu avundileyo ukuze zingabe zisaqedwa yindlala elizweni, zingabe zisaba lihlazo lezizwe.

UHezekhiyeli 36:8

Kodwa, lina zintaba zakoIsrayeli, lizahluma ingatsha zenu, livezele abantu bami uIsrayeli izithelo, ngoba sebezakubuya ekhaya.

UJoweli 2:23

Thabani, lina beZiyone, lithokoze ngeNkosi, uNkulunkulu wenu; ngoba ilinikile izulu lensewula ukuba ilibusise, yalinisela izulu elinengi, lensewula lelamuva njengakuqala.

ULevi 25:21

ngizakwenza ukuba libusiswe ngomnyaka wesithupha, ukuze ilizwe lithele izithelo zeminyaka emithathu.

ULevi 26:4

ngizakulinisela izulu ngesikhathi salo, lelizwe lizathela izithelo, lezihlahla zeganga zithele izithelo zazo.

UZakhariya 10:1

Celani eNkosini izulu ngesikhathi sentwasa, eNkosini eyenza amayezi eziphepha, enika abantu izihlambo zezulu, enika bonke utshani egangeni.

UZakhariya 8:12

Ngoba kuzahlanyelwa ngokuthula, ivini lizathela izithelo zalo lomhlabathi wandise inala yawo, lephezulu lehlise amazolo alo; ngizabanika abaseleyo balababantu zonke lezizinto.

UZakhariya 8:13

Njengoba beliyisiqalekiso phakathi kwezizwe, wena Juda lawe Israyeli, ngakho ngizakulikhulula libe yisibusiso. Lingesabi, kodwa manini isibindi.

UZakhariya 8:23

INkosi yamabandla ithi: Ngalezonsuku abantu abalitshumi abavela ezizweni zezindimi zonke bazabamba umJuda ngengubo yakhe, bathi kuye: Sizahamba lawe ngoba sesizwile ukuba uNkulunkulu ukini.

UMalaki 3:10

Lethani konke okwetshumi endlini yenotho ukuba kube khona ukudla endlini yami. Lingihlole ngalokho, kutsho iNkosi yamabandla, libone ukuba kangiyikulivulela iminyango yaphezulu, ngilehlisele izibusiso ezinengi na?

Imisebenzi 14:17

Kodwa kayekelanga ukuzifakazela ngokwenza okuhle, walinika izulu livela ezulwini lezikhathi zenala, esuthisa inhliziyo zenu ngokudla langokujabula.

UDutheronomi 28:12

INkosi izakulivulela indlu yayo yenotho ephezulu, ilinise izulu elizweni lenu ngesikhathi salo, ibusise wonke umsebenzi wezandla zenu; lizakweboleka izizwe ezinengi, kodwa lingeboleki lutho kuzo.