UHezekhiyeli 34:2 - iBhayibhili Elingcwele 1978

² Ndoda, tshumayela ngabelusi bakoIsrayeli, utshumayele uthi kibo: INkosi uNkulunkulu ithi: Maye kini, belusi bakoIsrayeli elizondlayo lina! Abelusi kabafanele ukwelusa izimvu na?

IBhayibhili Elingcwele LesiNdebele

² “Ndodana yomuntu, phrofetha okubi ngabelusi bako-Israyeli; phrofetha uthi kubo: ‘Nanku okutshiwo nguThixo Wobukhosi: Maye kini lina belusi bako-Israyeli elizikhathalelayo lina ngokwenu kuphela! Abelusi akumelanga bakhathalele umhlambi wezimvu na?

UHezekhiyeli 34:2 ပူးပေါင်းရင်းမြစ်များ

2 USamuyeli 5:2

Esikhathini esidlulileyo, uSawuli eseyinkosi yethu, nguwe owakhokhela uIsrayeli; iNkosi uNkulunkulu yathi kuwe: Wena uzakuba ngumalusi wabantu bami uIsrayeli, uzakuba ngumbusi wabo.

U-Isaya 40:11

Izakwelusa umhlambi wayo njengomalusi, ibuthe amawundlu ngezingalo zayo, iwagone esifubeni sayo, ihole kuhle amadlezane.

U-Isaya 56:11

Banjengezinja eziyizihwaba, ezingasuthiyo; yebo, bangabelusi abangaziyo; bonke bazenzela abakuthandayo, kube yilowo lalowo enanzelela eyakhe inzuzo.

UJeremiya 10:21

Abelusi babantu bayiziphukuphuku, kababuzanga eNkosini; ngakho kabaphumelelanga, lemihlambi yabo ihlakazekile.

UJeremiya 12:10

Abelusi abanengi basichithile isivini sami, basinyathezela phansi isabelo sami, isabelo sami esihle basenza saba yinkangala engelalutho.

UJeremiya 2:8

Abapristi kabatshongo ukuthi: Ingaphi iNkosi na? Lalabo abaphatha umlayo kabangazanga. Ababusi baphambuka kimi, labaprofethi batshumayela ngoBali, balandela izithombe ezingasizi lutho.

UJeremiya 23:1

Maye kubo abelusi abachitha behlakaza izimvu zomhlambi wami! kutsho iNkosi.

UJeremiya 3:15

Ngizalinika abelusi abathandekayo kimi, abazalalusa ngokwazi langokuhlakanipha.

UHezekhiyeli 13:19

Lingingcolisile phakathi kwabantu bami ngenxa yengcosana nje yebhali langezihletshana zezinkwa, labulala abantu abangafanelanga ukufa, layekela abantu abangafanelanga ukuphila ngamanga enu ebantwini bami abalalela amanga.

UHezekhiyeli 22:25

Izikhulu eziphakathi kwalo zifana lezilwane ezibhongayo leziphangayo; zibadlile abantu; zathatha inotho lezinto eziligugu; zenza abanengi baba ngabafelwakazi phakathi kwalo.

UHezekhiyeli 33:24

Ndoda, abakhileyo endaweni ezichithekileyo elizweni lakoIsrayeli, balokhu besithi: UAbrahama wayemunye lapho enikwa ilizwe, kodwa thina sibanengi; ilizwe silinikiwe impela ukuhlala kilo.

UHezekhiyeli 34:1

Ilizwi leNkosi lafika kimi lathi:

UHezekhiyeli 34:14

Ngizazidlisa edlelweni elihle, ledlelo lazo lizakuba sezingqongeni zentaba zakoIsrayeli. Zizalala phansi elizweni eliledlelo elihle, zidle emadlelweni amahle ezintabeni zakoIsrayeli.

UHezekhiyeli 34:15

Mina uqobo ngizakuba ngumalusi wezimvu zami, ngizilalise phansi, kutsho iNkosi uNkulunkulu.

uAmosi 6:4

Maye kulabo abalala phezu kwemibheda eyenziwe ngophondo lwendlovu, bacambalale phezu kwemibheda yabo, badle inyama yamawundlu avela emhlambini, leyamankonyane avela esibayeni,

UZakhariya 11:17

Maye kumalusi oyisithutha otshiya izimvu! Kungathi umkhonto ungagwaza ingalo yakhe lelihlo lakhe lokunene. Ingalo yakhe kayitshwabhane, lelihlo lokunene lifiphale.

UJohane 10:8

Bonke abafika phambi kwami bangamasela labaphangi, ngakho izimvu kazibezwanga.

Imisebenzi 20:26

Ngakhoke ngiyafakaza kini ngalolusuku lwalamuhla ukuthi ngimhlophe kulo igazi labantu bonke.

Imisebenzi 20:29

Ngiyazi ukuthi emva kokuhamba kwami kuzakungena impisi eziphangayo phakathi kwenu zingawuhawukeli umhlambi,

AbaseRoma 16:18

ngoba abanjalo kabakhonzi iNkosi yethu uKristu, kodwa bakhonza inkanuko zabo; ngamazwi langokulalisa ngolimi bakhohlisa izinhliziyo zabangelacala.

2 AbaseKhorinte 12:14

Sengilungele ukuza kini ngokwesithathu; kangizukuba ngumthwalo kini, ngoba kangifuni okwenu, ngifuna lina. Ngoba abantwana kabafanele ukudlinzekela abazali, kodwa abazali bafanele ukudlinzekela abantwana.

2 UPhethro 2:3

Ekufiseni kwabo imali bazakuthengiselana ngani ngamazwi obuqili; ukulahlwa kwabo sekukade kusebenza phakathi kwabo, lokuchitheka kwabo kakuwozeli.

UJuda 1:12

Laba balihlazo emadilini enu othando nxa besidla lani bengesabi, bezinanzelela bona bodwa. Bangamayezi angelamanzi, aphetshulwa ngumoya; bayizihlahla ezingatheliyo zebusika, ezife kabili, sezisitshulwe;