UHezekhiyeli 34:16 - iBhayibhili Elingcwele 1978

¹⁶ Ngizadinga ezilahlekileyo, ngibuyise eziduhileyo, ngibophe ezaphukileyo, ngiqinise ezibuthakathaka; lezinonileyo leziqinileyo ngizazilondoloza, ngizidlise ngokulunga.

IBhayibhili Elingcwele LesiNdebele

¹⁶ Ngizadinga ezilahlekileyo nginqande eziphambukileyo. Ngizabopha ezilimeleyo ngiqinise ezibuthakathaka. Ezinonileyo leziqinileyo ngizazibulala. Umhlambi ngizawelusa ngokulunga.

UHezekhiyeli 34:16 ပူးပေါင်းရင်းမြစ်များ

AmaHubo 147:3

Ipholisa inhliziyo ezidabukileyo, ibophe amanxeba azo.

AmaHubo 72:2

Kayahlulele abantu bakho ngokulunga, lezihlupheki zakho ngemfanelo.

U-Isaya 1:5

Lizakutshaywa kuze kube nini ngenxa yokuqhubeka kwenu lihlamuka na? Lonke ikhanda lakho, Israyeli, ligcwele amanxeba, lenhliziyo yakho yonke ibuthakathaka.

U-Isaya 10:16

Ngalokhuke iNkosi yamabandla izathumela isifo esikhulu phakathi kwabazimukileyo beAsiriya; emizimbeni yabo kuzaphembeka ukutshisa okunjengomlilo.

U-Isaya 40:11

Izakwelusa umhlambi wayo njengomalusi, ibuthe amawundlu ngezingalo zayo, iwagone esifubeni sayo, ihole kuhle amadlezane.

U-Isaya 49:26

Ngizakwenza abacindezeli bakho badle eyabo inyama, badakwe ngelabo igazi kungathi badakwe liwayini. Ng’khona bonke abantu bazakwazi ukuthi mina ngiyiNkosi, loMsilisi wakho, loMhlengi wakho, uMninimandla kaJakobe.

U-Isaya 5:17

Amawundlu azakudla kungathi asemadlelweni awo, lamazinyane adle emanxiweni.

UJeremiya 10:24

Siqondisa, wena Nkosi, kodwa kube ngokufaneleyo, kungabi ngolaka lwakho, funa usenze sibe yinto engesilutho.

UJeremiya 23:15

Ngakho iNkosi yamabandla ithi mayelana labaprofethi: Khangela, ngizabanika ukuba badle umhlonyane, ngibanathise amanzi abulalayo; ngoba kusukela kubaprofethi baseJerusalema ububi buphumele kilo lonke ilizwe.

UJeremiya 23:5

Khangela, insuku ziyeza, kutsho iNkosi, lapho ngizamhlumisela uDavida uGatsha olulungileyo; luzakubusa njengenkosi, lube lokuhlakanipha, lwenze ukulunga lobuqotho elizweni.

UJeremiya 31:8

Khangelani, ngizabakhupha elizweni lasenyakatho, ngibabuthe emikhawulweni yomhlaba; phakathi kwabo kukhona iziphofu labaqhulayo, labesifazana abakhulelweyo kanye labahelelwayo, belixuku elikhulu bazabuya lapha.

UJeremiya 50:11

Lanxa lithokoza, lanxa lijabula, lina baphangi belizwe lami, lanxa liqolotsha njengethokazi elisotshanini, likhale njengamabhiza amaduna,

UJeremiya 50:6

Abantu bami bebeyizimvu ezilahlekileyo; abelusi babo babaduhisile, bebebalusela ezintabeni; besuka entabeni besiya kwenye, bakhohlwa isibaya sabo.

UJeremiya 9:15

Ngakhoke iNkosi yamabandla, uNkulunkulu kaIsrayeli, ithi: Ngizabanika lababantu umhlonyane ukuba bawudle, banathe amanzi abulalayo.

UHezekhiyeli 20:34

ngilikhuphe phakathi kwezizwe, ngiliqoqe lasemazweni lapho lichithachithelwe khona ngesandla esilamandla langengalo eqinileyo langolaka lwami,

UHezekhiyeli 24:5

Thatha okuhle emhlanjini, ukuthelele inkuni ngaphansi kwayo, ukuze imbiza ibile iphuphume, kuze kuvuthwe lamathambo.

UHezekhiyeli 34:11

INkosi uNkulunkulu ithi: Mina uqobo lwami ngizazilandela izimvu zami, ngizidinge.

UHezekhiyeli 34:4

Kaliziqinisanga ezibuthakathaka, kalizelaphanga ezigulayo, lezaphukileyo kalizibophanga, kalizibuyisanga eziduhileyo, lezilahlekileyo kalizidinganga, lizibusile ngamandla langolunya.

UHezekhiyeli 39:18

Lizakudla inyama yamaqhawe, linathe igazi lezikhulu zomhlaba; banjengezinqama, lamawundlu, lezimbuzi, lezinkunzi, lezinonileyo zaseBashani.

UMikha 5:3

Ngakhoke uzabanikela, aze abelethe ohelelwayo, besekubuya koIsrayeli abaseleyo kubafowabo.

UMikha 7:14

Yelusa abantu bakho ngentonga yakho, umhlambi ongowakho impela ohlala wodwa ehlathini lasezihotsheni; kawalukele eBashani laseGileyadi njengasendulo.

UZefaniya 3:19

Khangela, ngalesosikhathi ngizakulwa labo bonke abakucindezelayo; ngizakusiza bonke abaqhulayo, ngibuthe abaxotshiweyo, ngiphendule ihlazo labo libe yingoma yokudumisa lodumo emhlabeni wonke.

UZakhariya 10:3

Ukuthukuthela kweNkosi kuyavutha ngabelusi, izatshaya abakhokheli; ngoba iNkosi yamabandla iyawukhathalela umhlambi wayo uJuda, izabenza babe njengebhiza lobukhosi empini.

UMatewu 15:24

Waphendula wathi: Kangithunywanga kwabanye, kuphela kuzo izimvu ezilahlekileyo zendlu yakoIsrayeli.

UMakho 2:17

UJesu esizwa lokhu wathi kubo: Abaphilayo kabadingi inyanga, kodwa abagulayo; kangizanga ukubiza abalungileyo kodwa ngize ukubiza izoni.

ULukha 19:10

Ngoba iNdodana yomuntu ize ukufuna lokusilisa okulahlekileyo.

UDutheronomi 32:15

Kodwa uJeshuruni wazimuka, wasehlamuka. Yebo, uIsrayeli waminza, wakhuluphala, wazimuka. Wasedela uNkulunkulu owamenzayo, wadelela iDwala lokukhululwa kwakhe.