UHezekhiyeli 34:14 - iBhayibhili Elingcwele 1978

¹⁴ Ngizazidlisa edlelweni elihle, ledlelo lazo lizakuba sezingqongeni zentaba zakoIsrayeli. Zizalala phansi elizweni eliledlelo elihle, zidle emadlelweni amahle ezintabeni zakoIsrayeli.

IBhayibhili Elingcwele LesiNdebele

¹⁴ Ngizazelusela emadlelweni amahle, njalo iziqongo zezintaba zako-Israyeli zizakuba ngumhlaba wedlelo lazo. Khonapho zizalala phansi emhlabeni olidlelo elihle, njalo khonapho zizakudla edlelweni elivundileyo phezu kwezintaba zako-Israyeli.

UHezekhiyeli 34:14 ပူးပေါင်းရင်းမြစ်များ

AmaHubo 37:3

Themba eNkosini, wenze okuhle, uhlale elizweni ngokuthembeka.

U-Isaya 25:6

Kulintaba iZiyone iNkosi yamabandla izakwenzela abantu bonke idili elilokudla okumnandi, idili elilewayini elihle elicengekileyo, lelilezibondlo ezimnandi.

U-Isaya 40:11

Izakwelusa umhlambi wayo njengomalusi, ibuthe amawundlu ngezingalo zayo, iwagone esifubeni sayo, ihole kuhle amadlezane.

UJeremiya 31:25

Ngizabanelisa bonke abakhatheleyo, ngiqinise labo bonke abasosizini.

UHezekhiyeli 28:25

INkosi uNkulunkulu ithi: Nxa sengibutha uIsrayeli ebantwini abachithachithwe kibo, ngizabonakalisa ubungcwele bami kibo phambi kwezizwe; bazahlala elizweni labo engalinika inceku yami uJakobe.

UHezekhiyeli 28:26

Bazahlala kilo belondolozekile, bakhe imizi, bahlanyele izivini. Bazahlala belondolozekile nxa sengithonisisa bonke omakhelwana babo ababenze inhlekisa. Ng’khona bazakwazi ukuba ngiyiNkosi uNkulunkulu.

UHezekhiyeli 34:2

Ndoda, tshumayela ngabelusi bakoIsrayeli, utshumayele uthi kibo: INkosi uNkulunkulu ithi: Maye kini, belusi bakoIsrayeli elizondlayo lina! Abelusi kabafanele ukwelusa izimvu na?

UHezekhiyeli 34:26

Ngizazenza zibe yisibusiso zona lezindawo ezihanqe intaba yami, ngithumele izulu ngesikhathi salo, izulu elihle.

UHezekhiyeli 34:27

Izihlahla zeganga zizathela izithelo zazo, lomhlaba uveze inala, zilondolozeke elizweni lazo. Zizakwazi ukuba ngiyiNkosi nxa sengaphule ijogwe lazo, ngazikhulula kulabo abazithumbileyo.

UHezekhiyeli 36:12

Ngizahambisa abantu phezu kwenu, yebo abantu bami uIsrayeli. Bazahlala kini, libe zintaba zabo, kalisayikubabulala abantwana babo.

UHezekhiyeli 36:9

Ngoba mina ngilani, ngizaphendukela ngakini, lizalinywa lihlanyelwe.

UDanyeli 11:24

Uzanqoba izindawo ezinothileyo zombuso, enze okungenziwanga ngokhokho bakhe, abele abalandeli bakhe impango lokuthunjiweyo lempahla; enze amacebo okuhlasela inqaba, kodwa kube ngokwesikhatshana nje.

AmaNani 13:18

libone ukuthi ilizwe linjani, lokuthi abantu abakhileyo kulo balamandla kumbe babuthakathaka, balutshwana kumbe banengi yini,

UJohane 10:9

Mina ngilisango; uba umuntu engena ngami uzakusiliswa, angene aphume, afumane idlelo.

Isambulo 7:16

Kabasayikulamba, kabasayikoma, kabasayikutshiswa lilanga lokutshisa konke,