UHezekhiyeli 34:10 - iBhayibhili Elingcwele 1978

¹⁰ INkosi uNkulunkulu ithi: Ngimelene labelusi, ngizafuna izimvu zami kibo, ngibayekelise ukwelusa izimvu zami, bangaphindi ukuzondla bona. Ngizakhupha izimvu zami emilonyeni yabo ukuze zingabi yikudla kwabo.

IBhayibhili Elingcwele LesiNdebele

¹⁰ Nanku okutshiwo nguThixo Wobukhosi: Ngimelana labelusi njalo ngizababeka umlandu wezimvu zami. Ngizabasusa ekweluseni umhlambi, abelusi bangabe besaba lokudla. Ngizawuhluthuna umhlambi wami emilonyeni yabo, njalo kawuyikuba yikudla kwabo futhi.

UHezekhiyeli 34:10 ပူးပေါင်းရင်းမြစ်များ

AmaHubo 23:5

Uyalungisa itafula phambi kwami laphambi kwezitha zami; ugcoba ikhanda lami ngamagcobo, umganu wami ugcwele uyaphuphuma.

UJeremiya 21:13

Ngilwa lani, lina abakhileyo esigodini abanjengedwala emagcekeni, kutsho iNkosi, lina elithi: Ngubani ozasehlela, angene emizini yethu na?

UJeremiya 39:6

Inkosi yaseBabiloni yawabulala amadodana kaZedekiya phambi kwakhe eRibila, yabulala zonke izikhulu zakoJuda.

UJeremiya 50:31

Khangela, ngilwa lawe, wena ozikhukhumezayo, kutsho iNkosi, uNkulunkulu wamabandla; ngoba usuku lwakho selufikile, isikhathi sokutshaywa kwakho.

UHezekhiyeli 13:23

Ngakho kalisayikubona imibono yenkohliso, livumise; ngizakhulula abantu bami ezandleni zenu. Lizakwazi ukuba ngiyiNkosi.

UHezekhiyeli 13:8

Ngakhoke iNkosi uNkulunkulu ithi: Ngoba likhulume inkohliso, labona amanga, ngizamelana lani, kutsho iNkosi uNkulunkulu.

UHezekhiyeli 21:3

uthi kilo: INkosi ithi: Ngimelene lawe, ngizahwatsha umkhonto wami esambeni sawo, ngibhubhise kuwe abalungileyo lababi.

UHezekhiyeli 3:18

Lapho ngisithi komubi: Uzakufa impela; wena uba ungamxwayisi, loba ungakhulumi ukumxwayisa omubi endleleni yakhe embi ukuze aphephe, lowomuntu omubi uzafela ebubini bakhe; kodwa igazi lakhe ngizalibiza kuwe.

UHezekhiyeli 3:20

Lalapho olungileyo ephambuka ekulungeni kwakhe, enze okubi, ngibeke isikhubekiso phambi kwakhe, uzakufa. Ngoba ungamxwayisanga yena, uzafela ezonweni zakhe kuthi izenzo zakhe ezilungileyo azenzileyo zingakhunjulwa. Kodwa igazi lakhe ngizalibiza kuwe.

UHezekhiyeli 34:2

Ndoda, tshumayela ngabelusi bakoIsrayeli, utshumayele uthi kibo: INkosi uNkulunkulu ithi: Maye kini, belusi bakoIsrayeli elizondlayo lina! Abelusi kabafanele ukwelusa izimvu na?

UHezekhiyeli 34:22

ngizakuzisa izimvu zami, kazisayikuba yimpango; ngizakwahlulela phakathi kwemvu lemvu.

UHezekhiyeli 34:8

INkosi uNkulunkulu ithi: Ngiyazifunga mina, ngoba izimvu zami seziyimpango, seziyikudla kwazo zonke izilo zeganga, ngoba kungelamalusi, langoba abelusi bami bengazidinganga izimvu zami, kodwa bezondlile bona, bengazelusanga izimvu zami,

UHezekhiyeli 34:9

ngakho, lina belusi, zwanini ilizwi leNkosi.

UHezekhiyeli 35:3

uthi kuyo: INkosi uNkulunkulu ithi: Ngimelene lawe, wena ntaba yaseSeyiri, ngizakukuphakamisela isandla sami, ngikuchithe ube yinkangala.

UHezekhiyeli 5:8

ngalokho iNkosi uNkulunkulu ithi: Mina sengizakulwa lani, ngizakulitshaya ukuze izizwe zonke zibone.

UNahume 2:13

Khangela, ngimelene lawe, kutsho iNkosi yamabandla; ngizatshisa ngomlilo inqola zakho zokulwa, lomkhonto uzaqeda imidlwane yakho; ngizaqeda emhlabeni konke okubambayo, lelizwi lezithunywa zakho kalisayikuzwakala.

UZakhariya 10:3

Ukuthukuthela kweNkosi kuyavutha ngabelusi, izatshaya abakhokheli; ngoba iNkosi yamabandla iyawukhathalela umhlambi wayo uJuda, izabenza babe njengebhiza lobukhosi empini.

AmaHebheru 13:17

Lalelani abakhokheli benu, lizehlisele ngaphansi kwabo, ngoba balinda imiphefumulo yenu njengabantu abazakulandisa ngayo. Kabakwenze lokhu ngokujabula, bangabubuli, ngoba lokhu kakulakusiza.

1 UPhethro 3:12

ngoba amehlo eNkosi akubo abalungileyo, lezindlebe zayo zilalela ukukhuleka kwabo, kodwa imelana labenza okubi.