UHezekhiyeli 33:30 - iBhayibhili Elingcwele 1978

³⁰ Wenake, ndoda, abantu bakini bakhuluma ngawe emidulini laseminyango yezindlu, lowo lalowo uthi kumfowabo: Woza, sizwe ukuba ilizwi lithini elivela eNkosini.

IBhayibhili Elingcwele LesiNdebele

³⁰ Okunjengawe, ndodana yomuntu, abantu bakini bakhulumisana ngawe emidulini laseminyango yezindlu besithi, omunye komunye, ‘Woza uzekuzwa ilizwi eselifike livela kuThixo.’

UHezekhiyeli 33:30 ပူးပေါင်းရင်းမြစ်များ

U-Isaya 29:13

INkosi yathi: Ngenxa yokuba lababantu besondela kimi bangidumise ngemilomo yabo, langezindebe zabo, kodwa inhliziyo zabo zikhatshana lami, lokholo lwabo luyimilayo yabantu abayifundisiweyo nje,

U-Isaya 58:2

Bayangidinga insuku zonke, bathanda ukwazi indlela zami, kungathi bayisizwe esithanda ukwenza ukulunga, esingatshiyi ukwahlulela kukaNkulunkulu waso, bebuza kimi izahlulelo zokulunga, bethanda ukusondela kuNkulunkulu,

UJeremiya 18:18

Basebesithi: Wozani simenzele amacebo amabi uJeremiya; ngoba kuzabe kulokhu kukhona abapristi ukusifundisa, labahlakaniphileyo ukuseluleka, labaprofethi ukutshumayela ilizwi. Wozani simenzele amacebo, singananzi wonke amazwi akhe.

UJeremiya 23:35

Lizakhulumisana ngalindlela, umakhelwana lomakhelwana, lomfowabo kumfowabo, lithi: INkosi iphendule yathini na? lokuthi: Itheni iNkosi?

UJeremiya 42:20

Lizifake engozini ngokungithuma eNkosini, uNkulunkulu wenu, lisithi: Sikhulekele eNkosini uNkulunkulu wethu; lokho iNkosi uNkulunkulu wethu ekutshoyo, sizakukwenza.

UHezekhiyeli 14:3

Ndoda, lamadoda anikele inhliziyo zawo ezithombeni zawo, athanda ukukhangela izinto ezimbi eziwakhubayo. Ngizavuma ukubuzwa yiwo na?

UHezekhiyeli 20:3

Ndoda, khuluma kwabadala bakoIsrayeli, uthi kibo: INkosi uNkulunkulu ithi: Kambe lizile ukubuza kimi na? Ngiyazifunga, kutsho iNkosi uNkulunkulu, kangiyikubuzwa yini.

UHezekhiyeli 20:31

Lapho linikela iminikelo yenu, linikela abantwana benu ngokubatshisa ngomlilo, liyazingcolisa ngezithombe zenu zonke kuze kube lamhla. Ngizabuzwa yini, Israyeli na? Ngiyazifunga, kutsho iNkosi uNkulunkulu, kangiyikubuzwa yini.

UHezekhiyeli 33:29

Ng’khona bazakwazi ukuba ngiyiNkosi lapho sengilichithile ilizwe laba yinkangala ngenxa yamanyala abo wonke abawenzileyo.

UMatewu 15:8

Lababantu bangidumisa ngemilomo yabo, kodwa inhliziyo yabo ikhatshana lami;