UHezekhiyeli 33:25 - iBhayibhili Elingcwele 1978

²⁵ Ngalokhoke tshono kibo uthi: INkosi uNkulunkulu ithi: Lidla inyama elegazi, liphakamisele amehlo enu ezithombeni zenu, lichithe igazi; lizahlala kilo ilizwe na?

IBhayibhili Elingcwele LesiNdebele

²⁵ Ngakho tshono kubo uthi, ‘Nanku okutshiwo nguThixo Wobukhosi: Njengoba lisidla inyama ilokhu ilegazi lithembe izithombe zenu njalo lichithe legazi, kambe lingaba ngabanikazi belizwe na?

UHezekhiyeli 33:25 ပူးပေါင်းရင်းမြစ်များ

UDutheronomi 12:16

Kodwa lingadli igazi; lichitheleni emhlabathini njengamanzi.

UGenesisi 9:4

Kodwa inyama okukuyo ukuphila, okutsho igazi, kalisoze liyidle.

UHezekhiyeli 22:27

Izikhulu eziphakathi kwalo zifana lempisi eziphangayo, ezichitha igazi zibulala abantu, ukuba zizuze umvuzo ngobuqili.

UHezekhiyeli 22:6

Zonke izikhulu zakoIsrayeli ezikuwe zisebenzisa amandla azo ukuchitha igazi.

UHezekhiyeli 18:6

engadleli emathempelini aphezu kwezintaba, engaphakamiseli amehlo akhe ezithombeni zakoIsrayeli, engangcolisi umfazi womakhelwana wakhe, engahlangani lowesifazana ngesikhathi esemfuleni,

ULevi 3:17

Lokhu kuzakuba yisimiso esingelakuphela ezizukulwaneni zenu zonke, emizini yenu yonke, sokuthi lingadli amahwahwa legazi.

Imisebenzi 21:25

Kodwa mayelana labezizwe abakholwayo sesilobile saquma ukuthi kabazile okuhlatshelwe izithombe, legazi, lokukhanyiweyo, lokufeba.

Imisebenzi 15:29

zokuthi lizile okuhlatshelwe izithombe, legazi, lokukhanyiweyo, lokufeba; uba lizilondoloza kulezizinto, lobe lenze kuhle. Salani kuhle.

UHezekhiyeli 22:9

Kukhona kuwe abantu abahlebayo ukuba bachithe igazi, labadlela phezu kwezintaba emathempelini, labawulayo.

UHezekhiyeli 18:15

ingadleli emathempelini aphezu kwezintaba, ingaphakamiseli amehlo ayo ezithombeni zakoIsrayeli, ingangcolisi umfazi womakhelwana wayo,

UHezekhiyeli 18:12

icindezela abayanga labaswelayo, iphanga abantu, ingabuyiseli isibambiso, iphakamisela amehlo ayo ezithombeni, yenze amanyala,

UHezekhiyeli 9:9

Yathi kimi: Ububi bakoIsrayeli lobakoJuda bukhulu kakhulu, ilizwe ligcwele igazi, lomuzi ugcwele ukungalungi, ngoba bathi: INkosi ilitshiyile ilizwe leli, kayiboni.

AmaHubo 24:4

Ngulowo olezandla ezingelacala lenhliziyo ehlambulukileyo, ongaphakamiseli umphefumulo wakhe kokuyize longafungeli amanga.

UDutheronomi 4:19

Futhi lapho liphakamisela amehlo enu phezulu, libone ilanga lenyanga lezinkanyezi, konke okusezulwini, xwayani, funa liyengwe, likudumise likukhonze. INkosi uNkulunkulu wenu lokhu ikunike bonke abantu abangaphansi komthunzi welanga ukuba bakukhonze.

ULevi 19:26

Lingadli lutho olulegazi. Lingenzi imilingo, lingavumisi.

UDutheronomi 12:23

Kodwake nanzelelani ukuba lingadli igazi, ngoba igazi liyikuphila, kaliyikudla ukuphila kanye lenyama.

UDutheronomi 15:23

Kodwake lingadli igazi lalo; lilichithele emhlabathini njengamanzi.

UJeremiya 7:21

INkosi yamabandla, uNkulunkulu kaIsrayeli, ithi: Fakani iminikelo yenu yokutshiswa emihlatshelweni yenu, lidle inyama uba kuyisifiso senu.

ULevi 7:20

kodwa umuntu odla inyama yomhlatshelo weminikelo yokuthula eyeNkosi esengcolile, uzakukhutshwa ebantwini bakibo.

ULevi 7:21

Uba umuntu ethinta into engcolileyo, loba umuntu ongcolileyo, loba inyamazana engcolileyo, ingabe into engcolileyo eyisinengiso, abesesidla inyama yomhlatshelo weminikelo yokuthula eyeNkosi, lowo uzakukhutshwa ebantwini bakibo.

UJeremiya 7:15

Ngizalixotsha phambi kwami njengalokho ngaxotsha bonke abafowenu, inzalo yonke yakoEfrayimi.

UHezekhiyeli 22:3

Uzakuthi kuwo: INkosi uNkulunkulu ithi: Maye kumuzi ochitha igazi phakathi kwawo ukuba isikhathi sawo sifike, owenza izithombe ukuzingcolisa.

UHezekhiyeli 36:18

Ngakho ngasengehlisela phezu kwabo ulaka lwami ngenxa yegazi abalichitha elizweni, langenxa yezithombe abalingcolisa ngazo.