UHezekhiyeli 33:21 - iBhayibhili Elingcwele 1978

²¹ Ngomnyaka wetshumi lambili wokuthunjwa kwethu, ngosuku lwesihlanu lwenyanga yetshumi, umuntu owayephunyukile eJerusalema wafika kimi wathi: Umuzi usuchithekile.

IBhayibhili Elingcwele LesiNdebele

²¹ Ngomnyaka wetshumi lambili wokuthunjwa kwethu, ngenyanga yetshumi ngosuku lwesihlanu, umuntu owayebalekele eJerusalema wafika kimi wathi, “Idolobho selinqotshiwe!”

UHezekhiyeli 33:21 ပူးပေါင်းရင်းမြစ်များ

UHezekhiyeli 1:2

Ngosuku lwesihlanu enyangeni, ngomnyaka wesihlanu wokuthunjwa kwenkosi uJehoyakini,

UHezekhiyeli 40:1

Ngomnyaka wamatshumi amabili lanhlanu wokuthunjwa kwethu, ekuqaliseni komnyaka, ngosuku lwetshumi lwenyanga, ngomnyaka wetshumi lane emva kokuthunjwa komuzi, ngalolosuku, isandla seNkosi saba phezu kwami.

UHezekhiyeli 32:1

Ngomnyaka wetshumi lambili, ngosuku lokuqala enyangeni yetshumi lambili, ilizwi leNkosi lafika kimi lathi:

2 AmaKhosi 25:10

Impi yonke yamaKaladiya eyayilenduna yabalindi yadilizela phansi imiduli yaseJerusalema.

2 AmaKhosi 25:4

Basebewufohlela umuzi. Inkosi lawo wonke amadoda empi babaleka ebusuku ngendlela yesango eliphakathi kwemiduli emibili eduze lesivande senkosi, lanxa amaKaladiya ayewuhanqile umuzi. Bahamba baqonda ngaseAraba.

UJeremiya 40:1

Ilizwi leNkosi lafika kuJeremiya, uNebuzaradani induna yabalindi esemkhulule eRama; uJeremiya wayesiwe lapho ebotshiwe ngamaketane kanye labo bonke ababethunjwe eJerusalema lakoJuda, ababesiwa eBabiloni.

UHezekhiyeli 24:1

Ngomnyaka wesificamunwemunye, ngosuku lwetshumi enyangeni yetshumi, ilizwi leNkosi lafika kimi lathi:

UHezekhiyeli 24:2

Ndoda, bhala ibizo lalolusuku, lona lolusuku kanye, ngoba inkosi yaseBabiloni isivimbezele iJerusalema ngalona lolusuku.

UHezekhiyeli 31:1

Ngomnyaka wetshumi lanye, ngosuku lokuqala enyangeni yesithathu, ilizwi leNkosi lafika kimi lathi:

UHezekhiyeli 32:17

Ngomnyaka wetshumi lambili, ngosuku lwetshumi lanhlanu lwenyanga yokuqala, ilizwi leNkosi lafika kimi lathi: