UHezekhiyeli 33:2 - iBhayibhili Elingcwele 1978

² Ndoda, tshono kibo abantu bakini uthi: Uba ngiletha impi elizweni, labantu belizwe bathathe omunye phakathi kwabo, bambeke abe ngumlindi wabo,

IBhayibhili Elingcwele LesiNdebele

² “Ndodana yomuntu, khuluma labantu bakini uthi kubo, ‘Lapho ngiletha inkemba ukumelana lelizwe, abantu balelolizwe bakhethe omunye wamadoda akibo bamenze abe ngumlindi,

UHezekhiyeli 33:2 ပူးပေါင်းရင်းမြစ်များ

U-Isaya 62:6

Ngibekile abalindi phezu kwemithangala yakho, wena Jerusalema; kabayikuthula lakanye emini lasebusuku. Lina elingabakhumbuzi beNkosi lingaphumuli,

UJeremiya 12:12

Abaphangi bafikile phezu kwawo wonke amadundulu angelalutho asenkangala, ngoba umkhonto weNkosi uyadla kusukela komunye umkhawulo welizwe kusiya komunye, kakho olokuthula.

UJeremiya 25:31

Umsindo uzafinyelela emikhawulweni yomhlaba, ngoba iNkosi iyamelana lezizwe, iyabagweba bonke abantu, ababi izakubanikela ekubulaweni, kutsho iNkosi.

UJeremiya 51:12

Misani uphawu lwempi ngasemidulini yaseBabiloni, liqinise ukulinda, libeke abalindi, licathame, ngoba iNkosi isikumisile, futhi izakukwenza lokho ekukhulume ngabakhileyo eBabiloni.

UHezekhiyeli 11:8

Liwesabile umkhonto, ngizalilethela wona, kutsho iNkosi uNkulunkulu.

UHezekhiyeli 14:17

Uba ngisehlisela ukulwa kulelolizwe ngithi: Impi kayidabule phakathi kwelizwe, iqede kulo abantu lezinyamazana,

UHezekhiyeli 14:21

INkosi uNkulunkulu ithi: Phoke, kuzakuba njani eJerusalema nxa ngilehlisela lezizehlulelo zami ezine ezibuhlungu, impi, lendlala, lezilo ezimbi, lesifo, ukuba ngiqede kilo abantu lezinyamazana.

UHezekhiyeli 3:11

Suka, uye ebantwini bakini abathunjiweyo, ukhulume kibo, loba bezakukuzwa loba bengayikukuzwa, uthi: Nanka amazwi eNkosi uNkulunkulu.

UHezekhiyeli 3:27

Kodwa lapho sengikhuluma kuwe, ngizavula umlomo wakho, uzakuthi kibo: Nanka amazwi eNkosi uNkulunkulu. Lowo othanda ukuzwa kezwe; ongathandiyo ukuzwa angezwa; ngoba bayisizwe esihlamukileyo.

UHezekhiyeli 33:1

Ilizwi leNkosi lafika kimi lathi:

UHezekhiyeli 33:12

Wenake, ndoda, tshono ebantwini bakini uthi: Ukulunga kolungileyo kakuyikumkhulula uba esona; lobubi bomubi kabuyikumbulala uba etshiya ububi bakhe; lolungileyo kayikuphila ngokulunga kwakhe uba esona.

UHezekhiyeli 33:17

Kodwa abantu bakini bathi: Indlela yeNkosi kayilunganga; kanti ngezabo indlela ezingalunganga.

UHezekhiyeli 33:30

Wenake, ndoda, abantu bakini bakhuluma ngawe emidulini laseminyango yezindlu, lowo lalowo uthi kumfowabo: Woza, sizwe ukuba ilizwi lithini elivela eNkosini.

UHezekhiyeli 33:7

Wenake, ndoda, ngikubeke ube ngumlindi koIsrayeli; nxa usizwa ilizwi elivela kimi, ubaxwayise.

UHezekhiyeli 37:18

Lapho abantu bakini besithi kuwe: Ungasitshela yini ukuba zitshoni lezi na?

UHezekhiyeli 6:3

uthi: Lina zintaba zakoIsrayeli, zwanini ilizwi leNkosi uNkulunkulu. INkosi uNkulunkulu ithi ezintabeni lasemaqaqeni lasezifuleni lasezihotsheni: Mina uqobo ngizakwehlisela phezu kwenu umkhonto, ngivale indawo zenu eziphakemeyo zokukhonzela.

UHosiya 9:8

Ngolaka olukhulu uEfrayimi ucathamele abantu bakaNkulunkulu, umprofethi uyisifu endleleni zabo zonke, lomjibila endlini kaNkulunkulu.

ULevi 26:25

Ngizakwehlisela impi phezu kwenu ezakuphindisela isivumelwano. Uba libuthana emizini yenu, ngizakuthuma umkhuhlane phakathi kwenu, linikelwe ezandleni zezitha.

UZakhariya 13:7

Vuka, mkhonto, uvukele umalusi wami, uvukele umuntu ongumngane wami, kutsho iNkosi yamabandla. Tshaya umalusi ukuba izimvu zichitheke; ngizaphendulela isandla sami kwezincinyane.