UHezekhiyeli 33:14 - iBhayibhili Elingcwele 1978

¹⁴ Futhi uba ngisitsho komubi ukuthi uzakufa impela, kanti uba ephenduka ezonweni zakhe, enze okufaneleyo lokulungileyo,

IBhayibhili Elingcwele LesiNdebele

¹⁴ Njalo nxa ngisithi emuntwini omubi, ‘Impela uzakufa,’ kodwa aphenduke ezonweni zakhe enze okufaneleyo lokulungileyo,

UHezekhiyeli 33:14 ပူးပေါင်းရင်းမြစ်များ

Izaga 28:13

Ofihla iziphambeko zakhe kayikuphumelela, kodwa lowo ozivumayo azitshiye, uzahawukelwa.

U-Isaya 3:11

Maye komubi! Kuzakuba kubi kuye, ngoba lokho okwenziwe ngezandla zakhe kuzakwenziwa lakuye.

U-Isaya 55:7

omubi katshiye indlela yakhe, longalunganga imicabango yakhe, abuyele eNkosini ezakuba lomusa kuye, lakuNkulunkulu wethu, ngoba uzamthethelela ngesihle.

UJeremiya 4:1

Uba uphenduka, wena Israyeli, kutsho iNkosi, phendukela kimi. Uba ususa phambi kwami izinengiso zakho, ungasuki kimi,

UHezekhiyeli 13:22

Ngoba lidabukisile abalungileyo ngamanga, lanxa ngingabadabukisanga mina, lakhuthaza ababi ukuze bangaphenduki endleleni zabo ezimbi, basile.

UHezekhiyeli 18:21

Uba omubi ephenduka ebubini bakhe bonke abenzileyo, agcine izimiso zami, enze okufaneleyo lokulungileyo, uzakuphila impela, kayikufa.

UHezekhiyeli 18:27

Futhi nxa umuntu omubi ephenduka ebubini bakhe abenzileyo, enze okufaneleyo lokulungileyo, uzasilisa ukuphila kwakhe.

UHezekhiyeli 33:19

Nxa omubi etshiya ububi bakhe, enze okufaneleyo lokulungileyo, uzakuphila ngenxa yakho.

UHezekhiyeli 33:8

Uba ngisithi komubi: Wena muntu omubi, uzakufa impela; uba ungakhulumi wena ukumxwayisa omubi ukuba atshiye indlela yakhe, lowomuntu omubi uzafela esonweni sakhe, kodwa umlandu uzakuba ngowakho.

UHosiya 14:1

Buyela eNkosini, uNkulunkulu wakho, Israyeli. Ngoba ukhutshwe yibubi bakho.

UHosiya 14:4

INkosi ithi: Ngizakwelapha ukungathembeki kwabo, ngibathande ngenhliziyo yami yonke, ngoba ukubathukuthelela kwami sekuphelile kibo.

UMikha 6:8

Ikutshengisile okuhle, wena muntu, iNkosi ifunani kuwe na? Ifuna kuphela ukwenza ukulunga, lokuthanda okungapheliyo, lokuzithoba phambi kwayo.

UMatewu 9:13

Hambani lifunde ukuba lokhu kutshoni ukuthi: Ngifuna isihawu kulomhlatshelo. Ngoba angizanga ukubiza abalungileyo kodwa izoni.

Imisebenzi 3:19

Ngakho phendukani, libuye futhi ukuze kuhlanjululwe izono zenu, ukuze kufike izikhathi zokuhlumelela ezivela ebusweni beNkosi,