UHezekhiyeli 33:11 - iBhayibhili Elingcwele 1978

¹¹ Tshono kibo uthi: INkosi ithi: Ngiyazifunga mina, kangithokozi ngokufa komubi, kodwa ngokuba omubi atshiye indlela yakhe aphile; tshiyanike, tshiyani indlela zenu ezimbi, ngoba lizafelani, lina bakoIsrayeli na?

IBhayibhili Elingcwele LesiNdebele

¹¹ Tshono kubo uthi, ‘Ngeqiniso elinjengoba ngikhona, kutsho uThixo Wobukhosi, kangithokozi ngokufa kwababi, kodwa ukuba baphenduke ezindleleni zabo baphile. Phendukani! Phendukani ezindleleni zenu ezimbi! Kungani umele ufe, wena ndlu ka-Israyeli?’

UHezekhiyeli 33:11 ပူးပေါင်းရင်းမြစ်များ

2 USamuyeli 14:14

Sifanele ukufa sonke, sinjengamanzi achithekele phansi angaselakubuthwa futhi; kodwa uNkulunkulu uzamyekela umuntu ongenzi olahliweyo ahlale exotshiwe.

UJobe 37:23

uSomandla singemfumane, mkhulu ngamandla langokulunga, kayikuhlanekela ukulunga okukhulu.

AmaHubo 51:15

Nkulunkulu, vula indebe zami ukuze umlomo wami ukudumise.

Izaga 1:23

Lalelani ukukhuza kwami; sengizakulitshela imicabango yami, ngikhulume amazwi ami ahlakaniphileyo kini.

Izaga 8:36

kodwa ongangifumaniyo uyazilimaza; bonke abangizondayo bathanda ukufa.

U-Isaya 21:12

Umlindi wathi: Kuyeza ukusa, kubuye ubusuku futhi. Uba lithanda ukubuza, buzani, libuye futhi.

U-Isaya 49:18

Phakamisa amehlo akho inxa zonke ubone; bonke bayabuthana, beze kuwe. INkosi ithi: Ngiyazifunga, uzakubagqiza bonke njengamangqongqo, uzicecise ngabo njengomlobokazi.

UJeremiya 22:24

Ngiyazifunga mina, kutsho iNkosi, loba uKoniya indodana kaJehoyakimi, inkosi yakoJuda, ebeyindandatho esandleni sami sokunene, bengizakukuhluthula, ngikukhuphe,

UJeremiya 3:12

Hamba uyememezela lamazwi ngasenyakatho uthi: Buya wena Israyeli ongathembekanga, kutsho iNkosi. Kangiyikukuthukuthelela, ngoba ngilesihawu, itsho iNkosi. Kangiyikuthukuthela kokuphela.

UJeremiya 3:22

Buyani, lina bantwana abangathembekanga. Ngizakwelapha ukungathembeki kwenu. Lithi: Siyeza kuwe, ngoba wena uyiNkosi uNkulunkulu wethu.

UJeremiya 44:7

Ngakhoke iNkosi, uNkulunkulu wamabandla, uNkulunkulu kaIsrayeli, ithi: Likwenzelani phezu kwenu lokhu okubi kangaka, ukuba libhubhise indoda lomfazi, usane lomntwana, baphele koJuda, kungasali muntu na?

UJeremiya 44:8

Kungani lingithukuthelisa ngezithombe zenu, litshisela abanye onkulunkulu impepha eGibithe lapho selihlala khona, ukuze libhujiswe, liphenduke into yokuthukwa leyokuhlekwa phakathi kwazo zonke izizwe zasemhlabeni na?

UJeremiya 46:18

Ngizifunga mina uqobo, kutsho iNkosi, mina engiyiNkosi yamabandla. NjengeTabori phakathi kwezintaba lanjengeKarmeli phansi kolwandle uzafika othile.

Izililo 3:33

Ngoba kayihluphi, idabukise abantu ngoba ikuthanda.

UHezekhiyeli 14:6

Ngakhoke tshono kuIsrayeli uthi: INkosi uNkulunkulu ithi: Phendukani, lehlukane lezithombe zenu, lidele wonke amanyala enu.

UHezekhiyeli 16:48

Ngiyazifunga, kutsho iNkosi uNkulunkulu, udadewenu iSodoma kalenzanga lona lamadodakazi alo njengokwenza kwakho lamadodakazi akho.

UHezekhiyeli 18:23

Ngiyathokoziswa yini yikufa komubi, kutsho iNkosi uNkulunkulu, kungabi yikuphenduka kwakhe endleleni yakhe aphile na?

UHezekhiyeli 5:11

Ngakhoke ngiyazifunga, kutsho iNkosi uNkulunkulu, ngoba lingcolisile impela indlu yami engcwele ngakho konke okuzondekayo langamanyala enu wonke, ngizakulibhubhisa ngingalihawukeli, ngingaliyekeli.

UDanyeli 9:13

Wonke lumonakalo usehlele njengoba kulotshiwe emlayweni kaMose; kodwa kasiyincenganga iNkosi uNkulunkulu wethu, ukuba sitshiye izono zethu, silalele iqiniso layo.

UHosiya 11:8

Ngizakukulahla kanjani, Efrayimi? Ngizakukunikela kanjani, Israyeli? Ngizakukwenza kanjani ube njengeAdima? Ngizakukuphatha kanjani njengeZeboyimi na? Inhliziyo iyala phakathi kwami, lesihawu sami siyaqubuka.

UHosiya 14:1

Buyela eNkosini, uNkulunkulu wakho, Israyeli. Ngoba ukhutshwe yibubi bakho.

UJoweli 2:12

Kanti lakhathesinje, kutsho iNkosi, phendukelani kimi ngenhliziyo zenu zonke, ngokuzila ukudla, langokukhala, langokulila,

UZefaniya 2:9

Ngifunga ukuphila kwami, kutsho iNkosi yamabandla, uNkulunkulu kaIsrayeli, ngithi: UMowabi uzakuba njengeSodoma, lamaAmoni abe njengeGomora, ilizwe lezimbabazane lemigodi yetshwayi elachitheka kokuphela. Abaseleyo ebantwini bami bazakubaphanga, labasilileyo esizweni sami babathumbe.

AmaNani 14:21

kodwa impela, njengalokhu ngiphila, lanjengalokhu wonke umhlaba uzakugcwala inkazimulo yeNkosi,

AmaNani 14:28

Tshono kibo uthi: Ngiyazifunga, kutsho iNkosi, ukuthi lokho elikukhulume ngisizwa ngizakukwenza kini.

Imisebenzi 26:20

kodwa ngatshumayela kuqala kwabaseDamaseko labaseJerusalema, lakulo lonke ilizwe laseJudiya lakwabezizwe ukuze baphenduke, babuyele kuNkulunkulu, benze imisebenzi efanele ukuphenduka.

Imisebenzi 3:19

Ngakho phendukani, libuye futhi ukuze kuhlanjululwe izono zenu, ukuze kufike izikhathi zokuhlumelela ezivela ebusweni beNkosi,

AbaseRoma 14:11

Ngoba kulotshiwe ukuthi: Lokhu ngiphila, itsho iNkosi, wonke amadolo azaguqa phambi kwami, lendimi zonke zizakudumisa uNkulunkulu.

1 uTimothi 2:4

othanda ukuba bonke abantu basiliswe, bafinyelele ekwazini iqiniso.

2 UPhethro 3:9

INkosi kayilibali ukusigcwalisa isithembiso sayo njengalokhu abanye besithi iyalibala, kodwa iyalibekezelela ingathandi ukuba kubhubhe lamunye, kodwa ukuba bonke bafinyelele ekuphendukeni.