UHezekhiyeli 32:24 - iBhayibhili Elingcwele 1978

²⁴ Likhona lapho iElamu lexuku lalo lonke lihanqe iliba lalo, bonke bebulewe empini, behlela elizweni elingaphansi komhlaba bengasokanga, bona ababesesatshwa elizweni labaphilayo, bathwele ihlazo labo kanye labo abehlela egodini.

IBhayibhili Elingcwele LesiNdebele

²⁴ I-Elamu ikhona, lamaxuku ayo wonke azungeze ingcwaba layo. Bonke babulewe, bebulawa ngenkemba. Bonke abandisa ukwesaba elizweni labaphilayo behlela phansi ngaphansi komhlaba bengasokanga. Bathwele ihlazo labo belalabo abehlela phansi egodini.

UHezekhiyeli 32:24 ပူးပေါင်းရင်းမြစ်များ

UGenesisi 10:22

Amadodana kaShemu ayengoElamu loAshuri loArpakishadi loLudi loAramu.

UGenesisi 14:1

Kwathi ensukwini zikaAmrafeli inkosi yaseShinari, loAriyoki inkosi yaseElasari, loKedolawoma inkosi yaseElamu, loTidali inkosi yamaGoyimi,

1 ImiLando 1:17

Amadodana kaShemu ayengoElamu loAshuri loArpakishadi loLudi loAramu. Amadodana kaAramu ayengoUzi loHuli loGetheri loMesheki.

UJobe 28:13

Umuntu kayazi indlela yokuya kukho, kakufunyaniswa elizweni labaphilayo.

AmaHubo 142:5

Ngiyakhuleka kuwe, Nkosi, ngithi: Wena uyisiphephelo sami, isabelo sami elizweni labaphilayo.

U-Isaya 11:11

Kuzakuthi ngalolosuku iNkosi yelule isandla sayo ngokwesibili ukubutha abaseleyo ebantwini bayo, ibabuthe eAsiriya laseGibithe lasePatrosi laseEtiyopiya laseElamu, laseShinari laseHamathi, lasemazweni angasolwandle.

U-Isaya 38:11

Ngathi: Kangiyikubona iNkosi elizweni labaphilayo; kangisayikubona labantu abahlala emhlabeni.

UJeremiya 11:19

Kodwa mina nganginjengewundlu elasiwa ekuhlatshweni. Ngangingazi ukuba benza amacebo amabi ngami besithi: Asisiqume isihlahla sisemanzi; asimsuse elizweni labaphilayo, lebizo lakhe lingabe lisaziwa.

UJeremiya 25:25

lamakhosi wonke aseZimri, lawaseElamu lawaseMede,

UHezekhiyeli 16:52

Lithwale ihlazo lakho lawe ngoba wenzile ukuthonisiswa kwabodadewenu kube lula ngenxa yezono zakho owazenzayo ukwedlula bona; bona balungile kulawe. Ngakho woba lenhloni lawe, uthwale ihlazo lakho, ngoba wenze ukuba odadewenu babonakale belungile.

UHezekhiyeli 16:54

Uzakuthwala ihlazo lakho, ube lenhloni ngakho konke okwenzileyo, ukuba ube yinduduzo kibo.

UHezekhiyeli 26:20

ng’khona ngizakukuphosela phansi kanye lalabo abehlela egodini, ebantwini basendulo, ngikwenze uhlale elizweni elingaphansi, emanxiweni asendulo, kanye lalabo abehlela egodini, ukuze kungahlali muntu kuwe, ungabi landawo elizweni labaphilayo.

UHezekhiyeli 31:14

Lokhu kwenzelwa ukuba kungabi lasihlahla ngasemanzini esikhula sibe side kakhulu, lezihloko zaso zithinte amayezi, kungabi lasihlahla esinatha amanzi esifinyelela emayezini; ngoba zonke zimiselwe ukufa, ziye elizweni elingaphansi komhlaba, njengabantu abafileyo abehlela phansi egodini.

UHezekhiyeli 31:18

Phoke, wena ufana lobani ngodumo langobukhulu ezihlahleni zaseEdeni na? Uzakwehliselwa elizweni elingaphansi komhlaba lezihlahla zaseEdeni, ulale phakathi kwabangasokanga, kanye labo ababulewe empini. Lo nguFaro lalo lonke ixuku lakhe, kutsho iNkosi uNkulunkulu.

UHezekhiyeli 32:18

Ndoda, khalela abantu bonke baseGibithe, ubehlisele elizweni elingaphansi komhlaba kulabo abehlela egodini, bona labesifazana bezizwe ezilodumo.

UHezekhiyeli 32:19

Uthi kibo: Ledlula bani ngobuhle na? Yehlani, lilaliswe labangasokanga.

UHezekhiyeli 32:21

Izikhulu ezilamandla zizakhuluma ngabo labasizi babo, zisendaweni zabafileyo zithi: Sebehlile, balele abangasokanga bebulewe empini.

UHezekhiyeli 32:25

Balenzela indawo yokulala phakathi kwabafileyo kanye lexuku lalo lonke, amaliba abo elihanqile, bonke bengasokanga, bebulewe empini. Ukwesabeka kwabo kwakugcwele elizweni labaphilayo, bathwala ihlazo labo kanye labo abehlela egodini, babekwa phakathi kwabafileyo.

UHezekhiyeli 32:30

Izikhulu zasenyakatho zikhona lapho, zonke ngoluthi lwazo, labo bonke abaseSidoni, abehlele phansi kanye labafileyo belenhloni ngenxa yokwesabeka konke abakwenza ngamandla abo; balele bangasokanga kanye labo ababuleweyo empini, bethwele ihlazo labo lalabo abehlela egodini.

UHezekhiyeli 34:29

Ngizazinika amasimu avundileyo ukuze zingabe zisaqedwa yindlala elizweni, zingabe zisaba lihlazo lezizwe.

UHezekhiyeli 36:15

Kangisayikuliyekela lizwe inhlamba yezizwe futhi, kalisayikuthwala ihlazo labantu loba likhubekise isizwe sakini, kutsho iNkosi uNkulunkulu.

UHezekhiyeli 39:26

Bazakhohlwa ihlazo labo lokungikhohlisa kwabo konke, nxa sebehlale elizweni labo kungasekho lobethusayo,

UHezekhiyeli 44:13

Kawayikusondela kimi ukuba angikhonze njengompristi, angasondeli ezintweni zami ezingcwele lezintweni ezingcwele kakhulu, kodwa azathwala ihlazo lawo ngenxa yamanyala awenzayo.

UDanyeli 8:2

Ngabona embonweni kungathi ngiseSusa emzini omkhulu welizwe laseElamu; ngabonake embonweni kungathi ngisemfuleni iUlayi.

UHabhakhukhi 2:16

Wena uzazisuthisa ngehlazo endaweni yodumo; natha lawe, udakwe! Inkezo esesandleni seNkosi izafinyelela kuwe, lehlazo lehlele phezu kodumo lwakho.

UMatewu 11:23

Wenake, Kapenawume, uzakuphakanyiselwa ezulwini na? Atshi! Uzakwehliselwa endaweni yabafileyo; ngoba uba yayenziwe eSodoma imisebenzi yamandla eyenziwe kuwe, ngabe lisekhona iSodoma kuze kube lamuhla.