UHezekhiyeli 31:9 - iBhayibhili Elingcwele 1978

⁹ Ngawenza wamuhle ngobunengi bengatsha zawo, lazo zonke izihlahla zaseEdeni zawuhawukela, izihlahla ezazisensimini kaNkulunkulu.

IBhayibhili Elingcwele LesiNdebele

⁹ Ngawenza waba muhle ngezingatsha ezinengi, wahawukelwa yizihlahla zonke zase-Edeni esivandeni sikaNkulunkulu.

UHezekhiyeli 31:9 ပူးပေါင်းရင်းမြစ်များ

UGenesisi 13:10

ULoti wasephakamisa amehlo akhe, wabona ukuthi lonke igceke laseJordani lalilamanzi, iNkosi ingakachithi iSodoma leGomora; lalinjengensimu yeNkosi lanjengelizwe laseGibithe kuze kufike eZowari.

UGenesisi 26:14

Waba lemfuyo yezimvu lemfuyo yezinkomo lenceku ezinengi; ngakhoke amaFilistiya aba lomona ngaye.

UGenesisi 37:11

Abafowabo baba lomona ngaye, kodwa uyise wawagcina amazwi akhe enhliziyweni yakhe.

U-Eksodasi 9:16

Kodwa ngikusilisile ukuba ngikutshengise amandla ami lokuba ibizo lami litshunyayelwe emhlabeni wonke.

Izaga 27:4

Ulaka lulolunya, lentukuthelo injengesikhukhula; kodwa ngubani ongema phambi komona na?

UmTshumayeli 4:4

Ngasengibona ukuthi ukusebenza lakho konke ukuphumelela kuvela ekuncintanisaneni kwabantu. Lokho lakho kulize lamaya.

U-Isaya 51:3

Ngoba iNkosi izakuliduduza iZiyone, iduduze wonke amanxiwa alo, izakwenza inkangala yalo ifane leEdeni, lomhlaba walo olugwadule ufane lensimu yeNkosi; injabulo lentokozo kuzafunyanwa khona, lokubonga lelizwi lokuhlabelela.

U-Isaya 55:12

Lizakuphuma lina ngokuthokoza, liholwe ngokuthula; izintaba lamaqaqa kuzahlokoma ngokuhlabela phambi kwenu, lezihlahla zonke zeganga ziqakeze izandla zazo.

UHezekhiyeli 16:14

Udumo lwakho lwafinyelela ezizweni ngenxa yobuhle bakho, ngoba babuphelele ngezinto ezinhle engangikwambathise zona, kutsho iNkosi uNkulunkulu.

UHezekhiyeli 17:22

INkosi uNkulunkulu ithi: Mina uqobo ngizathatha isihlokwana esicolo somkusu omude, ngisigxumeke. Ngizakwaphula ihlumela ogatsheni olusengqongeni, ngilihlanyele phezulu entabeni ende,

UHezekhiyeli 17:24

Zonke izihlahla zeganga zizakwazi ukuba mina Nkosi ngiyawisa isihlahla eside, ngikhulise isihlahla esifitshane, ngomise isihlahla esiluhlaza, ngihlumise esomileyo. Mina Nkosi ngikhulumile, ngizakukwenza.

UHezekhiyeli 28:13

WawuseEdeni, insimu kaNkulunkulu, ucecile ngawo wonke amatshe amahle, ngitsho ikorneliya letopazi lejaspi lekrisolite leberila leonikse lesafire lerubi le‐emeraldi. Amahlwayi akho ayengawegolide, lamasongo owawuwagqizile ayenzelwe wena ngosuku lokuzalwa kwakho.

UHezekhiyeli 31:16

Ngizakwenza zonke izizwe zithuthumele ngomdumo wokuwa kwawo, lapho ngiwuphosela endaweni yabafileyo kanye lalabo abehlela egodini. Zonke izihlahla zaseEdeni, ezikhethiweyo lezinhle zaseLebanoni, zonke ezinatha amanzi, zizaduduzwa elizweni elingaphansi komhlaba.

UHezekhiyeli 31:18

Phoke, wena ufana lobani ngodumo langobukhulu ezihlahleni zaseEdeni na? Uzakwehliselwa elizweni elingaphansi komhlaba lezihlahla zaseEdeni, ulale phakathi kwabangasokanga, kanye labo ababulewe empini. Lo nguFaro lalo lonke ixuku lakhe, kutsho iNkosi uNkulunkulu.

UHezekhiyeli 36:35

Bazakuthi: Lelilizwe ebeseliyinkangala selifana lensimu yaseEdeni; lemizi ebisichithekile isiyinkangala isingamanxiwa, isibiyiwe ihlala abantu.

UDanyeli 2:21

Uyaphendula izikhathi lezibanga, uyakhupha amakhosi, abeke amakhosi, anike abahlakaniphileyo ukuhlakanipha, lokwazi kulabo abalokuqedisisa.

UZakhariya 11:2

Khala wena phane, ngoba umkusu usuwile, ngoba izihlahla ezinhle ziphundlekile. Khalani lina zihlahla ezinkulu zaseBashani, ngoba igusu elikhulu seliganyuliwe.

1 USamuyeli 18:15

Lapho uSawuli ebona ukuba uDavida uyaphumelela, wamesaba kakhulu.