UHezekhiyeli 31:8 - iBhayibhili Elingcwele 1978

⁸ Imikusu yensimini kaNkulunkulu yayingeke ilinganiswe lawo, leminondo yayingalingani lengatsha zawo; lomangwe wawungeke ulinganiswe lengatsha zawo, kwakungekho isihlahla ensimini kaNkulunkulu esihle njengawo.

IBhayibhili Elingcwele LesiNdebele

⁸ Imisedari esivandeni sikaNkulunkulu yayingeke ilingane lawo, kumbe izihlahla zemiphayini zibe lezingatsha ezingafana lezawo, akukho sihlahla esivandeni sikaNkulunkulu esasingaba sihle njengawo.

UHezekhiyeli 31:8 ပူးပေါင်းရင်းမြစ်များ

UGenesisi 13:10

ULoti wasephakamisa amehlo akhe, wabona ukuthi lonke igceke laseJordani lalilamanzi, iNkosi ingakachithi iSodoma leGomora; lalinjengensimu yeNkosi lanjengelizwe laseGibithe kuze kufike eZowari.

AmaHubo 37:35

Ngake ngambona omubi owesabekayo, eyinkalakatha njengesihlahla saseLebanoni;

AmaHubo 80:10

Izintaba zambeswa ngomthunzi walo, lezihlahla zomkusu zingatsha zalo;

Ingoma 5:15

Imilenze yaso izinsika zelitshe elilukhuni ezisezisekelweni zegolide elihle. Ukubukeka kwaso kunjengeLebanoni, kuhle njengemikusu.

U-Isaya 51:3

Ngoba iNkosi izakuliduduza iZiyone, iduduze wonke amanxiwa alo, izakwenza inkangala yalo ifane leEdeni, lomhlaba walo olugwadule ufane lensimu yeNkosi; injabulo lentokozo kuzafunyanwa khona, lokubonga lelizwi lokuhlabelela.

UHezekhiyeli 28:13

WawuseEdeni, insimu kaNkulunkulu, ucecile ngawo wonke amatshe amahle, ngitsho ikorneliya letopazi lejaspi lekrisolite leberila leonikse lesafire lerubi le‐emeraldi. Amahlwayi akho ayengawegolide, lamasongo owawuwagqizile ayenzelwe wena ngosuku lokuzalwa kwakho.

UHezekhiyeli 31:16

Ngizakwenza zonke izizwe zithuthumele ngomdumo wokuwa kwawo, lapho ngiwuphosela endaweni yabafileyo kanye lalabo abehlela egodini. Zonke izihlahla zaseEdeni, ezikhethiweyo lezinhle zaseLebanoni, zonke ezinatha amanzi, zizaduduzwa elizweni elingaphansi komhlaba.

UHezekhiyeli 31:18

Phoke, wena ufana lobani ngodumo langobukhulu ezihlahleni zaseEdeni na? Uzakwehliselwa elizweni elingaphansi komhlaba lezihlahla zaseEdeni, ulale phakathi kwabangasokanga, kanye labo ababulewe empini. Lo nguFaro lalo lonke ixuku lakhe, kutsho iNkosi uNkulunkulu.

UHezekhiyeli 31:3

Ngizakukufanisa lomkusu oseLebanoni, olengatsha ezinhle ezinika umthunzi eguswini, omude kakhulu, olezihloko ezifinyelela emayezini.

UHezekhiyeli 31:7

Wawumuhle ngobukhulu bawo, langobude bengatsha zawo, ngoba impande zawo zatshona zafika emanzini amanengi.

Isambulo 2:7

Lowo olendlebe kezwe lokho akutshoyo uMoya emabandleni. Onqobayo ngizakumnika ukuba adle okwesihlahla sokuphila esiseParadise kaNkulunkulu.