UHezekhiyeli 31:16 - iBhayibhili Elingcwele 1978

¹⁶ Ngizakwenza zonke izizwe zithuthumele ngomdumo wokuwa kwawo, lapho ngiwuphosela endaweni yabafileyo kanye lalabo abehlela egodini. Zonke izihlahla zaseEdeni, ezikhethiweyo lezinhle zaseLebanoni, zonke ezinatha amanzi, zizaduduzwa elizweni elingaphansi komhlaba.

IBhayibhili Elingcwele LesiNdebele

¹⁶ Ngenza izizwe zathuthunyeliswa ngumdumo wokuwa kwawo lapha ngawehlisela phansi engcwabeni kanye lalabo abehlela phansi egodini. Lapho-ke zonke izihlahla zase-Edeni, ezikhethekileyo lezinhle kakhulu zaseLebhanoni, zonke izihlahla ezazithola amanzi kuhle, zaduduzeka ngaphansi komhlaba.

UHezekhiyeli 31:16 ပူးပေါင်းရင်းမြစ်များ

U-Isaya 14:15

Kodwa usuwehliselwe endaweni yabafileyo, enzikini yomgodi.

U-Isaya 14:8

Izihlahla zephane ziyathokoza ngawe, wena nkosi yaseBabiloni, lezihlahla zomkusu zaseLebanoni zithi: Selokhu wawiselwa phansi, kakukho umgamuli osigamulayo.

UJeremiya 50:46

Ngomsindo wokuthunjwa kweBabiloni umhlaba uzathuthumela, lelizwi lokukhala kwalo lizakuzwakala phakathi kwezizwe.

UHezekhiyeli 14:22

Abanye bazasala kilo, abasilileyo ukuba bakhutshwe kilo, amadodana lamadodakazi; ubakhangele nxa bephuma besiza kuwe, ubone ukuthi baziphathe kanjani lokuthi benzeni; lokhu kuzakukutshengisa wena ukuthi konke okubi engikwenzileyo eJerusalema kufanele, lakho konke engilehlisele khona.

UHezekhiyeli 14:23

Kuzakukutshengisa ukuthi kufanele nxa usubonile ukwenza kwabo lalokho abakwenzileyo, ngoba uzakwazi ukuthi kangikwenzanga lokhu kibo ngaphandle kwesizatho, kutsho iNkosi uNkulunkulu.

UHezekhiyeli 26:10

Ngenxa yobunengi bamabhiza akhe uthuli lwawo luzakukusibekela, lemiduli yakho izanyikinywa ngumsindo wabagadi bamabhiza lowezinqola zokulwa, nxa engena emasangweni akho njengomuntu ofohlela emzini.

UHezekhiyeli 26:15

INkosi uNkulunkulu ithi kulo iTire: Kawayikuthuthumela yini amazwe angasolwandle ngomdumo wokuwa kwakho, lapho abagwaziweyo bebubula labafayo besifa phakathi kwakho na?

UHezekhiyeli 27:28

Ngelizwi lokukhala kwabaqondisi bakho ilizwe lonke liyathuthumela.

UHezekhiyeli 31:14

Lokhu kwenzelwa ukuba kungabi lasihlahla ngasemanzini esikhula sibe side kakhulu, lezihloko zaso zithinte amayezi, kungabi lasihlahla esinatha amanzi esifinyelela emayezini; ngoba zonke zimiselwe ukufa, ziye elizweni elingaphansi komhlaba, njengabantu abafileyo abehlela phansi egodini.

UHezekhiyeli 31:18

Phoke, wena ufana lobani ngodumo langobukhulu ezihlahleni zaseEdeni na? Uzakwehliselwa elizweni elingaphansi komhlaba lezihlahla zaseEdeni, ulale phakathi kwabangasokanga, kanye labo ababulewe empini. Lo nguFaro lalo lonke ixuku lakhe, kutsho iNkosi uNkulunkulu.

UHezekhiyeli 31:3

Ngizakukufanisa lomkusu oseLebanoni, olengatsha ezinhle ezinika umthunzi eguswini, omude kakhulu, olezihloko ezifinyelela emayezini.

UHezekhiyeli 31:8

Imikusu yensimini kaNkulunkulu yayingeke ilinganiswe lawo, leminondo yayingalingani lengatsha zawo; lomangwe wawungeke ulinganiswe lengatsha zawo, kwakungekho isihlahla ensimini kaNkulunkulu esihle njengawo.

UHezekhiyeli 31:9

Ngawenza wamuhle ngobunengi bengatsha zawo, lazo zonke izihlahla zaseEdeni zawuhawukela, izihlahla ezazisensimini kaNkulunkulu.

UNahume 2:3

Izihlangu zamaqhawe akhe zibomvu, amabutho akhe agqoke okuyibubende, lenqola zakhe zokulwa ziphazima njengamalangabi lapho sezilungiselwa ukulwa; amabhiza ayagidagida.

UHabhakhukhi 2:17

Ububi obenziwa eLebanoni buzakwehlela kuwe, ukuchitheka kwenyamazana kukwethuse ngenxa yegazi labantu lobubi obenziwa emhlabeni, emizini lakubo bonke abahlala kiyo.

UHagayi 2:7

ngizakunyikinya izizwe zonke ukuze inotho yazo ifike lapha, igcwalise indlu le ngobuhle, kutsho iNkosi yamabandla.

Isambulo 11:13

Ngalesosikhathi kwaba khona ukuzamazama okukhulu komhlaba, kwawa ingxenye yetshumi yomuzi; kwafa abantu abayizinkulungwane eziyisikhombisa ekuzamazameni komhlaba; labaseleyo batshaywa luvalo, bamdumisa uNkulunkulu wezulu.