UHezekhiyeli 31:12 - iBhayibhili Elingcwele 1978

¹² Abezizweni abalesihluku kulazo zonke izizwe bazawuquma bawulahle; ingatsha zawo zizawela ezintabeni lasezihotsheni; zizakwephukela ezifuleni zelizwe, labantu bonke bomhlaba basuke emthunzini wawo, bawutshiye.

IBhayibhili Elingcwele LesiNdebele

¹² njalo isizwe sasezizweni esilesihluku kulazo zonke sawucakazela phansi sawutshiya. Ingatsha zawo zawela phezu kwezintaba lasezigodini zonke, amagatsha awo ephukela ezindongeni zonke zelizwe. Zonke izizwe zasemhlabeni zasuka emthunzini wawo zawutshiya.

UHezekhiyeli 31:12 ပူးပေါင်းရင်းမြစ်များ

UHezekhiyeli 28:7

ngizakukulethela abezizwe, ngilethe izizwe ezesabekayo kakhulu; zizahwatsha imikhonto yazo, zichithe ubuhle bokuhlakanipha kwakho, zone udumo lwakho.

UHezekhiyeli 30:11

Yena labantu bakhe, abesabeka ukwedlula izizwe zonke, bazakuza ukulichitha ilizwe; bazalihlasela iGibithe ngemikhonto yabo, bagcwalise ilizwe ngezidumbu.

UHezekhiyeli 30:12

Ngizakwenza umfula iNile utshe, ngithengise ilizwe ebantwini ababi, ngilichithe ilizwe lakho konke okukilo ngezandla zabezizwe; mina Nkosi ngikhulumile.

UHezekhiyeli 31:17

Lazo zizakuya endaweni yabafileyo kanye lawo, kubo ababulewe empini. Yebo, labo abahlala ngaphansi komthunzi wawo phakathi kwezizwe bazabhubha.

UHezekhiyeli 32:12

Ngizabulala ixuku lakho ngemikhonto yamaqhawe asabeka kuzo zonke izizwe. Azakuqeda ukuziphakamisa kweGibithe, kubhubhe lalo lonke ixuku lalo.

UHezekhiyeli 35:5

Ngoba waba lenzondo engapheliyo, wanikela abantu bakoIsrayeli ekubulaweni ngesikhathi sokuhlupheka kwabo, ngesikhathi sokutshaywa kwabo kokucina.

UHezekhiyeli 35:8

Ngizagcwalisa intaba zakho ngababuleweyo; ababuleweyo empini bazawela emaqaqeni akho lasezihotsheni zakho lasezindongeni zakho.

UHezekhiyeli 39:4

Uzawela phezu kwezintaba zakoIsrayeli, wena lamaxuku akho wonke labantu abalawe. Ngizakukunikela emanqeni lezilweni zeganga ukuba kukudle.

UHezekhiyeli 7:21

Ngizakuzinikela ezandleni zabezizwe bazithumbe, lakwababi bomhlaba zibe yimpango yabo, bazakuzingcolisa.

UDanyeli 4:11

Isihlahla sakhula, saqina, isicholo saso safinyelela ezulwini, sabonakala emhlabeni wonke.

UHabhakhukhi 1:11

Sivunguze njengomoya, sedlule, singabantu abamandla abo angunkulunkulu wabo.

UHabhakhukhi 1:6

Ngoba, khangelani, ngivusa amaKaladiya, isizwe esilesihluku lesilamandla, esidabula emhlabeni wonke ukuyathumba indawo zokuhlala ezingeyisizo ezaso.

Isambulo 17:16

Lempondo ezilitshumi ozibonileyo zona kanye lesilo zizakusizonda isiphingi; zizakusichitha sisale siyize, zidle inyama yaso, zisitshise ngomlilo.