UHezekhiyeli 3:23 - iBhayibhili Elingcwele 1978

²³ Ngasengisukuma ngisiya esigodini. Inkazimulo yeNkosi yayimi khona, injengenkazimulo engangiyibonile ngasemfuleni iKebari; ngathi mbo ngobuso.

IBhayibhili Elingcwele LesiNdebele

²³ Ngakho ngasukuma ngaya egcekeni. Inkazimulo kaThixo yayimi lapho, injengenkazimulo engangiyibone phansi koMfula uKhebhari, ngathi mbo phansi ngobuso.

UHezekhiyeli 3:23 ပူးပေါင်းရင်းမြစ်များ

UHezekhiyeli 1:28

Ukukhanya lokho okuvuthayo kwakunjengomchilo‐wamakhosikazi emayezini lapho izulu lisina; kunjengokubonakala kobukhosi beNkosi. Lapho ngibona lokho, ngathi mbo ngobuso phansi, ngezwa ilizwi likhuluma lami.

UHezekhiyeli 10:18

Yasisuka inkazimulo yeNkosi ngasemnyango wethempeli, yema ngaphezu kwamakherubi.

UHezekhiyeli 43:2

Inkazimulo kaNkulunkulu kaIsrayeli yavelela ngasempumalanga, lomdumo wokuza kwakhe wawunjengowamanzi amanengi, lomhlaba wakhanya ngenkazimulo yakhe.

UHezekhiyeli 43:3

Umbono engawubonayo wawunjengombono engawubona lapho uNkulunkulu esiza ukuchitha iJerusalema, unjengombono engawubona ngasemfuleni iKebari; ngathi mbo ngobuso phansi.

UHezekhiyeli 44:4

Wasengihambisa ngendlela yangasesangweni elingasenyakatho, wangiletha ngaphambi kwethempeli. Ngakhangela ngabona inkazimulo yeNkosi igcwalise ithempeli leNkosi, ngathi mbo ngobuso.

UHezekhiyeli 8:4

Inkazimulo kaNkulunkulu kaIsrayeli yayilapho injengokuyibona kwami esihotsheni.

UHezekhiyeli 9:3

Inkazimulo kaNkulunkulu kaIsrayeli yasuka ngaphezu kwamakherubi lapho yayikhona, yayahlala emnyango wendlu. INkosi yasibiza umuntu owayegqoke ilembu elihle elezinto zokubhala,

UDanyeli 8:17

UGabriyeli wasesondela lapho ngimi khona. Esefikile ngatshaywa luvalo, ngathi mbo ngobuso phansi. Kodwa yena wathi kimi: Ndoda, qedisisa ukuba umbono ungowesikhathi sokucina.

AmaNani 16:19

UKora wasebuthanisa lonke ibandla ukumelana labo ngasemnyango wethente lokuhlangana. Inkazimulo yeNkosi yabonakala kulo lonke ibandla.

AmaNani 16:42

Kwathi ibandla selibahlanganyela oMose loAroni, bakhangela ngasethenteni lokuhlangana, babona iyezi lilisibekele, lenkazimulo yeNkosi ibonakala.

Imisebenzi 7:55

Kodwa yena egcwele uMoya oNgcwele wajolozela ezulwini, wabona inkazimulo kaNkulunkulu, loJesu emi ngakwesokunene sikaNkulunkulu,

UJoshuwa 5:14

Yena wathi: Atshi; kodwa ngizile ukuba yinduna yempi yeNkosi. UJoshuwa wathi mbo ngobuso phansi, wakhuleka esithi kuye: Inkosi yami ithi inceku yayo kayenzeni na?

Isambulo 1:17

Ngathi ukumbona ngawela ngasezinyaweni zakhe ngaba njengofileyo; kodwa wasebeka isandla sakhe sokunene phezu kwami esithi: Ungesabi; mina ngingowokuqala lowokucina,

Isambulo 4:10

abadala abangamatshumi amabili lane baziwisela phansi phambi kwakhe ohlezi esihlalweni sobukhosi, bamkhonza yena ophilayo kuze kube nininini, baphosela imiqhele yabo phambi kwesihlalo sobukhosi, behlabela besithi:

Isambulo 5:14

Lezidalwa ezine eziphilayo zathi: Ameni. Labadala baziwisela phansi, bakhonza.

Isambulo 5:8

Kuthe seliyithethe incwadi, izidalwa ezine eziphilayo labadala abangamatshumi amabili lane baziwisela phansi phambi kweWundlu, kuyilowo lalowo ephethe ichacho lemiganu yegolide igcwele impepha eyimikhuleko yabangcwele.